2 Korente-na 10:18 - Bible azumeina

¹⁸ Kayam sama nga subur tam vama, mi ndak nga d’i, wani sama Ma didina nga mi suburuma ni ma nda’â.

2 Korente-na 10:18 Referans Kwoze

Wana ni Zla d’a Djivi d’a Luc mi b’irita 16:15

Jesus mi dazi ala: Agi ni suma min á mbut tagi d’ingêr avok sumina, wani Alona mi wagi hurugiya, kayam vama suma suburum adigazina ni vama tchona avok Alona.

Zla d’a d’ogolâ 21:2

Nge nge pî nga mi djib’er ala sun mam mba led’a ni djivid’a iramu, wani Ma didina ni sama nga hurîna.

1 Korente-na 4:5

Kayam ndata, ar agi kagi sariyad’a yam sa avok yima ngama d’i, wani ar agi djubugi mbad’a hi Salad’id’a tua. Mam mba mi ndahle suma a nga ngeid’a kur nduvundina woi pid’ak kur b’od’a, mba mi tak djib’er ra muduri d’a nga kur sumid’a woi mi. Ata yi máma, nge nge pî Alona mba mi suburumu.

Romê-na 2:29

Wani Juif ma krovona ni Juif ma gagazi ma bayâ mam mba ngata ni kurum krovona. Ni bayâ d’a ngat ta yam Muzu’â hAloninid’a, nga ni yam gat ta a b’irita d’i. Juif ma gagazi máma, suma a nga suburumî azi d’i, wani Alona mi suburumî mamu.

2 Korente-na 10:12

Kayam ami min suburumi tami ki suma a nga hle yazi akulona d’i, ami nga ngami tami ki sed’ezi d’uo mi. Wani ata yima azi tazi nga nga tazi ki tazina, ne mazid’a kid’aga.

Jean 12:43

Ni kayam azi min ni subura hi sumid’a kal subura hAlonid’a.

Zla d’a d’ogolâ 27:2

Ar suma dingâ a suburungî aziya, ar ang subur tang yam tang ngi. Ar sama ding mi suburungî mamu, nga ni ang ba, subur tang go d’i.

1 Pierre 1:7

Hina, kuk ndata mba d’i tak djivid’a hi he gagazi magi d’a guzut kal lor ra b’lak kei d’a nga a kugut kakud’id’a woyo. Hina, he gagazi magi d’a guzut kal lorid’a a nga kugut hina á wad’eng mata. Hina wani, fata Jesus Christ mba mi nde woid’a, Alona mba mi gilegiya, mba mi suburugiya, mba mi hugi mi.

2 Korente-na 13:7

Wani ami nga tchenemi Alona kagi ala ar agi lagi tchod’a d’i. Nga ni kayambala ami ndagamiya d’a d’i, wani le ami ndagami nga d’uo pî, ar agi lagi nahle suma djivina.

2 Korente-na 6:4

Wani kur ahlena pet, ami nga tagami woi ala ami nazungeîna hAlonina. Ami nga vami tami kur ndaka, kur yor tad’a, kur hur ma hata mi.

Romê-na 14:18

Sama le sunda yam Christ hina na, ni ma Alona tam lum djivid’a kama, suma a yorom mi.

2 Timote 2:15

Ang he tang mAlona d’igi sama ndak avorom ma le sunda bei zulona ba ma väd’u zla d’a gagazid’a ata yat d’ingêrâ na.

2 Korente-na 5:12

Ami min hulong dagi zla d’a ding kami d’uo d’a, wani ami malagi lovota á suburugi tagi kamiya, kayam agi ndak á hulong zla d’a ded’a mi suma a nga subur tazi yam ahle suma ir suma woi abuna, wani nga ni yam ahle suma krovona d’i.

2 Korente-na 3:1

Na ni ami suburumi tami avorogi kua zu? D’oze djivid’a ami mbami ki mbaktum mba glangâsâ d’igi suma dingâ a nga mba ki sed’et hatagi na, d’oze d’igi suma dingâ a nga vat abogi na mi zu?

1 Korente-na 11:19

Djivid’a wala mba adigagi hina á we suma gagazi suma adigagina.

Romê-na 16:10

Agi gagi Apeles ma a kugum yam Christ-sâ depa. Agi gagi suma avo hi Aristobul-lâ depa.

Sunda hi suma a sunuzinid’a 2:22

Agi Israel-lâ, agi humugi zla d’a an nga ni dagizid’a. Jesus ma Nazarat-na ni sama Alona tagagizi woi avorogi ki sun nda atchap pa ndandala kahle suma simata suma Alona mi lazi ki sed’em adigagi d’igi agi tagi wagi na na.

Zla d’a d’ogolâ 12:8

Suma a nga yor sana ni yam wäd’u mamba, wani sama hurum tchod’ina, suma a nga golom is.