2 Amuleina 5:11 - Bible azumeina

¹¹ Wani Näman hurum zala, mi ge tam mi iya, nga mi dala: An djib’er ala ma djok vun Alona mi ndeï ini woi avo hatam á mba gevenu, mba mi tchen Ma didina Alo mama, mba mi tin abom ata yan ma mbilâ ba, libi mana mba mi yak keyo.

2 Amuleina 5:11 Referans Kwoze

Hebre-na 12:25

Agi gologi tagi djiviya, ar agi noyôgi mam ma nga mi dagi zlad’ina d’i. Kayam le suma a noî mam ma nga mi gigid’ezi yam andagad’a ka hina a prut nga woi d’uo, le ei nga humî gigeta hi mam Ma akulona d’uo mi ni, ei mba prud’i woi ni nana ge?

Jean 13:20

Gagazi, an nga ni dagiya, sama ve sama an sunuma atama, mi van ni anu. Sama van an atama, mi ve nAbun ma mi sununïna atam mi.

Jean 4:48

Kayam ndata, Jesus mi dum ala: Le ba agi wagi ahle suma simata kahle suma atchapma d’uo ni, agi nga hagi gagazid’a d’i.

Wana ni Zla d’a Djivi d’a Luc mi b’irita 14:11

Kayam nge nge pî ma mi hle yam akulona, a mba hulongôm yam kä, sama ge yam kä na, a mba hlum yam akulo mi.

Matiye 19:22

Wani kid’a azong máma mi hum zla ndatid’a, mi i ki hur ma zala, kayam mam mi sama ndjondjoîna.

Matiye 15:27

Wani ti dum ala: Ang de nata yad’u, Salana, hina pî, adurei suma gureina a nga te bubuk avu ma nga mi yak kä ad’u tabulâ hi suliyozinina.

Matiye 8:8

Ma ngol ma azigarâ abom kisâ mi hulong dum ala: Salana, an ndak nga d’ala ang kal avo hatanu d’a d’i, wani ang de ni zlad’a tu go; azong mana mba mi tchol akulo.

Zla d’a d’ogolâ 13:10

Sama yam mba ad’enga mi tchu’î huneîd’a aduk suma, wani ned’a a fat nata suma a hum d’al ma ded’ina.

Zla d’a d’ogolâ 3:7

Ar ang gol tang ala angî sama ned’a d’i, ang le mandara Ma didina, ang wal tang ngei ki tchod’a mi.

Zla d’a d’ogolâ 1:32

Kayam vita hi suma bei wäd’u zlad’a ba na nga d’i tchaziya, bei djib’era hi suma lilid’id’a nga d’i bazi woi mi.

Ad’u Tinda 20:7

Ki tchetchemba, ang hulong atchad’a hi sa mámid’a. Kayam mam mi ma djogon vunana, mam mba mi tchenen kangû, wani va mba mi lang ngi. Le ang hulongômzi nga d’uo ni, ang wala ang mba mit ki sum mangâ pet.

2 Amuleina 5:10

Elise mi sun sana mi dum ala: Ang i mbus tang kä kur alum ma Jurdê-na mbumbus yang kid’iziya, ang mba yak kei yuyung.

2 Amuleina 5:12

Na ni Abana ki Parpar alum ma Damas-sâ a kal nga mbiyo ma Israel-lâ tala an ge tan kur á mbus ni yak kei d’a d’uo zu? Wani mi hulong mi ge tam kayîna, mi iya.

2 Amuleina 4:5

Atchad’a ti nde woi abua, ti i kal avo hatat ki grotna, ti duk vuna kaziya, grotna a nde hat agolongeî ndazina, ti nga d’i vo mbulâ kuruziya.