2 Amuleina 19:1 - Bible azumeina

¹ Kid’a amulâ Ezekiyas mi hum zla ndatid’a, mi haû baru mama woyo, mi tchuk baru d’a dodora atamu, mi i kur gong nga kud’ora hi Ma didinid’a.

2 Amuleina 19:1 Referans Kwoze

2 Amuleina 18:37

Ata yi máma Eliyakim Hilkiya gorom ma ngol ma yam azì ma amulina ki Sepna ma b’ir mbaktumba hamulîna ki Jowa Asaf gorom ma b’ir zla d’a led’a kä na a haû baru mazina woyo, a hulong gen Ezekiyas, a dum zla d’a ma avun ma ngol ma Asiri-na mi data.

1 Amuleina 21:27

Ata yima amulâ Ahap mi hum zla d’a ded’a hi Ma didinid’ina, mi hulong yam kä, mi haû baru mama woyo, mi tchuk baru ma ndjondjorona atamu, mi d’el tam bei te tena, nga mi tit ni ki baru ma ndjondjoro mama, mi bur ki kä mi, nga mi tit hina lalam.

Ad’u Tinda 37:34

Jakob mi haû baru ma atama woyo, mi djin ziyona furumu, mi tchi goroma burâ ngola.

Matiye 11:21

Mi dazi ala: Ni zla d’a hohoud’a kagi agi suma Korazin-na. Ni zla d’a hohoud’a kagi agi suma Betsaida-na. Kayam an ladjï sun nda ndandal la wanda aduk suma Tir-râ ki suma Sidon-na d’igi an lat adigagi agi na ni, azi mbut wa huruzi dedei, a tchuk wa baru d’a dodora ki butna kazi mi.

Jonas 3:8

Ar suma ki d’uwarâ a tchuk baru d’a dodora ataziya, a tchi avok Alona ki delezi akulo, nge nge pî mi ar tcho mamba ki so vun mama woyo.

Jeremi 36:24

Amulâ kazungeî mama pet a hum ad’u zla ndata pet, wani a le nga mandar roze a haû nga baru mazi ma atazina woi d’uo mi.

Sawal la giled’a 35:13

Wani ata yima azi nga tugud’eid’ina, an tchuk dodora atanu, an mbut tan hohoud’a, an d’el tan bei te tena, an tchen Alona kazi ki yan tchoka kä.

Esdras 9:3

Ata yima an hum hina na, an haû baru mana ki baru manda ngola woyo, an ndjut yan ndei ki dudumanu, an i kak kä ki hur ma hata ngola.

2 Amuleina 6:30

Ata yima amulâ mi hum zla d’a atcha ndata ti dumzid’ina, mi haû baru mama woyo, nga mi tit akulo yam gulumuna. Suma hur azina pet a wumu. Mi nga ki baru d’a dodora krovo atamu.

2 Amuleina 5:7

Ata yima amul ma Israel-lâ mi dap mbaktum ndata ndumba dapma, mi haû baru mama woyo, mi er ad’um akulo ala: An nAlona ba, ni tchi sana kat mi, ni hulong zlid’im mi zu? Gola! Amul ma Siri-na mi sununï sana ka wana ala an yagam libi mama woyo! Agi wagi zla d’a sa máma mi halan ki sed’eta.

1 Amuleina 21:29

Ang gola! Ahap mi ge wa yam kä avoronu. Kayamba mi ge yam kä d’a, an mba ni mba ndaka yam sum mama kur atchogoi mamba d’i, wani an mba ni mbat ni kur atchogoid’a hi goromid’a.

1 Samuel 4:12

Kur bur máma sama ad’u andjafâ hi Benjamin ma sud’î avun ayînina, mi ringî gak mi mba avo Silo ki barud’a haûd’a woi atamu, ki butna kam mi.

Matiye 26:65

Ata yi máma, ma ngol ma ngat buzuna mi haû baru mamba woyo, mi dala: Mi las Alona, ei dok halei suma glangâsâ d’uo d’a. Agi humugi las sa mi las Alonid’a.

Vama ndum mbeina 11:3

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.

Isai 37:37

Ata yi máma Sanakerip amul ma Asiri-na mi hô kang mama, mi hulong kur aziyam ma ngolâ Ninif, mi kak sä kua.

Jonas 3:5

Suma Ninif-fâ a he gagazid’a yam Alona, a d’el tazi bei te tena pepet; suma beged’a ki suma houd’a a tchuk baru d’a dodora ataziya.