2 Korente-na 1:23 - Bible azumeina

²³ An ka ni zlad’a d’i, Alona ni ma glangâs mana mi. An ar bei hulong iza hatagi Korente kayam an min zalagi hurugi d’i.

2 Korente-na 1:23 Referans Kwoze

Galat-na 1:20

Ki tchetchemba, vama an nga ni b’irigizi kur mbaktum mba wandina ni zla d’a gagazid’a avok Alona, an nga ni ka zla d’i.

1 Korente-na 4:21

Agi minigi ni me ge? Na ni an iza hatagi ni ki totogod’a d’oze ki od’a ki hur ma lulumana zu?

2 Korente-na 13:10

Le an sä adigagi d’uo pî, an nga ni b’irigi mbaktum mba wanda, kayam fata an mbazid’a, an mba ni lagi kad’eng nga Salad’a mi handjid’a d’i. Kayam ad’eng nga Salad’a mi handjid’a ná wulugi akulo kur he gagazid’a, ná b’lagagi d’i.

2 Korente-na 13:2

Kayam ndata, kid’a an mbaza kam mbei hatagi yan á mbàd’id’a, an ngop suma a le tchod’a adjeuna ki suma dingâ mi. Wani ki tchetchemba, an sä adigagi d’uo pî, an nga ni dugot ded’a kua: Fata an mbaza hatagid’a, an mba ni arazi hawa bei ngopa d’i.

Romê-na 1:9

Alo ma an nga ni lum sunda ki hurun petna, mi wala an de ni zla d’a gagazid’a ata yima an nga ni tchi wal Zla d’a Djivid’a yam Goromina. Mi wala an nga ni djib’er kagi kur tchen manda teteu mi.

Filip-ma 1:8

Alona mi wala an de ni zla d’a gagazid’a, an nga ni le kagi ki o d’a Jesus Christ mi lat kagid’a.

2 Korente-na 12:20

An nga ni le mandarâ, fata an mbaza hatagid’a, dam an mba ni fagi d’igi an min na d’uo kla. Agi mba fan d’igi agi minigi na d’uo kla mi. An nga ni le mandarâ, dam yalâ ki yungôra kayîna, ngengâ, ngula, zla d’a de d’a tchod’a, tum didi’â ki batranga a nga adigagi kla.

1 Timote 1:20

Himene ki Alezandre a nga aduk sum ndazina. An hazi wa abo Seitan kayam mi gad’aziya, kayam azi las Alona d’i.

1 Tasaloni’â 2:5

Agi wagi ala ami dami nga zla d’a lop vun sa d’oze halami nga lem mba fe beged’a yami tu d’i. Alona ni ma glangâs mamina.

2 Korente-na 11:31

Alona Abu Salad’a Jesus ma suma a nga suburum simiyêm gak didina, mi wala an nga ni ka zla d’i.

2 Korente-na 11:11

Ni kayam me ge? Ni kayamba an nga ni le kagi d’uo d’a zu? Alona mi wala an nga ni le kagiya.

2 Korente-na 10:2

Wani an nga ni tchenegiya, fata an mbaza hatagid’a, an ar ngop pa an ngat kurun ala an mba ni ngop ki suma ding suma a nga dala ami nga tid’imi ni d’igi suma bei he gagazid’a na na woyo.

2 Korente-na 1:18

D’igi Alona ni Ma d’engzengâ na, zla d’a ami dagizid’a nga ni  ki Hawa d’i.

1 Korente-na 5:5

agi hagi sama hina na abo Seitan kayam mi b’lagam hliwimu. Hina wani, muzugam mba mi fe suta kur burâ hi Salad’a Jesus-d’a.

Romê-na 9:1

An sana hi Christ-sâ nga ni de zla d’a gagazid’a, bei ka zla d’a ba d’a. Djib’er man nda krovod’a nga d’i le glangâsâ kan yam ad’enga hi Muzuk ma bei tchod’a ba nid’a ala ni gagazi.

Sunda hi suma a sunuzinid’a 18:1

Bugol ahle ndazina, Paul mi tchol Aten mi i Korente.

Sunda hi suma a sunuzinid’a 18:8

Krispus ma ngolâ hi gong nga toka hi Juif-fîd’ina, mi he gagazid’a yam Salad’a ki suma avo hatama pet. Suma Korente-na ablaud’a suma a hum zlad’a hi Paul-lina a he gagazid’a, a lazi batemba mi.

2 Korente-na 1:1

Ni an Paul ma a sunuma hi Jesus Christ-sâ yam minda hAlonid’ina, zlapa ki wiyeina Timote. Ami nga b’irimi mbaktum mba wanda mi agi Toka hAlona d’a nga kur Korente-d’a ki suma hAlona suma avo Akai-na ki zlazi pet mi.

2 Korente-na 6:6

Ami nga tagami woi ala ami nazungeîna hAlonina, kayam ami ni suma yed’etna kur we mamid’a, kur ve ta mamid’a ki djivi mamid’a, kad’enga hi Muzuk mamid’a ki o mami d’a bei lop ira ba d’a

2 Korente-na 11:10

Zla d’a gagazid’a hi Christ-sa nga kurunu. Kayam ndata, sama ndak á d’elen á subur tan yam zla ndata kur ambas sa Akai-d’ina nga d’i.