2 Amuleina 19:20 - Bible azumeina

²⁰ Ata yi máma Isai Amot goroma mi sun mi de zlad’a mamulâ Ezekiyas ala: Gola! Ma didina, Alona hi Israel-lîna mi dala: An hum tchen nda ang tchenen yam Sanakerip amul ma Asiri-nid’a.

2 Amuleina 19:20 Referans Kwoze

2 Amuleina 20:5

Ang hulong gen Ezekiyas amulâ hi sum manina, ang dum ala: Ma didina Alona habung ngolo David-na mi dala: An hum tchen manga, an we simi mangâ mi. Gola! An nga ni tcholong akulo. Kur bur ma hindina ang mba fad’enga á i kur gong man nda kud’ora.

Sunda hi suma a sunuzinid’a 10:31

Mi dan ala: Kornei, Alona mi hum tchen manga, mi djib’er yam ndjun nda ang nga ndjun suma hohoud’id’a mi.

Jeremi 33:3

Ang yanu, an mba ni hulongông humba. An mba ni dang ngei yam ahle suma nglo suma a nga ngeid’a suma ang wazi nga d’uo na.

Isai 65:24

An mba ni humuzi avok bei azi tchenenu, an mba ni humuzi ata yima azi de nga zlad’a d’uo tua na.

Sunda hi suma a sunuzinid’a 10:4

Kornei mi so iram gola atamu, mandara tchum su. Mi dum ala: Salana, a ni me ge? Malaikana mi dum ala: Alona mi hum tchen manga ki ndjun nda ang nga ndjun suma hohoud’id’a, mi djib’er kangû.

Jean 11:42

An we tcha ala ang nga humun teteu, wani an de ni yam ablau suma nguyun wana, kayam azi fe lovota á he gagazid’a ala ni ang ba, sununïya.

2 Samuel 17:23

Ata yima Ahitofel mi we d’ala a ve nga d’al mama d’uo d’a, mi nga yam koro mama, mi i avo hatamu, mi de vunam mi sum mama, mi tchuk ziyona kelem mi tchi tamu. A tozom kur zula habumba.

2 Samuel 15:31

A mba de mi David ala: Ahitofel mi nga aduk suma a ndjak vunazi tu ki Apsalom-ma. David mi dala: Ma didina, an nga ni tchenengû, ar ang b’lak d’alâ hi Ahitofel-lâ woyo.

Isai 58:9

Ata yi máma agi mba yagi Ma didina, mam mba mi humugiya. Agi mba eregi ad’ugi akulo, Ma didina mba mi hulong dala: An wana! Le agi aragi bei tinigi aneka kel suma, le agi aragi bei d’ek suma, le agi aragi zla d’a de d’a asa’ata mi suma,

Sawal la giled’a 50:15

Ata yima agi nga kur ndakina, agi yanu. Hina wani, an mba ni sud’ugiya, agi mba suburun mi.

Wana ni mbaktumba hi Job-pa 22:27

Ang mba tchenemu, mam mba mi humungû, ang mba ndak vun vun ma hle ma ang hluma.

Sawal la giled’a 65:2

Alo mana, kur azì ma Siyon-na, nge nge pî mi ndak á gilengû, mi ndak á ndak vun vama mam hlang vunam kama mi.

2 Amuleina 18:13

Kur biza d’a dogo yam fid’i d’a Ezekiyas nga mi tamulid’a, Sanakerip amul ma Asiri-na mi mba á dur ayîna kazì ma nglo ma Juda ma ad’eng ma ngunguna pet, mi yomu.

Sawal la giled’a 65:3

Ang ma nga hum tchendina, suma pet a mba mba atangû.