2 Korente-na 10:7 - Bible azumeina

⁷ Agi nga gologi ahle suma a nga abu pid’ak iragina. Le sama djib’er ala mam mi sana hi Christ-sâ ni, ar mi djib’er hina ala ami tami ni suma hi Christ-sâ d’igi mam na mi.

2 Korente-na 10:7 Referans Kwoze

2 Korente-na 5:12

Ami min hulong dagi zla d’a ding kami d’uo d’a, wani ami malagi lovota á suburugi tagi kamiya, kayam agi ndak á hulong zla d’a ded’a mi suma a nga subur tazi yam ahle suma ir suma woi abuna, wani nga ni yam ahle suma krovona d’i.

1 Korente-na 14:37

Le sama djib’er ala mi mbut ma djok vun Alona, d’oze le mi djib’er ala Muzu’â hAlonina mi hum he d’a hawad’a ni, ar mi wala vama an b’irigizina ni vun ma hed’a hi Salad’ina.

2 Korente-na 11:23

Azi nazungeîna hi Christ-sâ zu? An nga ni de d’igi sama vit teina na. An kalaziya, an le sunda kalazi mi. A gan dangeina yazi ablaud’a kala, a ton ngola kala, an ar gogo á matna yan ablaud’a kal mi.

Jean 7:24

Ar agi kagi sariyad’a yam vama agi wagizi ki iragi hawa go na d’i, wani ar agi kagi ni sariya d’a d’ingêra.

1 Jean 4:6

Wani ei ni suma hAlonina. Sama wAlonina nga mi humiya, sama hAlona d’uo na nga mi humi d’i. Ni kayam ndata ba, ei wei ki Muzuk ma gagazina ki muzuk ma vit suma woina.

1 Korente-na 9:1

An ni gor vuta d’uo zu? An ni ma a sunuma d’uo zu? An we Jesus Saleina d’uo zu? Agi ni sun man nda led’a yam Salad’id’a d’uo zu?

1 Korente-na 3:23

Wani agi ni suma hi Christ-sâ, Christ tamba ni hAlonina mi.

Galat-na 3:29

Le agi ni suma hi Christ-sâ ni, agi nandjafâ hi Abraham-ma mi. Agi ni suma te djo ma Alona mi hle vunam kama mi.

2 Korente-na 10:1

Ki tchetchemba, an Paul nga ni tchenegi ki lulumad’a, ki hur ma djivina hi Christ-sâ. Suma dingâ a nga dala ata yima an nga adigagina, an ni sama lulumana, wani ata yima an nga adigagi d’uo na, an nga ni dagi zlad’a bei mandarâ.

1 Korente-na 1:12

Wana ni vama an min dagizina: Suma dingâ adigagi a nga dahlena teteng ala: An ni ma hi Paul-lâ, ma dingâ ala: An ni ma hi Apolos-sâ, ma dingâ ala: An ni ma hi Pierre-râ, ma dingâ ala: An ni ma hi Christ-sâ mi.

2 Korente-na 13:3

Kayam agi min á we zla d’a ded’a hi Christ sa an nga ni data, agi mba wad’u. Ni Christ ma nga amangeîd’a adigagi d’uo na, nga mi tak ad’eng mamba woi adigagi mi.

2 Korente-na 12:11

An nga ni de zlad’a ni d’igi sama lilid’a na, wani agi lan kad’enga ni agiya. Djivid’a ni agi ba, yoronu, kayam an ni va d’i. Wani suma agi nga golozi ala ni suma a sunuzi suma nglona na a kalan nga ki va tu d’i.

2 Korente-na 11:18

Kayam suma ablaud’a a nga subur tazi yam ahle suma kur duniyad’ina, an mba ni subur tan d’igi azi na mi.

2 Korente-na 11:4

Le sana mi mba hatagi mi tchagi wala Jesus ma ding ma ami tchagizi nga walam mbuo na, d’oze le agi vagi muzuk ma ding ma agi vum nga adjeu d’uo na, d’oze le agi hagi gagazid’a yam zla d’a djivi d’a ding nga ami tchagizi nga walat tuo d’a ni, agi nga vagizi atogo zak.

1 Korente-na 15:23

Wani nge nge pî mba mi tchol ni ki yi mama; Christ ni ma avogozina pet, bugola, suma ala ni mama na a mba fe arid’a kur bur ma mam mba mi hulong kuana.

Wana ni Zla d’a Djivi d’a Luc mi b’irita 16:15

Jesus mi dazi ala: Agi ni suma min á mbut tagi d’ingêr avok sumina, wani Alona mi wagi hurugiya, kayam vama suma suburum adigazina ni vama tchona avok Alona.

Matiye 23:5

Azi nga le sun mazid’a pet ni kayambala suma a waziya d’a, azi nga tchuk gan gata hAlonid’a atazi bibigilir, azi nga ndjap ahle suma djifâ avun baru mazina ndjundjû mi.

1 Samuel 16:7

Wani Ma didina mi de mi Samuel ala: Ang djib’er yam djif mama ki fiyak mamba d’i, kayam an noyômu, kayam an nga ni we ni d’igi suma a we na d’i. Azi we ni ir sana abua, wani an we ni hur sana krovo.