2 Amuleina 18:34 - Bible azumeina

³⁴ Alo ma Hamat-na ki ma Arpat-na a nga ni lara ge? Alo ma Sefarvayim-ma ki ma Hena-na ki ma Iva-na a nga ni lara ge? Azi sut Samari woi abon ndju? Nga na d’i!

2 Amuleina 18:34 Referans Kwoze

Isai 10:9

Azì ma Kalno-na mi ni d’igi azì ma Karkemis-sâ na d’uo zu? Azì ma Hamat-na mi ni d’igi azì ma Arpat-na na mi d’uo zu? Azì ma Samari-na mi ni d’igi azì ma Damas-sâ na mi d’uo zu?

Jeremi 49:23

Wana ni zla d’a a dat yam Damas-sa: Suma Hamat-na ki suma Arpat-na a mbut zulona, kayam azi hum zla d’a de d’a tchod’a, azi tchuk susub’ok. A nga djulul d’igi alum ma ngol ma nga mi tchol b’et tuo na na.

2 Amuleina 17:6

Kur biza d’a zlengâ d’a Ose nga mi tamulid’a, amul ma Asiri-na mi hlazì ma ngol ma Samari-na, mi yo Israel suma kurâ mi izi magomba, mi izi Asiri, mi tchuk suma dingâ kur ambas sa Hala-d’a, mi tchuk suma dingâ kur Gozan avun alum ma Habor-râ, mi tchuk suma dingâ kur azì ma nglo ma Mede-na mi.

2 Samuel 8:9

Toi amul ma Hamat-na mi hum ala David mi kus wa yam azigarâ hi Hadadezer-râ pet!

Ndumba 13:21

Sum ndazina a i á d’u ambasa, a tinï ad’ud’a hur ful ma Tisin-na dei gak a mba Rehop go ki Hamat.

Isai 37:13

Ang wamul ma Hamat-na kamul ma Arpat-na kamul ma Sefarvayim-ma kamul ma Hena-na kamul ma Iva-na, azi nga ni lara ge?

Amos 6:2

Agi igi Kalne, agi gologiya. Ata yi máma agi igi Hamat ta ngola, agi kalagi igi Gat ta Filistê-d’a. Azi nga i avogovok kal leu magid’a djak su? D’oze andaga mazid’a ti bubud’a kal magid’a zu?