2 Amuleina 9:26 - Bible azumeina

²⁶ Ma didina mi dala: Ata yima ang tchi Nabot ki groma kamina an we. Kayam ndata, an mba ni ngobong yam tcho mang ndata kur asine máma. Jehu mi de kua ala: Kayam ndata, ang hlum ang gum kur asine máma d’igi Ma didina mi de na mi.

2 Amuleina 9:26 Referans Kwoze

Ezekiyel 18:19

Wani agi nga dagi ala: Ni kayam me ba, gorâ mi zi tchod’a habumba d’uo ge? Wani gorâ mi tit ni yam d’ingêra ki gagazid’a, mi ngomî gat manda, mi tit kat pet. Gagazi, mba mi kak karid’a.

2 Sunda Hamuleinid’a 25:4

Wani mi tchi nga grozina woi d’i, kayam zla d’a a b’irit kur Mbaktum mba Gata, kur mbaktumba hi Moise-sa, kayam Ma didina mi he vuna ala: Ar agi tchagi abuyod’a woi yam tchod’a hi grod’id’a d’i, ar agi tchagi grod’a woi yam tchod’a habuyod’id’a d’uo mi. Ar agi tchagi nge nge pî yam tcho mam mba mi lata.

2 Sunda Hamuleinid’a 24:25

Kid’a azi lum ndaka ngola da d’a, a tchuk tazi a iya, azungeî mama a ndjak vunazi kam á tchum yam tchi d’a mi tchi ma ngat buzuna Jehojada goromid’a. A i tchum yam azang mama, mi mid’a. A tozom kur Azì ma ngolâ hi David-na, wani a tozom nga zlapa kamuleina d’i.

1 Amuleina 21:19

Ang i dum ala: Wana ni vama Ma didina mi duma. Mi dala: Ang tchi sana mi na, ni nana ba, ang yom ahle mama djona ge? Ang dum kua ala: Gola! Ma didina mi dang kua ala: Ata yima adureina a trâ buzuna hi Nabot kuana, nata yi máma ba, a mba trâng buzuwang ang kua mi.

Gat ta a hat á mbàd’id’a 24:16

Moise mi de kua ala: Ar agi tchagi abuyod’a yam tchod’a hi grod’id’a d’i, ar agi tchagi grod’a yam tchod’a habuyod’id’a d’uo mi, ar agi tchagi nge nge pî yam tcho mam mba mi lata.

Gat ta a hat á mbàd’id’a 5:9

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’a d’oze ma kur atchogoi d’a fid’id’ina.

Buzuk ka Abud’a 20:5

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina.

1 Amuleina 21:13

Suma asa’at suma mbà ndazina a mba tchol avok Nabot, a nde tchugum zlad’a kam avok suma pet ala: Nabot, ang ngul Alona, ang ngul amulâ! Ata yi máma sumazina a i ki sed’em mbei bugol azina, a durum kahinad’a baba, a tchumu.

2 Amuleina 9:21

Amulâ Joram mi he vuna ala a minim pus mam ma dur ayîna. Bugola, mam kak kuru, Ahaziya amul ma Juda-na mi kak kur mama mi. Azi i á ngaf Jehu, azi i fum sä kel abagei go kasinena hi Nabot ma Jisreyel-lîna.

2 Amuleina 9:25

Ata yi máma, Jehu mi de mi azigar mam ma ndjunuma Bitkar ala: Ang hlum ang gum kur asinena hi Nabot ma Jisreyel-lâ, kayam ang djib’er yam zla d’a Ma didina mi dat tei avok mabum Ahap kur bur ma ei digim kakulumeinina.

Habakuk 2:10

Vama ang ngam kurung á led’ina, ni vama zulona yam aziyangû. Kid’a ang tchi suma ablaud’id’a, ang tchi ni ang tanga.

Sawal la giled’a 9:13

Mam mi sama sä atchugul suma a tchazina, nga mi djib’er kazi mi, nga mi mar yam tchina hi suma hohoud’ina d’i.