2 Amuleina 6:28 - Bible azumeina

²⁸ Amulâ mi dat kua ala: Ndak min ni me ge? Ndat ti hulong dum ala: Ang gol atcha d’a wanda, ti dan ala ami mud’umi gorona ini, avin ami mud’umi matna mi.

2 Amuleina 6:28 Referans Kwoze

2 Samuel 14:5

Amulâ mi dat ala: Ndak min ni me ge? Ti dum ala: Ndjuvun mi mid’a, an arî modonod’a!

Hor ma tchina 4:10

Arop suma we hohowa suma a nga yi grozina kabozi á mud’uzi abo b’lak ka ti mba yam sum manid’a!

Suma ka sariyad’a 18:23

Azi yi suma hi Dan-na. Suma hi Dan-na a mbut iraziya, a de mi Mika ala: Ni zla me ge? Suma ablau suma wana ni suma me na ge?

Wana ni Zla d’a Djivi d’a Luc mi b’irita 23:29

Kayam burâ nga mi mba suma a mba dala: Arop suma gendrege suma a vut nga d’uo suma bei hapona mi grona ba na, a le furîd’a.

Ezekiyel 5:10

Ni kayam ndata ba, abuyod’a a mba mut grozina adigagiya, grod’a a mba mut abuyozi adigagi mi. An mba ni ka sariyad’a yam suma a mba ar adigagina, an mba ni ndjoyôzi woi ata andagad’a abot ma fid’ina.

Isai 49:15

Ma didina mi hulongôt humba ala: Na ni atchad’a ti mar yam gorot ma ndat nga d’i hum aponina zu? Ti we hohowa gorot ma ndeï kurutna d’uo zu? Le ti mar kam pî, an mba ni mar kak ki.

Isai 22:1

Wana ni zla d’a a dat yam hor ra vana nde tam mbei ir sana kuad’a: Ang azì ma ngol ma Jerusalem-ma, ni me ba, ang ki sum mangâ pet, agi djagagi akulo yam dudura ge?

Sawal la giled’a 114:5

Ang alum ma ngol ma Tchereuna, ni kayam me ba, ang ring nge? Ang alum ma Jurdê-na, ni kayam me ba, ang gid’eî woi bugol ge?

1 Samuel 1:8

Ndjuvut mi djobot ala: Anne, ni kayam me ba, ndak tchi ge? Ni kayam me ba, ndak min te tena d’uo ge? Ni kayam me ba, tak tchuk hina susub’ok ke? Na ni an kal nga gro suma dogona irak kuo zu?

Sunda hi suma hi Levi-nid’a 26:29

Agi mba mud’ugi grogi suma andjofâ ki grogi suma aropma mi.

Ad’u Tinda 21:17

Alona mi hum del gorâ; malaikana hAlonina mi yi Agar ei akulo, mi dat ala: Agar, vama la’î me ge? Ndak le mandar ri, kayam Alona mi hum del gorâ ata yima mi nga kuana.

2 Amuleina 6:27

Wani mi hulong dat ala: Le Ma didina mi sud’uk kuo ni, an ndak á sud’uk kuo mi. An ngom nga vama te d’oze vama tche d’uo mi!