2 Amuleina 6:33 - Bible azumeina

³³ Kid’a Elise nga mi dazi zlad’a tua d’a, sama amulâ sunumïna mi mba. Amulâ mi dala: Ndak ndata pet ti tcholï nata Ma didina. Ni nana ba, an tin hurun kam mbei ge?

2 Amuleina 6:33 Referans Kwoze

Wana ni mbaktumba hi Job-pa 2:9

Amamba ti dum ala: Ang ve ni tang ad’enga kur d’engzeng manga wö! Ang ngul Alona ngul, ang mid’a!

Isai 8:21

A mba kal kur ambasa ki ndaka ki meid’a. Fata meid’a tchazid’a, huruzi mba mi zala, a mba ngul amul mazina kAlo mazina, a mba mbut irazi akulo.

2 Korente-na 2:11

kayam ar Seitan mi kus kei d’i, kayam ei wei lem mamba.

2 Korente-na 2:7

Wani ki tchetchemba, ar agi vad’agi hurugi woi kamu, ar agi b’lengêm hurum mi, kayam hur ma zala kal kam mbi.

Wana ni Zla d’a Djivi d’a Luc mi b’irita 18:1

Jesus mi dazi zla d’a d’ogola á had’azi a tchen teteu bei tazi tchuk lus ba.

Habakuk 2:3

Kayam zla d’a ndat teid’a mba d’i ndak vun sun mata kur atchogoi mat ta a ngata, ti nga d’i i ata dabi mata, ti mba d’i ba bei led’a d’i. Le yat nga d’i ve pî, ang djubud’u, kayam mba d’i ndak vun sun mata gagazi, mba d’i ba hawa d’i.

Jeremi 2:25

Agi gologi tagi djivi á tid’igi asegi hawad’a, ar delegi ti so kazas suo mi! Wani agi nga dagi ala: Ndata ni zla d’a hawa yaka! Ami minimi nalo ma dingâ, ami i zlabami ni ki sed’emu.

Isai 50:10

Ni nge adigagi ba, mi le mandar Ma didina, mi hum del azong mama ge? Sama lara ma nga mi tit kur nduvunda ma mi kid’ak b’od’ina, ar mi tin hurum yam simiyê Ma didina, ar mi deng tam ata Alo mama mi.

Isai 26:3

Sama mi tchol ngingring yam djib’er mambina, ang Ma didina mba ngomom ki halasa kayam mi deng tam natangû.

Isai 8:17

An tin hurun ni yam Ma didin ma ngei iram mbei avok suma hi Jakob-mina, an deng tan natam mi.

Zla d’a d’ogolâ 19:3

Lilid’a hi sanid’a nga d’i b’lagam lovot mamba, wani hurum krovo mi zalî ata Ma didina zang.

Sawal la giled’a 62:5

Agi ndjagagi vunagi ná zud’um kä kur ngol mamba, tagi nga d’i lagi djivid’a ni yam zla d’a kad’a, agi b’agi vunagi yam suma ni ki vunagiya, wani kurugi krovo agi nga yagi nahlena kaziya. Tchol ndjö

Sawal la giled’a 37:9

Kayam suma asa’atna, a mba tchazi woyo, wani suma a nga djup Ma didinina a mba tandagad’a djona.

Sawal la giled’a 37:7

Ang kak irang sik avok Ma didina, ang ve tang djubumu; ar hurung zal ata sama nga mi fahlena kur lovot mambina d’i, ar hurung zal ata sama nga mi ndak vun djib’er mam mba tchod’ina d’uo mi.

Sawal la giled’a 27:14

Ang tin hurung yam Ma didina, ang ve tang ad’enga, ar tang tchuk lus si. Ang tin hurung yam Ma didina.

Wana ni mbaktumba hi Job-pa 2:5

Wani le ang hlabong ang dom asogom ki hliwimu ni, an we woi tetet ala mam mba mi ngulung avunang ka tchetchem!

Wana ni mbaktumba hi Job-pa 1:21

mi dala: An ndeï woi kur asun ni gandila, an mba ni hulongî gandila mi. Ma didina mi he, mi yo mi. Ar ei suburi Ma didina!

Wana ni mbaktumba hi Job-pa 1:11

Ang le hlabong dom ahle mama ni, an we woi tetet ala mam mba mi ngulung avunang ka tchetchem!

1 Samuel 31:4

Ata yi máma Saul mi de mi sama zim ahle mam suma sïnina ala: Ang pat mbigeu mang nga fiyaka, ang tchogonu; ar suma bei ngat bayâ ndazina a mba tchan tchi ba a lazan ndi. Wani sama zim ahle mam suma sïnina mi min ndi, kayam nga mi le mandarâ ngola. Ata yi máma Saul mi pat mbigeu mam mba fiyaka, mi ge tam avunad’u.

Ad’u Tinda 4:13

Kain mi de mi Ma didina ala: Ndak manda taneka heî; an ndak á zit ti.

Ezekiyel 33:10

Ma didina mi dan kua ala: Ang gor sana, ang de mi Israel-lâ ala: Agi nga dagi ala: Tchila mamid’a ki tcho mamid’a a nga kamiya; ni azi ba, a mbud’umi hohoud’a. Ni nana ba, ami mba sud’umi woi ge?

2 Amuleina 7:1

Elise mi hulong dazi ala: Agi pet humugiya! Gola! Ma didina mi dala: Avin hina dedege wani, a mba gus afuta kilona dogo yam mbà d’oze awu orsâ kilona dok mbà yam fid’i ir bege d’a hapa tu ad’u suk ma Samari-na.

2 Amuleina 3:10

Ata yi máma amul ma Israel-lâ mi er ad’um akulo ala: Alë! Alë! Alë! Ma didina mi yï ei amulei suma hindina ka hî ná hei abo amul ma Mowap-ma!

Wana ni mbaktumba hi Job-pa 15:13

Ata yima ang djok djib’er ra tchod’a á kak djangûna kAlonina, andjaf zla d’a tchod’a ti ndavunang wan nduo zu?

Hor ma tchina 3:37

Ni nge ba, mi de ba ahle ndazina a le ge? Ni Salad’a ba, mi he vuna d’uo zu?

Hor ma tchina 3:39

Ni kayam me ba, sama mi nga kaka ki irama mi tchi tam ge? Ar nge nge pî mi tchi ni yam tcho mamba tata.

Amos 3:6

Le adif fa ayîna ti tchi kur azì ma ngolâ ni, suma a ba bei le mandarâ zu? Na ni ndaka ti mba kur azì ma ngolâ bei Ma didina mi wat tchu?