2 Amuleina 4:14 - Bible azumeina

¹⁴ Elise mi de mi Gehazi ala: Ei lat ni nana ge? Gehazi mi hulong dum ala: Gorot nga d’i! Ndjuvut pî mi djeng mamara mi.

2 Amuleina 4:14 Referans Kwoze

Wana ni Zla d’a Djivi d’a Luc mi b’irita 1:7

Wani azi vut nga gor ri, kayam Elizabet ti ni gendreged’a, azi djak a djeng mamara mi.

1 Samuel 1:8

Ndjuvut mi djobot ala: Anne, ni kayam me ba, ndak tchi ge? Ni kayam me ba, ndak min te tena d’uo ge? Ni kayam me ba, tak tchuk hina susub’ok ke? Na ni an kal nga gro suma dogona irak kuo zu?

Suma ka sariyad’a 13:2

Sama ad’u andjafâ hi Dan-na mi nga Sora, a yum ala Manowa; amamba ti ni gendreged’a, ti nga d’i vut ti.

Ad’u Tinda 25:21

Isak mi tchen Ma didina yam amamba, kayam ndat ni gendreged’a. Ma didina mi hum tchen mamba; amamba Rebeka ti ve wirâ.

1 Samuel 1:2

Elkana mi vik aropma mbà, Anne azi ki Penina; Penina ti nga ki grona, wani Anne ti nga ki gor ri.

Ad’u Tinda 30:1

Ata yima Rachel ti wala ndat ti vut nga gor mi Jakob puo na, ti nde le yungôra ata wiyeta, ti de mi Jakob ala: Ang han grona! Le hina d’uo ni, an mba ni mid’a!

Ad’u Tinda 17:17

Abraham mi ge tam kä ki iram andaga avok Alona, mi djib’er kurum krovo, mi nde sanda ala: Sama bizam kisâ, mi ndak á vut gorâ zu? D’oze Sara bizat dok zlengâ wana, ti ndak á vut tei zu?

2 Amuleina 4:13

Elise mi de mi Gehazi ala mi dat ala: Ndak nga fe ndaka kami heî. Ndak min ala ami la’î me ge? Ndak min ala an i de ni mamulâ kak koze ni de ni mi ma ngolâ hi azigarîna zu? Ti hulong dum ala: Hawa! An ni kaka aduk sum mana, va kid’agan nga d’i.

2 Amuleina 4:15

Elise mi dum ala: Ang yad’ïya! Ti mba d’i tchol avun gonga.