2 Amuleina 8:11 - Bible azumeina

¹¹ Ata yi máma na wat, sana hAlonina mi so iram iram gola baba, mi nde tchina.

2 Amuleina 8:11 Referans Kwoze

Wana ni Zla d’a Djivi d’a Luc mi b’irita 19:41

Kid’a mi mba go kazì ma ngol ma Jerusalem-mid’a, mi wumu, mi tchi kamu.

Jeremi 9:18

Ar a b’at tazi á tchi horâ ki delezi akulo keya, ar simina mi djang ireya, ar bizei ma ireina mi lap ki simina.

Jeremi 4:19

Hurunu! Hurunu! Hurun nga mi tan kurun krovo bobor, vunadigan nga d’i tumunu, an ndak á bad’a d’i, kayam an nga ni hum tchina hadifina ki tau d’a ayîna.

Sawal la giled’a 119:136

Iran nga d’i djang simina d’igi mbina na, kayam suma a nga ngom gat manga d’i.

Filip-ma 3:18

Kayam suma dingâ ablaud’a a nga tid’a, ni suma an nga ni dagi zla mazid’a teteuna. Ki tchetchemba, an nga ni dagi kua ki simina iranu: Sum ndazina ni suma a kak djangûna ki matna hi Christ ma mi mit ata agu ma b’alina.

Romê-na 9:2

An nga ni djib’er ngola, hurun nga mi hat teteu mi.

Sunda hi suma a sunuzinid’a 20:31

Kayam ndata, ar agi kagagi ki ndjola. Agi djib’eregiya, kur bizad’a hindi, andjege ki faleya, an gat nge nge pî adigagi ki simina iranu.

Sunda hi suma a sunuzinid’a 20:19

Ata yi máma an le sunda mi Salad’a ki kukud’oka ki simina iran ki kuk ka mba kanda ki vun ma Juif-fâ a ndjagam kana.

Jean 11:35

Jesus mi tchiya.

Jeremi 14:17

Ang dazi zla ndata ala: Iran nga d’i yak simina falei kandjege bei ara ba, kayam a ka sum mana mbilâ. Ni b’lak ka ngola, mbil mazina ni mbil ma ngol ma kalâ.

Jeremi 13:17

Le agi humugi nga gat ndata d’uo ni, an mba ni tchi yam yam mba ad’eng magid’a gumunu, simina mba mi oî iranu, mba mi djang kä, kayam suma hi Ma didinina a mba izi magomba.

Jeremi 9:1

Jeremi mi dala: Ladjï yan ni mbina, iran ni yima lau simina mi ni, an mba ni tchi andjege ki falei yam mad’a sum mana.

2 Amuleina 2:17

Wani azi tezem ped’et. Elise mi dazi ala: Le na ni, agi sunugiziya! Azi sun mazi suma dok vahl ndazina. Azi i hal Elie gak burâ hindi, a fum nga d’i.

Ad’u Tinda 45:2

Mi nde tchina ki delem akulo; Ezipte-na a hum tchi máma, zla tchi máma mi i gak avo hi Faron.

2 Amuleina 15:29

Kur atchogoi d’a Peka amul ma Israel-lâ nga mi tamulid’a, Tiglat-Pileser amul ma Asiri-na, mi mba mi hlazì ma Ijon-na, Abel-Bet-Mäka, Janowa, Kedes, Hasor kambas sa Galät-ta ki d’a Galile-d’a kandaga d’a Neftali-d’a pet. Mi yo suma kuruzina pet, mi izi Asiri.