2 Amuleina 23:8 - Bible azumeina

⁸ Bugola, Josiyas mi yï suma ngat buzuna pet suma kur azì ma ngol ma Juda-nina, mi to yima nding ma azi nga ngal dubang ma his djivid’ina kama woyo, tinï ad’ud’a avo Geba dei gak mba Berseba. Mi to yima nding ma avun agrek ma tetengâ ki ma avun agre’â hi Josue ma ngol ma hur azina ma nga avun agrek ma kala abo ma gulanina woi mi.

2 Amuleina 23:8 Referans Kwoze

1 Amuleina 15:22

Amulâ Asa mi yi suma Juda-na ki zla tazi pet, a mba yo ahinad’a kagu ma Bäsa mi togom á min kazì ma Rama-nina. Asa mi min ki Geba d’a Benjamin-nda ki Mispa.

Josue 21:17

Andjafâ hi Benjamin-na a hazì ma Gabawon-na ki yima huyogoma, kazì ma Geba-na ki yima huyogoma,

Zakari 14:10

Ambasa ki zla tat pet mba d’i mbut ni d’igi fula na, tcholï Giba dei gak mba Rimon abo ma sutna hi Jerusalem-ma. Jerusalem mba d’i arî ata yat akulo kal yima nguyutna pet. Ti mba d’i tinï ad’ud’a avun agre’â hi Benjamin-na dei gak mba avun agrek Ma adjeuna, gak mba ata yima vun agre’â mi kong kuana, tinï ad’ud’a ata gong nga fiyak ka ndjola hi Hananel-la dei gak mba ata yima a miret guguzlud’a hamulîd’a kuana.

Isai 10:29

A sulugot kä aduk ahinad’a, a dala: Ar ei buri Geba, suma Rama-na a zlaga, suma kur Gibeya d’a hi Saul-la a ringâ.

1 Sunda Hamuleinid’a 6:60

Yam ambasa hi Benjamin-nda, a hazi Geba ki yima huyogoma, Alemet ki yima huyogoma ki Anatot ki yima huyogoma. Azì ma nglo ma a hazizina pet ni dogo yam hindi ki yima huyogoma mi.

1 Amuleina 19:3

Kid’a Elie mi we hina d’a, mi le mandarâ, mi i á sut tamu. Mi mbaza avo Berseba kur ambas sa Juda-d’a, mi ar azong mama sä kua,

Suma ka sariyad’a 20:1

Israel-lâ pet á buzugï woi tinï ad’ud’a Dan dei gak mba Berseba, ki suma yam ambas sa Galät-tina mi. Ablau suma a tok tazi avo Mispa ni d’igi sama tuna na.

Ad’u Tinda 26:23

Isak mi tchol ata yi máma, mi i Berseba.

Ad’u Tinda 21:31

Kayam ndata, suma a yi yi máma ala Berseba, kayam suma mbà ndazina a gun tazi ni kua.

Ad’u Tinda 21:14

Abraham mi nde yorogo tcholol, mi hlavungôna ki gugura mbina, mi he mi Agar, mi tinit gorotna keled’u, mi dat ala: Ndak iya. Ndat ti iya, ti vit tei hur ful ma Berseba-na.

Ezekiyel 44:10

Ma didina mi de kua ala: Suma hi Levi suma a d’es sei dei ki sed’en ata yima Israel-lâ a d’es sei dei ki sed’en á tit ad’u filei mazinina, a mba zi aneka hi tcho mazid’id’a kaziya.

Josue 18:24

Kefar-Amona, Ofni ki Geba. Azì ma nglona ni dogo yam mbà kazì mazi ma gureina mi.

Amos 5:5

Agi halandi Betel li, agi igi Gilgal luo mi. Agi igi Berseba d’uo mi, kayam a mba yo suma Gilgal-lâ magomba ki zla tazi pet, Betel mba d’i mbut ni vama hawana mi.