2 Amuleina 6:24 - Bible azumeina

²⁴ Kur biza d’a dinga Ben-Hadat amul ma Siri-na mi tok azigar mama pet; a i ngui Samari á dur ayîna.

2 Amuleina 6:24 Referans Kwoze

1 Amuleina 20:1

Ben-Hadat amul ma Siri-na mi tok azigar mama pet, mi yo amuleina ad’um dok hindi yam mbà kakulumeina ki pus ma dur ayîna teteng, mi i ngui azì ma ngol ma Samari-na á durâ.

Ma tchi wala 9:14

An wazì ma gorâ mi nga, suma a nga kurum ablau d’uo mi. Amul ma ad’engâ mi mba atam á dur ayîna, mi nguyum kä, mi mbu andagad’a akulo ad’um ngola.

2 Amuleina 17:5

Bugola, Salmanasar mi tchol durâ kandaga d’a Israel-la pet, gak mi mba Samari. Azigar mama a nguyut kä gak bizad’a hindi.

1 Amuleina 22:31

Wani amul ma Siri-na mi he vuna mi suma nglo suma dok hindi yam mbà suma yam pus ma dur ayînina ala: Agi durugi azigar suma gureina d’oze azigar suma nglona d’i. Wani agi durugi namul ma Israel-lâ tamba.

Gat ta a hat á mbàd’id’a 28:52

Azi mba nguyugi kur azì ma nglo ma lara ge pet ma yam ambas sa Ma didina Alo magina mba mi hagizid’ina, a mba durugi gak a to gulumun ma fiyak ma ad’eng ma agi tinigi hurugi kam ala agi mba ngeyegi kuana woyo. Azi mba nguyugi kur azì ma nglo ma lara ge pet ma yam ambas sa Ma didina Alo magina mba mi hagizid’ina.

2 Amuleina 25:1

Kur biza d’a zlengâ d’a Sedekiyas nga mi tamulid’a, kur bur ma dogona hi til ma dogonina, Nebukanezar amul ma Babilon-na mi mba ki azigar mama pet á dur Jerusalem. A vanguvora avorot d’ar, a nguyut tei d’uhl.

2 Amuleina 18:9

Kur biza d’a fid’i d’a Ezekiyas nga mi tamulid’a, ni biza d’a kid’iziya d’a Ose Ela goroma amul ma Israel-lâ nga mi tamulid’a, Salmanasar amul ma Asiri-na mi mba á dur ayîna ki Samari, mi nguyut kä.

2 Amuleina 7:4

Le ei kalei avo hur azina ni, ei mba boya, kayam vama te nga d’i. Le ei kagei ka hî d’ei, ei mba boi d’ei! Ki tchetchemba, ar ei i kur kang ma Siri-na geveziya! Le a arei bei tchid’a ni, hotei! Le azi tchï d’ei, ni mat ma kolâ tu!

2 Amuleina 8:7

Bur tu Elise mi i Damas, wani Ben-Hadat amul ma Siri-na mi nga tugud’eid’a. Mi hum ala: Sana hAlonina mi mba nga ka hî.

2 Amuleina 25:3

Bur ma zlengîna hi til ma fid’ina, baktara d’a ngola ti nde yam suma hur azinina, a nga fe vama te d’i.

Amos 1:4

An mba ni do akud’a ata azì ma amula hi Hazayel-lâ, ti mba d’i ngal azì ma ad’eng ma ngunguna hi Ben-Hadat-na woi mi.

2 Amuleina 6:8

Ata yima amul ma Siri-na nga mi dur ayîna ki Israel-lîna, mi min zlad’a ki azigar mam suma nglona ala: Agi vagi anguvora ata yima wana.