2 Amuleina 19:15 - Bible azumeina

¹⁵ Bugola, mi nde tchenda ala: Ma didina, Alona hi Israel-lîna, ang ma nga kaka yam zlam mang nga amula aduk tcherebênina, angî Alo ma tu ma yam leu d’a pet ta yam andagad’id’a, angî Ma lakulod’a kandagad’ina mi.

2 Amuleina 19:15 Referans Kwoze

Buzuk ka Abud’a 25:22

Nata yi máma ba, an mba ni ngavang akulo yam zandu’â vunam ma duka aduk tcherebê suma mbà suma agi tinizi akulo yam zanduk manina. Ni kua ba, an mba ni hang vun man ma hed’a pet ma yam Israel-lîna.

Isai 44:8

Ar agi lagi mandar ri, ar agi zlagagi d’uo mi. An dagi yam ahle ndazina avok kuo zu? An dagizi woi avok mi d’uo zu? Agi ni glangâs mana. Alo ma ding nga woi keng vam zu? Ahina d’a ngom ta d’a ding nga d’i, an wat nga d’uo mi.

Isai 44:6

Ma didina amulâ hi Israel-lâ ma mi wurak kazi ma ad’engêm kal petna, mi dala: An tu ni Ma avo’â, an ni Ma danana. Alo ma ding nga woi keng vam mbi.

2 Amuleina 5:15

Ata yi máma mi hulongî avo hi Elise zlapa ki suma ki sed’ema pet, mi mba mi tchol avok ma djok vuna Elise, mi dum ala: Salana, ki tchetchemba, an we yam andagad’a pet alo ma ding ma d’igi Alona hi Israel-lîna na na nga d’i. Ang ve he d’a hawa d’a nde d’a an mbangzi wanda.

1 Amuleina 18:39

Kid’a Israel-lâ pet a we hina d’a, a grif kä, a dala: Ma didina nAlo ma gagazina! Ma didina nAlo ma gagazina!

Isai 45:22

Agi suma sä avun dabid’a handagad’ina, agi hulongôgï gevenu. Hina agi mba fagi suta, kayam an nAlona. Alo ma ding nga woi kengên ndi.

Isai 43:10

Ma didina mi dala: Agi ni glangâs mana, agi nazungeî man suma an managina. Ar agi wagiya, ar agi hagi gagazid’a kanu, ar agi wagi ad’ud’a ala avogon alo ma ding nga d’i, blogon alo ma ding nga d’uo mi.

Isai 41:17

Suma hohoud’a ki suma houd’a a nga hal mbina, a nga fum mbi. Sinazi ti so abo vun ma sod’a. An Ma didina mba ni humuziya, an Alona hi Israel-lîna mba ni arazi woi d’i.

Sawal la giled’a 146:6

Ma didina mi lakulod’a kandagad’a, mi lalum ma ngolâ kahlena pet suma a nga kuruma, nga mi ngom gagazid’a teteu mi.

Sawal la giled’a 102:25

An dala: Alo mana, ang ma nga kaka kur atchogoi d’a lara ge petna, ang hlan avok burun bei dapa d’i.

Sawal la giled’a 99:1

Ma didina nga mi tamula, ar suma a zlaga! Mi nga kaka aduk tcherebêna, ar andagad’a ti giged’a!

Sawal la giled’a 80:1

Ni sawal la gile d’a Asaf mi hlat mi hat mi ma ngolâ hi suma hle sawalina.

Sawal la giled’a 33:9

Mi de zlad’a, va máma mi mba; mi he vuna, va máma mi nga mi.

2 Sunda Hamuleinid’a 32:20

Amulâ Ezekiyas ki ma djok vun Alona Isai Amot goroma, a nde tchen Alona ki delezi akulo ala mi ndjunuziya.

2 Sunda Hamuleinid’a 20:6

Mi dala: Ma didina Alona habuyomi ngolona, ni ang ba, nAlo ma sä kur akulod’ina, ni ang ba, te yam leud’a handjaf sumid’a pet tuo zu? Ni ang ba, nga kad’enga ki sib’ika d’uo zu? Sama ndak á tchol avorong á durungâ nga d’i!

2 Sunda Hamuleinid’a 14:11

Ma didina mi dur suma Etiyopi-na avok Asa ki suma Juda-na; suma Etiyopi-na a wet ringâ.

1 Sunda Hamuleinid’a 4:10

Jabes mi tchen Alona hi Israel-lîna ala: Le ang b’e vunang kanu, le ang mbud’un yi mana bubud’a, le ang ngomon kur ndaka tala an fe kid’eî ira d’uo d’a ni! ... Alona mi humum yam ahle suma mi djobozina mi.

1 Amuleina 8:23

mi dala: Ma didina Alona hi Israel-lîna, alo ma hle tam d’igi ang na ma sä kur akulod’a d’oze ma ka hî yam andagad’ina nga d’i. Ang nga ngom vun mang ma djinda, ang mba le o d’a bei dabid’a kazungeî mang suma a nga tit avorong ki hur ma tunina.

1 Samuel 4:4

Kayam ndata, a sun suma Silo á hleï zanduk ma vun ma djinda hi Ma didin ma ad’engêm kal pet ma nga kaka yam zlam mam mba amula aduk tcherebê ma lorina nga kuana. Hofni azi ki Fines Eli grom suma mbàna a i ki zanduk máma.

Ad’u Tinda 32:28

Sa máma mi hulong dum ala: A dok yang ala Jakob puo d’a, wani a mba yang ala Israel. Kayam ang ndjiget kAlona ki sumuna, ang kuza.

Ad’u Tinda 2:4

Wana nad’u tinda hakulod’a kandagad’id’a kid’a Alona mi lazid’a. Ata yima Ma didina Alona mi landagad’a kakulod’ina,

Ad’u Tinda 1:1

Avok ka va nga d’uo tua d’a, Alona mi lakulod’a kandagad’a.

Ad’u Tinda 33:20

mi min yima ngal ahle suma ngat buzuna, mi yum ala El, Elohe Israel.

2 Amuleina 19:19

Wani ki tchetchemba, ang Ma didina Alo mamina, ang sud’umi woi abo Sanakerip. Hina wani, Ma didina, suma yam andagad’ina pet a mba wala ang tu nAlona.

1 Sunda Hamuleinid’a 13:6

David azi ki Israel-lâ pet a i Bäla, nala, Kiriyat-Jarim-mba hi suma Juda-nid’a á hleï zandu’â hAlona ma a nga yi simiyê Ma didina avoroma. Ni zanduk ma Ma didina mi nga kaka kam aduk tcherebênina.

Nehemi 9:6

Ni ang Ma didina tu ba, lakulod’a kahle suma kurutna pet, andagad’a kahle suma kurutna pet, alum ma nglona kahle suma kuruma pet mi. Ahle ndazina pet ang hazi arid’a, ahle suma akulona pet a nga grif kä avorong mi.

Isai 37:14

Ezekiyas mi hle mbaktumba abo suma sun suma Asiri-na, mi ndumud’u. Ata yi máma mi i kur gong nga kud’ora hi Ma didinid’a, mi malat tei avok Ma didina.

Jeremi 32:17

Salad’a Ma didina, ang ma lakulod’a kandagad’a ki sib’ik mang nga kal teglesa ki bigang nga zid’a kang akulo zid’a, vama mi hlang abod’ina nga d’i.

Sawal la giled’a 80:2

Ma pol Israel-lâ, ang tin humang huma, ang pol Josef d’igi sana mi pol tumiyôna na. Ang ma nga kaka aduk tcherebênina, ang nde tang ngeyo.

Sawal la giled’a 102:26

Ni ang ba, läd’u andagad’a avok dedei; akulod’a ni sun nda ang lat kabonga.