2 Amuleina 21:9 - Bible azumeina

⁹ Wani suma Juda-na a ge nga yazi kä ad’u Ma didina d’i. Wani Manase mi zut suma kua á le tchod’a kal andjaf suma Ma didina mi dabazi woi tchid’a avok Israel-lîna.

2 Amuleina 21:9 Referans Kwoze

Zla d’a d’ogolâ 29:12

Le sama te yamba nga mi hum zla d’a kad’a ni, mam suma nglona pet a mba mbut ni suma ka zlad’a mi.

Vama ndum mbeina 2:20

Wani vama an mining nguo kama ba wana, kayam ang ar Jezabel, atcha d’a nga d’i yi tat ala ndat ni d’a djok vun Alona d’a, ti nga d’i vit man suma sunda woyo, nga d’i had’azi á le mizeuna, á tahle suma a tuwal ki fileinina mi.

Jacques 4:17

Wani sama we vama djivina á led’a ko ba mi lum mbuo na, mi le ni tchod’a.

Jean 15:22

Ladjï an mba á dazi zlad’a d’uo ni, azi nga ki tchod’a d’i, wani ki tchetchemba, azi nga ki vun ma tinda yam tcho mazid’a d’uo d’a.

Wana ni Zla d’a Djivi d’a Luc mi b’irita 13:34

Agi suma Jerusalem-ma, agi suma Jerusalem-ma, agi tchagi suma djok vun Alona, agi durugi suma Alona mi sunugizïna kahinad’a mi. Ni yan ga ba, an min á kod’ogi d’igi ahleka nga d’i kot grotna ad’u gigingât na ge? Wani agi nga minigi d’i.

Wana ni mbaktumba hi Oze-d’a 5:11

A le suma Efraim-ma tchod’a, a mired’ezi kä kur sariyad’a kayam azi ringî bugol ahle suma hawa ya’â.

Daniel 9:6

Ami humumi nga azungeî mang suma djok vun suma a de zlad’a ki simiyêng mamulei mamina, mi mami suma nglona, mabuyomi ngolo ki suma kur ambasa petna d’i.

Nehemi 9:26

Hina pet pî, a tchol a kak djangûna ki sed’engû, a mbut azigazi mi gat manga, a tchi mang suma djok vun suma a nga dazi teteu ala a hulongî gevengû na woyo, a he tazi á le sun nda ndjendje d’a kal teglesa avorongû.

2 Sunda Hamuleinid’a 36:16

Wani a nga las suma Alona mi sunuzïna, a gol zla mamba is, a nga san ad’u mam suma djok vuna, gak Ma didina hurum zal ngola yam suma. Ata yi máma a fe nga lovota á sut tazi d’i.

2 Sunda Hamuleinid’a 33:9

Wani Manase mi zut suma Juda-na ki suma a nga kaka avo Jerusalem-ma á le tchod’a kal andjaf suma Ma didina mi dabazi woi tchid’a avok Israel-lîna.

1 Amuleina 14:16

Mba mi arazi woyo, kayam Jerobowam mi zud’uzi á le tchod’a.

Ezekiyel 16:47

Ndak tit nga ni kur lovot mazid’a kur sun mazi d’a ndjendjed’a hina go d’i. Kayam tcho mazid’a ni vama akid’eina iragu! Wani ndak le tchod’a ngola kalazi azi d’ö!

Sawal la giled’a 81:10

Ar a fe alo ma ka zlad’a avo hatagi d’i! Ar agi grivigi kä avok alo ma ding nguo mi.

Sawal la giled’a 12:8

Ang ma didina, ang mba ngom zla manga, ang mba ngomomi abo andjaf sum ndazina gak didin.

2 Amuleina 21:10

Kayam ndata, Ma didina mi de mazungeî mam suma djok vuna ala a de mi suma ala:

Ezekiyel 5:7

Ni kayam ndata ba, an Salad’a Ma didina nga ni dagiya: Agi lagi sun nda batranga kal andjaf suma a nguyugina, kayam agi tid’igi nga yam gat manda ki vun man ma hed’a d’i, agi tid’igi nga yam gata handjaf suma a nguyugina d’uo mi.

1 Samuel 8:19

Israel-lâ a hum nga zlad’a hi Samuel-la d’i, a dum ala: Hawa! Ami minimi namulâ mbeî,

2 Amuleina 16:3

Mi tit ni kur lovota hamulei suma Israel-lîd’a, mi i gak mi ngal goroma woi kakud’a d’igi vama ngat buzu ma ngala na. Ni sun nda ndjendje d’a andjaf suma Ma didina mi digizi woi adjeu avok Israel-lîna a lata.

Ezekiyel 5:6

Suma kuruma a tchila yam vun man ma hed’a ki gat manda, asa’ata kal andjaf ma dingâ kambas sa nguyuzid’a, kayam a ar vun man ma hed’a woyo, a tit nga yam gat manda d’uo mi.

Ezekiyel 11:12

Agi mba wagi ala an ni Ma didina, kayamba agi tid’igi nga yam gat manda d’oze agi tid’igi nga yam vun man ma hed’a d’uo d’a. Wani agi tid’igi ni yam gata handjaf suma a nguyuginid’a.

Ezekiyel 22:3

Ang dum ala: Salad’a Ma didina mi dala: Gola! Ang azì ma ngol ma suma a vo buzuna woi kurung á dabang burung ma a nga tuwal fileina kurung á mbud’ung ndjendjed’ina,