2 Amuleina 18:1 - Bible azumeina

¹ Kur biza d’a hindi d’a Ose Ela goroma amul ma Israel-lâ nga mi tamulid’a, Ezekiyas Ahas goroma mi kak amula yam suma Juda-na.

2 Amuleina 18:1 Referans Kwoze

2 Sunda Hamuleinid’a 28:27

Ahas mi mit mi i kä azulei ad’u abuyom ngolo. A tozom kur azì ma ngolâ avo Jerusalem, wani a tozom nga zlapa kamulei suma Israel-lâ d’i. Goroma Ezekiyas mi vrak tamula blangâmu.

1 Sunda Hamuleinid’a 3:13

Jotam mi vut Ahas, Ahas mi vut Ezekiyas, Ezekiyas mi vut Manase,

2 Amuleina 16:20

Ahas mi mit mi i azulei kä ad’u abuyom ngolo. A tozom gevezi kur Azì ma ngolâ hi David-na. Goroma Ezekiyas mi vrak tamula blangâmu.

2 Amuleina 18:9

Kur biza d’a fid’i d’a Ezekiyas nga mi tamulid’a, ni biza d’a kid’iziya d’a Ose Ela goroma amul ma Israel-lâ nga mi tamulid’a, Salmanasar amul ma Asiri-na mi mba á dur ayîna ki Samari, mi nguyut kä.

2 Amuleina 16:2

Kid’a mi kak amulid’a, bizamî dok mbà. Mi tamula avo Jerusalem bizad’a dogo yam karagaya. Mi le nga sun nda d’ingêra avok Ma didina Alo mama d’igi abum ngolo David na d’i.

2 Amuleina 15:30

Ose Ela goroma mi ndjak vunam yam amulâ Peka, mi tchumu, mi vrak tamula blangâmu. Ni kur biza d’a dok mbà d’a Jotam Azariya goroma amul ma Juda-na nga mi tamulid’a.

2 Amuleina 17:1

Kur biza d’a dogo yam mbà d’a Ahas amul ma Juda-na nga mi tamulid’a, Ose Ela goroma mi kak amula yam Israel-lâ avo Samari, mi tamula bizad’a zlengâ.

2 Sunda Hamuleinid’a 29:1

Kid’a Ezekiyas mi kak amulid’a, bizamî dok mbà yam vahl. Mi tamula avo Jerusalem bizad’a dok mbà yam zlengâ. Asum a yat ala Abiya ni Zakari goromba.

Mise 1:1

Wana ni zla d’a Ma didina mi dat mi Mise ma Moreset-na kur atchogoid’a hi Jotam ki Ahas ki Ezekiyas amulei suma Juda-nid’a, mi ndum ad’u zla d’a yam azì ma ngol ma Samari-nid’a, ki d’a yam azì ma ngol ma Jerusalem-mid’a woyo.

2 Sunda Hamuleinid’a 29:29

Ata yima abozi mi dapma, amulâ ki suma a nga zlapa ki sed’ema pet a hud’o kä, a grif kä andaga a kud’or Ma didina.