2 Amuleina 19:35 - Bible azumeina

³⁵ Kur andjege ndata malaikana hi Ma didinina mi kal kur kangâ hi Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

2 Amuleina 19:35 Referans Kwoze

2 Samuel 24:16

Ata yima malaikana abom nga tinda á b’lak Jerusalem-ma, Ma didina mi mbut hat hurum yam b’lak ndata, mi de mi malaika ma tchi suma máma ala: Ndaga! Ki tchetchemba, ang hlabong ngeyo! Malaikana hi Ma didina máma mi tchol go ki yima to awuna hi Arafna ma Jebus-sâ.

Sunda hi suma a sunuzinid’a 12:23

Ata yi máma na wat, malaikana hi Salad’ina mi tumumu, kayam mi subur nga Alona d’i. Mi tchuk ndjuvulâ, mi mid’a.

Wana ni mbaktumba hi Oze-d’a 1:7

Wani an mba ni we hohowa suma Juda-na. An Ma didina Alo mazina, an mba ni sud’uziya, wani nga ni ki yeûd’a d’oze mbigeu d’a fiyaka d’oze ki durâ d’oze kakulumeina d’oze ki suma djang akulumeina d’uo mi.

Daniel 5:30

Kur andjege ndata, a tchi Baltazar amul ma Babilon-na woyo.

Isai 37:36

Malaikana hi Ma didinina mi mba kur kangâ hi suma Asiri-na, mi tchi suma 185.000. Kid’a suma a zlit akulo yorogod’a, a gol matna kä didi.

Isai 10:33

Gola! Salad’a Ma didin ma ad’engêm kal petna mba mi kus abo aguna woi ndjondjom, mba mi ka agu ma fuyogeina kä woyo, mba mi tchuk ma fuyogei ma kal papana kä woi andaga.

1 Sunda Hamuleinid’a 21:16

David mi hle iram akulo, mi we malaikana hi Ma didinina, mi nga tchola aduk andagad’a kakulod’a, mbigeu d’a fiyaka nga pata woi abomu, mi mbut iram yam azì ma Jerusalem-ma. Ata yi máma David ki suma nglo suma a tchuk baru d’a dodora atazina, a grif kä ki irazi andaga.

1 Sunda Hamuleinid’a 21:12

Ang min ni me ge? Ang min ala baktarad’a ti nde yam ambas manga bizad’a hindi, d’oze ang min ala mang suma djangûna a kus kang ki mbigeu d’a fiyaka gak tilâ hindi, d’oze ang min ala an Ma didina ni sunï malaika mana ki mbigeu d’a fiyaka abom ki tugud’ei d’a tchod’a á tchi suma woi yam ambas sa Israel la lara ge pet gak burâ hindi zu? Ki tchetchemba, ang danu; an hulong humba mi ma sununïna.

Buzuk ka Abud’a 12:23

Ata yima Ma didina mba mi kal avo Ezipte á tchi sumina, mba mi we buzuna akulo avun bilâ, avun gonga abo hî abo hî, mba mi kal yam vun azì máma, mba mi ar ma tchi suma mba mi kal avo hatagi á tchagi d’i.

Sawal la giled’a 90:10

Bizami ni dok kid’iziya, suma ad’engâ, mazid’a ni dok klavandi mi. Hina pet pî, sun mat ta led’a ni ndaka ki hohoud’a; nga d’i kal lei atogo; ami nga bomi mi.

Sawal la giled’a 91:6

d’oze tugud’ei djabum ma vang andjegena d’oze b’lak ka fang falei d’ad’ara d’uo.

Isai 17:14

Tcha fladege mandarâ mi nga, avok ka bei yina fod’a, sa nga d’i. Wana ni wuraka hi suma a nga b’ad’ami ahligiyemina, wana ni b’raud’a hi suma a nga hurumumi ahligiyemina mi.

Buzuk ka Abud’a 9:15

Ki tchetchemba, ladjï an tumung ang ki sum mangâ ni ki tugud’ei d’a tcho d’a tchi matna ni, ang ki sum mangâ agi dabagiya wa woi yam andagad’a da’.

Buzuk ka Abud’a 9:16

Wani an arang nga kaka ini ni yambala ang wad’eng manda ar suma a yan simiyên ndei yam andagad’a ped’u d’a.

2 Amuleina 19:7

An mba ni hum djib’er ra dinga. Ata yi máma mam mba mi hum zla d’a dinga, mba mi hulong yam andaga mamba. An mba ni tchum sä hî ki mbigeu d’a fiyaka.

2 Sunda Hamuleinid’a 20:24

Ata yima suma Juda-na a mbaza ata yima nding ma sana ndak á we sä woi hur fulîna, a mbut irazi á gol suma mimiyâk ndazina. A gol wani, mad’a suma mi nga samba kä didi, sa tu pî mi sut ti.