2 Korente-na 5:10 - Bible azumeina

¹⁰ Kayam ei pet mba tcholei avok zlam mba ka sariyad’a hi Christ-sa, nge nge pî mba mi ve vama ndak yam sun nda mi lat kur hliu tamba, le ni djivid’a, d’oze tchod’a.

2 Korente-na 5:10 Referans Kwoze

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Vama ndum mbeina 22:12

Jesus mi dala: Agi humugiya! An nga ni mba ka tchetchem ki wurak manda abon á he mi nge nge pî yam sun mam mba mi lata.

Efes-sâ 6:8

Agi wagiya, sama lara pî, magoma d’oze gor vuta, Salad’a mba mi wuragam yam sun mam mba djivid’a mi lata.

Ma tchi wala 12:14

Gorona, vama arâ, ang hum hat ta yam ahle ndazinid’a. Le a le ni mbaktumba ablaud’a pî, ti nga d’i dap pi; hat ta ngola ni kaud’a yam hliu tad’a.

Sawal la giled’a 62:12

Alona mi de zlad’a yam tu; an hum yan mbà mi dala: Ad’enga ni manda!

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

1 Pierre 4:5

Wani azi mba hulong zla mazi d’a ded’a mAlo ma nga mi min tam á ka sariyad’a yam suma arina ki suma matna mi na.

Sawal la giled’a 98:9

avok Ma didina, kayam nga mi djï á ka sariyad’a yam andagad’a. Mba mi ka sariyad’a yam suma kur duniyad’ina ki d’ingêra, mba mi ka sariyad’a yam andjaf suma dingâ ki d’engzeng mamba mi.

Sunda hi suma a sunuzinid’a 17:31

Mi de na kayam mi nga wa bur ma mam mba mi ka sariya d’a d’ingêra yam suma kur duniyad’ina ki sama mam tinima. Kid’a mi tchol sa máma akulo aduk suma matnid’a, mi le glangâsâ woi kam avok suma pet ala mam mba mi le na.

Sunda hi suma a sunuzinid’a 10:42

Mi hami vuna ala ami tchami wala mi suma, ami dami woi kam ala mam mi ma Alona manam á ka sariyad’a yam suma arina ki suma matnina.

Wana ni mbaktumba hi Job-pa 34:11

Mba mi wurak nge nge pî yam sun mam mba mi lata, mba mi he mi nge nge pî yam vama mi luma mi.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

Ezekiyel 18:30

Agi Israel-lâ, ni kayam ndata ba, an mba ni kagi sariyad’a kagi nge nge pî yam tit mamba. An Salad’a Ma didina nga ni dagiya: Agi mbud’ugi hurugi yam tcho magid’a, agi hulongôgi tala ar tcho magid’a ti mbud’ugi vama b’lagagina d’uo d’a.

1 Amuleina 8:32

ang Ma didin ma sä akulona, ang huma, ang ka sariyad’a yam sama tchona yam tcho mam mba mi lata, ang ar sama d’ingêrâ mi wala mam mi sama bei zlad’a kam ba na mi.

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

1 Amuleina 8:39

ang Ma didin ma sä akulona, ata yima ang nga kaka kuana, ang huma, ang vat hurung ngei kaziya, ang le ki nge nge pî yam sun mam mba mi lata, kayam ang wum hurumu, kayam ang tu ni ma we hur suma petna mi.

1 Samuel 2:10

Ma didin ma sä akulona nga mi ngop mam suma djangûna; a nga zlak avoromu, kayam mam mi sama ka sariyad’a yam suma yam andagad’a petna. Nga mi had’eng mamba mamul mama, nga mi i ad’enga hamul ma mam manama avogovok mi.

Romê-na 6:19

An nga ni dagi zlad’a ni d’igi suma na kayam amangeîd’a hi hliwigid’a. Avok agi hagi tagi pet d’igi magumeina na á le sun nda ndjendje d’a tchod’a á tid’igi kur batranga. Wani ki tchetchemba, ar agi hagi tagi pet d’igi magumeina na á le sun nda d’ingêra á tid’igi tit ta irata mi.

1 Samuel 2:3

Agi zulugi zla d’a hawa d’a subur tad’a d’i, ar zla d’a asa’ata ndavunagi d’i, Kayam Ma didina nAlo ma wahlena petna; mam mi ma nga mi nga sunda hi sumid’a petna.

2 Korente-na 7:3

An de hina kayam an kagi ni sariyad’a kagi d’i. Kayam an dagi avok ala ami tinimi hurumi kagiya, ami nga zlapa ki sed’egi kur arid’a, d’oze kur matna mi.

Romê-na 2:16

Ni hina ba, bur tu Alona mba mi ka sariyad’a yam ahlena pet suma a nga ngeid’a kur sumina kayam Jesus Christ yam Zla man nda Djivi d’a an nga ni tchat walata.

Hebre-na 9:27

Alona mi dala sama lara pî mi mit yam tu, bugol mi kam sariyad’a kamu.