2 Amuleina 25:25 - Bible azumeina

²⁵ Wani kur til ma kid’iziyana hi biza ndatina Ismael Netaniya goroma Elisama gorom ngolo ma ad’u andjaf ma amulina, mi yo suma ad’um dogo. A i Mispa, a tchi Gedaliya ki suma Juda-na ki suma Babilon suma a nga avo hatama mi.

2 Amuleina 25:25 Referans Kwoze

Zakari 8:19

An nga ni dagiya: D’el ta d’a agi d’elegi tagi bei te tena kur til ma fid’ina kur til ma vahlâ, kur til ma kid’iziyana ki ma dogonid’a, ti mba d’i mbut ni bur ma furîd’a ki bur ma aîd’a yam suma Juda-na. Wani agi halagi ni gagazid’a ki b’leng nga halasa.

Zakari 7:5

Ang de mi suma yam ambas sa wandina ki suma ngat buzuna mi ala: Ata yima agi nga tchigi d’elegi tagi bei te tena kur til ma vahlâ kur til ma kid’iziyana gak ini biza d’a dok kid’iziyana, ná lan tan djivid’a zu?

Jeremi 40:15

Johanan Kareya goroma mi de mi Gedaliya gumun avo Mispa ala: Ang aran lovota an i ni tchi Ismael Netaniya goroma bei sa mi we ba. Ni kayam me ba, mi tchang ngei hawa d’ar ba, suma Juda-na pet suma a tok gevengâ a ndjoî woi ba, suma Juda suma a arâ a dap pei ge?

2 Amuleina 11:1

Ata yima Atali Ahaziya asum mbi hum ala gorotna mi mit wa na, ti tchola, ti tchi andjaf ma amula woi pet.

2 Amuleina 25:24

Gedaliya mi gunuzi ki sum mazina ala: Agi lagi mandara azigar suma Babilon-na d’i, agi kagagi kur ambasa, agi lagi sunda mamul ma Babilon-na. Hina wani, agi mba kagagi ki djivid’a.

Jeremi 41:1

Kur til ma kid’iziyana Ismael Netaniya gorom ma Elisama gorom ngolo ma ad’u andjaf ma amulina, mi mba ki suma nglona hamulîna zlapa ki suma dogo gen Gedaliya Ahikam goroma avo Mispa. Ata yi máma a te tena asem tazi tu avo Mispa.

Jeremi 41:2

Ata yi máma Ismael Netaniya goroma mi tchol akulo zlapa ki suma dogo suma a nga ki sed’ema, a tchi Gedaliya Ahikam gorom ma Safan gorom ngolonina ki mbigeu d’a fiyaka. Ni hina ba, a tchi Gedaliya ma amul ma Babilon-na mi tinim á te yam ambasina.

Jeremi 41:3

Ismael mi tchi Juif-fâ pet suma a nga gen Gedaliya avo Mispa-na, zlapa ki suma Babilon suma dur ayî suma a nga ata yi mámina kua mi.