2 Amuleina 8:19 - Bible azumeina

¹⁹ Wani Ma didina mi min b’lak leu d’a Juda-d’a woi d’i, kayam mam hle vunam mazong mama David ala mam mba mi ar ad’u andjavam á tamula blangâm gak didin.

2 Amuleina 8:19 Referans Kwoze

1 Amuleina 11:36

Wani an mba ni ar andjafâ mi goroma tu, kayam zla azong mana David ad’u andjavam mi tamula avoron teteu avo Jerusalem kur azì ma an manam á kak adigazi kuana.

Wana ni mbaktumba hi Oze-d’a 11:9

An mba ni le d’igi hur man ma zal ma gugulu’â na d’i, an mba ni mba á b’lagagi agi suma Efraim-ma woi d’i. Kayam an nAlona, an nga ni sana d’i. An Ma bei tchod’a ni nga adigagiya, an nga ni mba ki hur man ma zala d’uo mi.

Isai 37:35

An mba ni ngom suma kur azì ma ngol ma wanina, an mba ni sud’uzi yam simiyênu, yam azong mana David ma d’engzengâ mi.

2 Samuel 7:15

An mba ni ar bei lum djivid’a d’igi an ar Saul ba le djivid’a ni digim mbei ni vragang ang blangâm na d’i.

Isai 7:14

Kayam ndata, Salad’a ki yam mba mi hagi vama taka: Gola! Gor weid’a mba d’i ve wirâ, mba d’i vut gorâ, ti mba d’i yum ala Emanuel.

2 Sunda Hamuleinid’a 21:7

Wani Ma didina mi min á dap suma hi David-na woi d’i, kayam mam djin vunam ki sed’em mi hlum vunam ala mam mba mi aram mi tamula kandjavam gak didin.

2 Amuleina 19:34

An mba ni ngom suma kur azì ma ngol ma wanina, an mba ni sud’uzi yam simiyênu, yam azong mana David ma d’engzengâ mi.

2 Samuel 21:17

Wani Abisai Seruya gorotna mi mba mi ndjun David, mi tchi ma Filistê máma. Ata yi máma suma hi David-na a gun tazi a de mi David ala: Ang dok i dur ayîna ki sed’emi tala ang tchi vun adjo ma ar helâ hi Israel-lîna woi d’uo d’a.

Sawal la giled’a 132:17

An mba ni tin amul ma ad’engâ ad’u andjafâ hi David-na kur Siyon, an mba ni min lovota avok ma an mba ni vragam balum ma an manam tinim amulina.

2 Samuel 7:16

Sama ad’u andjavangâ mba mi tamula blagang gak didin; amul manga mba d’i giget ti gak didin.

1 Amuleina 11:12

Wani kayam abung David, an nga ni prud’ut abong kid’a ang nga ki irang tua d’a d’i, an mba ni prud’ut nabo gorongâ.

1 Amuleina 11:13

An mba ni prud’ut tei abom pet ti, wani an mba ni aram andjafâ tu, kayam azong mana David, kayam Jerusalem azì ma an manama mi.

2 Amuleina 11:2

Wani ata yima a nga tchazina, Joseba Joram amul ma Juda-na goromba, Ahaziya wiyemba, ti ve Jowas Ahaziya goroma gumun aduk amulâ groma, ti hum abo atcha d’a wulumba kur gong nga burâ á sud’um mbei abo Atali, kayam ndat ti tchum mbi.

Sawal la giled’a 132:10

Kayam o mang nga yam azong mangâ David ma ang manam tinim amulinid’a, ang zud’um mbei d’i.