2 Amuleina 8:20 - Bible azumeina

²⁰ Kur atchogoi mamba suma Edom-ma a tchol huneîd’a ki suma Juda-na, a min ala suma Juda-na a te kazi d’i, a tin amula yam taziya.

2 Amuleina 8:20 Referans Kwoze

1 Amuleina 22:47

Mi dik andjuvei suma gaulangâ karop suma gaulang suma a ar kur ambasa kur atchogoid’a habum Asa-d’ina woi mi.

2 Amuleina 3:9

Amul ma Israel-lâ kamul ma Juda-na kamul ma Edom-ma a i ki azigar mazina. A ngui tita gak burâ kid’iziya, wani ablaud’a hi azigarîd’a ki d’uwar ma nga mi zi ahle suma dur ayîna blogozina a nga fe mbiyo ma tched’a d’i.

2 Amuleina 8:22

Suma Edom-ma a kak djangûna ki suma te yam suma Juda-na kur atchogoi ndata gak ini. Suma Libina-na a tchol huneîd’a ki sed’em kur atchogoi ndata mi.

2 Amuleina 3:27

Ata yi máma amul ma Mowap-ma mi ve gorom ma ngol ma mba mi vrak tamula blangâma, mi hum vama ngat buzu ma ngala yam gulumuna hazinina. Kayam ndata, Israel-lâ huruzi zal ngola. Kayam ndata, a tchol a hulong avo hataziya.

2 Samuel 8:14

Mi min yima kaka hi azigar mamina kur Edom pet; suma Edom-ma pet a ge yazi kä ad’umu. Ata yima lara ma David mi i kuana, Ma didina mi hum ad’enga á kus ayîna yam suma pet.

Ad’u Tinda 27:40

Ang mba te vunangî ki mbigeu mang nga fiyaka, ang mba le ni sunda mi wiyengâ, wani ata yima ang mba iya abo hî yang ngei vangâ, ang mba kus djuk mama woi kelengû.

2 Amuleina 3:26

Ata yima amul ma Mowap-ma mi wala ayî máma kal kamu d’a, mi tok azigar suma a dur ki mbigeu d’a fiyakina kikis kid’iziya á ge lovota á famul ma Edom-ma, wani azi ndak ki.

1 Amuleina 22:48

Wani kur biza ndata amul nga avo Edom mbi, wani ni ma ngol ma te yam ma amul ma Juda-na mi tinima hol.

2 Amuleina 14:7

Amasiya mi tchi azigar suma Edom-ma 10.000 kur hor ra Ndjuvuna kur ayî ma durâ, mi hlazì ma Sela-na, mi djogom simiyêm ala Joktel, ni simi máma ba, a nga yum ki gak ini.