2 Amuleina 21:18 - Bible azumeina

¹⁸ Manase mi mit mi i azulei kä ad’u abuyom ngolo. A tozom kur asinem ma nga hur aziyam ma amula ma a yum ala asinena hi Uza-na na. Goroma Amon mi vrak tamula blangâmu.

2 Amuleina 21:18 Referans Kwoze

2 Sunda Hamuleinid’a 33:20

Manase mi mit mi i azulei kä ad’u abuyom ngolo, a tozom kur aziyamu. Goroma Amon mi vrak tamula blangâmu.

2 Amuleina 21:26

A tozom kur zul mamba kur asinena hi Uza-na. Goroma Josiyas mi vrak tamula blangâmu.

Jeremi 22:19

A mba tanam a gumza woi kel huyok azì ma Jerusalem-ma, asuwam mba d’i mbut nasud’a hi koronid’a mi.

2 Sunda Hamuleinid’a 32:33

Ezekiyas mi mit mi i kä azulei ad’u abuyom ngolo, a tozom ata yima akulo nding ma kal tegles ma a tos David andjavam kuana. Suma Juda-na ki suma a nga kaka avo Jerusalem-ma pet a suburum kur mat mama ngola. Goroma Manase mi vrak tamula blangâmu.

2 Sunda Hamuleinid’a 28:27

Ahas mi mit mi i kä azulei ad’u abuyom ngolo. A tozom kur azì ma ngolâ avo Jerusalem, wani a tozom nga zlapa kamulei suma Israel-lâ d’i. Goroma Ezekiyas mi vrak tamula blangâmu.

2 Sunda Hamuleinid’a 24:25

Kid’a azi lum ndaka ngola da d’a, a tchuk tazi a iya, azungeî mama a ndjak vunazi kam á tchum yam tchi d’a mi tchi ma ngat buzuna Jehojada goromid’a. A i tchum yam azang mama, mi mid’a. A tozom kur Azì ma ngolâ hi David-na, wani a tozom nga zlapa kamuleina d’i.

2 Sunda Hamuleinid’a 24:16

A tozom kur Azì ma ngolâ hi David-na zlapa kamuleina, kayam mi le djivid’a ki Israel-lâ, mi le djivid’a avok Alona ki gong mam mba kud’ora mi.

2 Sunda Hamuleinid’a 21:20

Kid’a mi kak amulid’a, bizamî dok hindi yam mbà. Mi tamula avo Jerusalem bizad’a klavandi. Ata yima mi mitna, sa mi hat nga hurum kam mbi. A tozomî kur Azì ma ngolâ hi David-na, wani a tozom nga kur zula hamuleinid’a d’i.

1 Samuel 25:1

Samuel mi mid’a. Israel-lâ pet a tok á tchimu, a tozom avo hatam Rama. Ata yi máma David mi tchol mi i hur ful ma Paran-na.

Jeremi 1:2

Ma didina mi dum zlad’a kur biza d’a dogo yam hindi d’a Josiyas Amon goroma amul ma Juda-na nga mi tamulid’a.

Sofoni 1:1

Wana ni zla d’a Ma didina mi dat mi Sofoni kur atchogoi d’a Josiyas Amon goroma nga mi tamula yam suma Juda-nid’a. Sofoni ni Kusi goroma, Kusi tamba ni Gedaliya goroma, ni Amariya gorom ngolona, ni Ezekiyas gorom ngolo ma mbàna.

2 Amuleina 21:19

Kid’a Amon mi kak amulid’a, bizamî dok mbà yam mbà. Mi tamula avo Jerusalem bizad’a mbà. Asum a yat ala Mesulemet ni Harus goromba ni d’a Jotpa-d’a.

1 Sunda Hamuleinid’a 3:14

Manase mi vut Amon, Amon mi vut Josiyas.