2 Amuleina 6:15 - Bible azumeina

¹⁵ Kid’a azongâ hi Elise-na mi nde woi ki yorogo avun azì ma ngolid’a, mi we azigarâ kakulumeina ki pus ma dur ayîna teteng a ngui azina d’uhl, mi er ad’um akulo ala: Alë! Salana, ei lei ni nana ge?

2 Amuleina 6:15 Referans Kwoze

Matiye 8:26

Jesus mi dazi ala: Agi suma he gagazi magi d’a akid’eid’ina, ni kayam me ba, agi lagi mandarâ hina ge? Ata yi máma, mi tchol akulo, mi ngop babarâ ki mbiyo apod’a. Yina mi tchol b’et mi.

2 Sunda Hamuleinid’a 20:12

Salad’a Alo mamina, ang ka sariyad’a kazi d’uo zu? Kayam ami nga kad’enga avok azigar suma mimiyâk suma a djï atami durâ wana d’i, ami wami nga vama ami luma d’i. Wani ami tinimi irami ni kang angû.

Sawal la giled’a 53:5

Ma didina mi dala: Na ni suma le tchod’a a nga wad’ud’a d’uo zu? Azi nga te sum mana d’igi azi tavuna na, azi nga yan simiyên ndi.

Buzuk ka Abud’a 24:13

Moise mi tchol kazong mama Josue, a nde djak akulo yam ahinad’a hAlonid’a.

Sunda hi suma a sunuzinid’a 13:5

Kid’a a mbaza Salamin-nda, a nde tchi wal zlad’a hAlonid’a kur gongîyo suma toka hi Juif-fîna. Jean Marik mi nga ki sed’ezi á ndjunuziya.

2 Amuleina 6:5

Wani ma dingâ tu adigazi mi nde ka aguna. Sï andjet mama mi pat mi nde kä kur aluma. Mi er ad’um akulo ala: Alë! Salana, ni zla me na ge? Andjet máma an tchemï ni tchena!

2 Amuleina 5:27

Kayam ndata, libina hi Näman-na mba mi djogong kandjavang gak didin. Ata yima Gehazi mi nde woi abu avok Elise-na, libina mi zagam hapa mbû d’igi gagarad’a na.

2 Amuleina 5:20

Gehazi azongâ hi Elise-na mi de tam ala: Salana mi ve nga vama Näman ma Siri-na mi humzina d’i. Wani gagazi, avok Ma didin ma bei matna, an i ad’umu, an i ni ve va abom nde.

2 Amuleina 3:11

Wani Josafat mi djop ala: Na ni ma djok vuna hi Ma didinina mi nga ka hî tala ei i djobei Ma didina atamu d’a d’uo zu? Azongâ hamul ma Israel-lîna tu, mi hulong dum ala: Elise Safat gorom ma mi le sunda adjeu abo Elie-na, mi nga.

1 Amuleina 19:21

Elise mi hulong kur asinena, mi yo amuzleina mbà, mi ngad’aziya, mi sorozi hliwizi ki dju’â hamuzleinina, mi hum mi suma a nga le sunda ki sed’ema; azi te. Bugola, mi i ad’u Elie.

2 Amuleina 6:14

Kayam ndata, mi sun azigarâ ablaud’a kakulumeina ki pus ma dur ayîna teteng; a mbaza andjege, a ngui azì máma.

2 Amuleina 6:16

Elise mi hulong dum ala: Ang ring mandar ri! Suma a nga ki sed’eina, ablau mazid’a kal suma a nga ki sed’ezina.