2 Amuleina 8:15 - Bible azumeina

¹⁵ Wani tcha ndjivinda Hazayel mi yo borogona, mi tchugum aduk mbina, mi baram ir amulâ. Bugola, amulâ mi mid’a, Hazayel mi vrak tamula blangâmu.

2 Amuleina 8:15 Referans Kwoze

2 Amuleina 8:13

Wani Hazayel mi dum ala: Salana, an ma ndak va d’uo koko wana, an ndak á lahle suma tchotcho ndazina ni nana ge? Wani Elise mi dum ala: Ma didina mi tagan ala ang mba mbut amul ma Siri-na.

Mise 2:1

Ni zla d’a hohoud’a yam suma a nga nga huruzi andjege á le tchod’ina. Ata yima yina fona, azi ndak vun tcho mazi ndata ata yima azi nga kad’enga abozina.

Isai 33:1

Ni zla d’a hohoud’a yam ang ma b’lak suma dingâ bei sa mi b’lagang ang ba na, yam ang ma nga mbut ir suma dingâ bei sa mi mbud’ung ang irang ba na. Fata abong dap á b’lak suma dingîd’a, a mba b’lagang ang mi. Fata ang ar bei mbut ir sumid’a, a mba mbud’ung ang irang mi.

Sawal la giled’a 36:4

Zla d’a de d’a ndavunamba ni zla d’a kad’a ki lop ira, ne d’a tinim á le sun nda djivid’id’a, mi wal tam mbei ki sed’ed’u.

2 Amuleina 15:30

Ose Ela goroma mi ndjak vunam yam amulâ Peka, mi tchumu, mi vrak tamula blangâmu. Ni kur biza d’a dok mbà d’a Jotam Azariya goroma amul ma Juda-na nga mi tamulid’a.

2 Amuleina 15:25

Peka Remaliya goroma, azigar mam ma ndjunuma, mi ndjak vunam ki azigar suma Galät-na dok vahl, a ngruvum kur azì ma amula, mi tchum zlapa ki Argop ki Ariye, mi vrak tamula blangâmu.

2 Amuleina 9:24

Wani Jehu mi ndir yeû mamba, mi yet Joram domndjolomu, ti kal kur mugulam gak ti ndeza woi vunadigamu. Joram mi puk kä kur pus mama.

1 Amuleina 19:15

Ata yi máma Ma didina mi hulong dum ala: Ang hulong hle lovot mang nga hur fulîd’a, ang i Damas. Le ang mbaza ni, ang pat Hazayel, ang vom mbulâ kam á tinim amula yam suma Siri-na d’igi an dang na.

1 Amuleina 16:18

Ata yima Zimri mi wala azigarâ a hle wa azina da na, mi kal kur azì ma amula, mi do akud’a kamu, mi ngal tam mbeyo.

1 Amuleina 16:10

Zimri mi kal kua, mi tchumu; ahle ndazina a le ni kur biza d’a dok mbà yam kid’iziya d’a Asa nga mi tamula yam suma Juda-nid’a. Zimri mi vrak tamula balum Bäsa.

1 Amuleina 15:28

Ahle ndazina a le ni kur biza d’a hindi d’a Asa nga mi tamula yam suma Juda-nid’a. Ata yi máma Bäsa mi vrak tamula balum Nadap.

1 Samuel 24:13

Ma didina mba mi kei sariyad’a adigeya, mba mi sän atchugulun ki sed’engû. Wani anu, an mba ni tin abon atang ngi.

2 Amuleina 8:10

Elise mi hulong dum ala: Ang i dum ala gagazi, mam mba mi tchol akulo. Hina pet pî, Ma didina mi tagan ala mba mi mit gagazi!

2 Amuleina 8:28

Mi i ki Joram Ahap goroma á dur ayîna ki Hazayel amul ma Siri-na kur azì ma Ramot ma Galät-na. Kur ayî máma suma Siri-na a ge Joram mbilâ.