2 Korente-na 11:7 - Bible azumeina

⁷ Kid’a an tchagi wal Zla d’a Djivid’a hAlonid’a, an tchat ni hawa bei wuraka. Ata yi máma an mbut tan va d’uo á mbud’ugi va. Hina ni an le ni tchod’a zu?

2 Korente-na 11:7 Referans Kwoze

2 Korente-na 12:13

Vama an lum ki Tok ka dinga kal agi ni me ge? Kayambala an tinigi nga aneka kagi d’uo d’a zu? Ar agi vad’agi hurugi woi yam tcho man ndata!

1 Tasaloni’â 2:9

B’oziyomina, agi nga djib’eregi yam sun mamid’a ki ndak mamid’a. Kid’a ami tchagi wal Zla d’a Djivid’a hAlonid’a, ami lami sunda andjege ki faleya, kayam ami mbud’umi vama ane’â yam sa adigagi d’i.

2 Korente-na 10:1

Ki tchetchemba, an Paul nga ni tchenegi ki lulumad’a, ki hur ma djivina hi Christ-sâ. Suma dingâ a nga dala ata yima an nga adigagina, an ni sama lulumana, wani ata yima an nga adigagi d’uo na, an nga ni dagi zlad’a bei mandarâ.

1 Korente-na 9:6

D’oze an ki Barnabas, ami tamid’a ndagami á d’elemi tami bei le sunda á fe te mamina mi d’uo zu?

2 Tasaloni’â 3:8

Ami tami nga avu hi sa hawa d’i, wani kur ndaka ami lami sunda andjege ki faleya, kayam ami mbud’umi vama anek yam sa adigagi d’i.

Sunda hi suma a sunuzinid’a 20:34

Agi tagi wagiya, an le sunda kabon á fe vama kid’agana ki ma hi suma zlapa ki sed’ena.

1 Korente-na 9:12

Le suma dingâ a nga lagi na ni, ami lami na kal luo zu? Wani ami lami nga na d’i! Ami vami tami kur ahlena pet, tala ami d’elemi lovot Zla d’a Djivid’a hi Christ-sa d’a d’i.

Sunda hi suma a sunuzinid’a 20:33

An le nga d’od’oka yam beged’a d’oze lor roze baru hi sa d’i.

Romê-na 1:1

Ni an Paul azongâ hi Jesus Christ ma Alona mi yan mi mbud’un ma a sunuma ata yima mi manan á tchi wal Zla mam mba Djivid’ina.

2 Korente-na 2:12

Kid’a an mba avo Trowas á tchi wal Zla d’a Djivid’a hi Christ-sid’a, Salad’a mi mal lovota avoron á le sunda ngola.

2 Korente-na 10:16

Hina wani, ami mba fami lovota á tchami wal Zla d’a Djivid’a kur ambas sa sä blogogid’a, kayam ami min suburumi tami yam sun nda suma dingâ a lat kur asine mazina adjeud’a d’i.