2 Amuleina 3:2 - Bible azumeina

² Mi lahle suma tchona avok Ma didina, wani mi le nga tcho d’a abum azi kasum a lata pet ti. Kayam mi to ahina d’a tchet ta abum mi tinit á kud’or alo ma a yum ala Bäl-lâ woyo.

2 Amuleina 3:2 Referans Kwoze

2 Amuleina 10:18

Jehu mi tok suma kur azinina pet, mi dazi ala: Ahap mi kud’or Bäl nakid’eid’a, wani an tan Jehu mba ni kud’urom kala.

1 Amuleina 21:25

Sama mi he tam mbei á lahle suma tchona avok Ma didina d’igi Ahap ma amamba Jezabel ti zud’um á le tchod’a na na nga d’i.

Buzuk ka Abud’a 23:24

Ata yi máma agi grivigi kä avok alo mazina á kud’urom mbi, agi lagi fileina d’igi azi nga le na d’uo mi. Wani agi b’lagagi alo mazina woyo, agi tozi filei mazi ma tcheta woi kakaf mi.

2 Amuleina 21:20

Amon mi le sun nda tchod’a avok Ma didina d’igi abum Manase na d’ei.

2 Amuleina 21:6

Mi he goroma vama ngat buzu ma ngala, mi vandjaf kumana teteng, mi nga mi djop fileina, mi tin suma a djop ki suma azulei suma a nga de zlad’a yam vama nga mbana mi, mi le sun da tchod’a ngola avok Ma didina á zalam hurumu.

2 Amuleina 9:34

Jehu mi kal avo kur azì ma amula, mi te, mi tche, mi de mi ndrom azigarâ ala: Agi gologi atcha d’a a gat vuna ndata, agi tozod’u, kayam ndat namulâ goromba.

2 Amuleina 9:22

Kid’a Joram mi mba go avok Jehu-d’a, mi djobom ala: Jehu, ang mba ni hawa ko zi ge? Jehu mi hulong dum ala: Ni kayam me ba, ang djobon hina ge? Ang we tetet ala nasung Jezabel ba, nga d’i i avogovok á kud’or alo ma teteng ma hawa ya’â ki kuma matna mi d’uo zu?

1 Amuleina 21:20

Elie mi i de zla ndata mi Ahap. Ahap mi dum ala: Man ma djangûna, ang fan ini zu? Elie mi dum ala: Â, an fang ini, kayam ang he tang ngei á le sun nda tchod’a avok Ma didina.

1 Amuleina 16:19

Ahle ndazina a mba hina kayam Zimri mi le tchod’a avok Ma didina; tit mamba ni tchod’a d’igi Jerobowam ma mi zut Israel-lâ á le tchod’ina na mi.

1 Samuel 15:19

Ni kayam me ba, ang hum vun Ma didina d’uo ge? Ni kayam me ba, ang nde yam ahlena hurumba, ang le vama le Ma didina tam djivid’a d’uo na ge?