2 Amuleina 17:7 - Bible azumeina

⁷ Ndak ndata ti mba yam Israel-lâ, kayam azi le tchod’a avok Ma didina Alo mazi ma pad’azï woi yam andaga d’a Ezipte-d’a abo amulâ Faron-na, a kud’or alo ma ding ma tetengâ mi.

2 Amuleina 17:7 Referans Kwoze

Josue 23:16

Le agi bud’ugi vun ma djin ma Ma didina Alo magina mi djinim ki sed’egina woi á i grivigi kä avok alo ma dingâ á kud’uromu ni, Ma didina hurum mba mi zal kagi ngola, mba mi dabagi woi kur ambas sa djivi d’a mam hagizid’a woi atogo zak mi.

Jeremi 10:5

Alo ma hina na mi ni d’igi agu ma sana mi pum aduk asinena á dik aluweinina na, nga mi de zla d’uo mi. Sana mi hlumî hle, kayam nga mi tit kayam tam mbi. Ar agi lagizi mandaram mbi, kayam mi we nga á le vama tcho mi sa d’uo mi na, mi ndak á le vama djivi mi sa d’uo mi.

Nehemi 9:26

Hina pet pî, a tchol a kak djangûna ki sed’engû, a mbut azigazi mi gat manga, a tchi mang suma djok vun suma a nga dazi teteu ala a hulongî gevengû na woyo, a he tazi á le sun nda ndjendje d’a kal teglesa avorongû.

Buzuk ka Abud’a 20:2

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

2 Sunda Hamuleinid’a 36:5

Kid’a Jojakim mi kak amulid’a, bizamî dok mbà yam vahl. Mi tamula avo Jerusalem bizad’a dogo yam tu, mi le sun nda tchod’a avok Ma didina Alo mama.

2 Amuleina 17:35

Israel ni suma Ma didina mi djin vunam ki sed’ezi mi hazi vuna ala: Ar agi lagi mandara alo ma ding ngi, ar agi grivigi kä avorom mbi, ar agi lum sunda d’i, ar agi hagizi vama ngat buzuna d’uo mi na.

2 Amuleina 16:2

Kid’a mi kak amulid’a, bizamî dok mbà. Mi tamula avo Jerusalem bizad’a dogo yam karagaya. Mi le nga sun nda d’ingêra avok Ma didina Alo mama d’igi abum ngolo David na d’i.

1 Amuleina 15:3

Abiyam mi le tchod’a d’igi abum na, mi le nga yam Ma didina Alo mama ki hurum tu d’igi abum ngolo David na d’i.

1 Amuleina 11:4

Wani kid’a Salomon mi mbut mamarid’a, amiyôma a tanam á kud’or alo ma dingâ teteng, kayam mi le nga yam Ma didina Alo mama ki hurum pet d’igi abum David na d’i.

Suma ka sariyad’a 6:10

An dagi ala: An ni Ma didina Alo magina. Agi lagi mandara alo ma teteng ma hi suma Amor suma agi nga kaka yam ambas mazid’ina d’i. Wani agi humun nga vunan ndi.

Gat ta a hat á mbàd’id’a 31:29

An we bugol mat mana, agi mba mbud’ugi ndjendjed’a, agi mba d’ezegi woi kur lovot ta an tagagizid’a. Ndaka mba d’i mba kagi kayam sun nda tcho d’a agi mba lat kabogi á b’lagagi hur Ma didina á zalam hurumba.

1 Sunda Hamuleinid’a 5:25

Wani a le tchod’a kAlona habuyozina, a mbut tazi gaulangâ ki fileina hi suma yam ambasa ma Alona mi dabam tod’a woi avorozina.

Ezekiyel 39:24

An lazi hina ni yam mbut ta azi mbut tazi ndjendjed’id’a, yam tcho d’a azi lata mi. Ni hina ba, an mbud’uzi huyogon mi.

Wana ni mbaktumba hi Oze-d’a 12:14

Nata ma djok vuna ba, Ma didina mi buzugï Israel-lâ woi avo Ezipte, ni ma djok vun máma ba, mi ngom Israel-lâ.

Sawal la giled’a 78:12

Mi le sun nda atchapa avok abuyozi ngolo kur Ezipte abagei kel avo Sowan.

Isai 57:5

Agi ni suma hologi tagi ad’u atchinda ad’u agu ma lara ge ma angusîna d’uo zu? Agi ni suma a nga ngad’agi grogina kä kur hora angra ahuniyônina mi d’uo zu?

Wana ni mbaktumba hi Oze-d’a 4:12

Sum mana a nga djop zlad’a nata filei agu mazina. Totogo mazid’a nga d’i hulongôzi zla d’a ded’a! Djib’era hi gaulangîd’a ti vid’izi woyo, a nga le gaulangâ, a wal lei dei ki an Alo mazina mi.

Wana ni mbaktumba hi Oze-d’a 4:13

A ngat ahle suma ngat buzuna akulo yam ahinad’a yat ta ked’iwurenga, a ngal dubang ma his djivid’ina akulo yam yima ndingâ, ad’u agu sena, ad’u agu pepliyena, ad’u agu tereben suma anguzuna b’uguma mi. Ni kayam ndata ba, grogi suma aropma a nga le gaulangâ, grogina amiyôzina a nga le mizeuna mi.