2 Amuleina 17:6 - Bible azumeina

⁶ Kur biza d’a zlengâ d’a Ose nga mi tamulid’a, amul ma Asiri-na mi hlazì ma ngol ma Samari-na, mi yo Israel suma kurâ mi izi magomba, mi izi Asiri, mi tchuk suma dingâ kur ambas sa Hala-d’a, mi tchuk suma dingâ kur Gozan avun alum ma Habor-râ, mi tchuk suma dingâ kur azì ma nglo ma Mede-na mi.

2 Amuleina 17:6 Referans Kwoze

Wana ni mbaktumba hi Oze-d’a 13:16

Suma Samari-na zlad’a mba d’i vaziya, kayam a kak djangûna kAlo mazina. A mba tchazi avun ayîna, a mba ndjirebezi grozi suma gureina woyo, amiyôzi suma wirâ, a mba zazi huruzi woi mi.

1 Sunda Hamuleinid’a 5:26

Alona hi Israel-lîna mi zut amulei suma Asiri-na, Pul ki Tiglat-Pileser, a yo suma hi Ruben-na, suma hi Gad-na kabo andjafâ hi Manase-na hurumba, a izi Hala, Habor, Hara kavun alum ma Gozan-na, a ar sä kaka kua gak ini.

Gat ta a hat á mbàd’id’a 28:64

Ma didina mba mi b’rawagi woi yayak aduk suma dingâ tinï ad’ud’a avun dabid’a handagad’id’a abo hî dei gak nde woi abo hî. Agi mba kud’urogi alo ma ding ma agi d’oze abuyogi ngolo a wum nga yazi tu d’uo ma ahinad’a ki ma aguna.

Amos 5:27

Kayam ndata, an Ma didin ma simiyên ala Alo ma ad’engên kal petna na nga ni dagiya. An mba ni yogi ni igi magomba sä woi dei bugol Damas.

Isai 21:2

Vama tcho ma kal teglesâ mi nde tam mbei iranu. Ma mbut ira nga mi mbut ir suma, ma b’lak yina nga mi b’lak yina mi. Ma didina mi dala: Agi suma Elam-ma, agi igiya! Agi suma Mede-na, agi i nguyugi azina á durâ! An nga ni d’el vun zam tad’a mi.

Isai 13:17

An mba ni zut suma Mede suma a nga djib’er yam kawei ma hap poze tazi nga lazi djivid’a yam lora d’uo na á kak djangûna ki sed’eziya.

Gat ta a hat á mbàd’id’a 28:36

Ma didina mba mi igi kamul ma agi mba tinigizi kagina aduk andjaf suma agi d’oze abuyogi ngolo a wazi nga yazi tu d’uo na. Ata yi máma agi mba kud’urogi alo ma ding ma ahinad’a ki ma aguna.

Gat ta a hat á mbàd’id’a 30:18

an nga ni dagi ini, agi mba dabagi woi ki iragi fafat, agi mba kagagi tatâ yam ambas sa agi nga djagagi alum ma Jurdê-na á hlat wanda d’i.

Sunda hi suma hi Levi-nid’a 26:38

Azi mba dap pei aduk andjaf suma dingâ; andagad’a hi mazi suma djangûnid’a mba d’i taziya.

Wana ni mbaktumba hi Oze-d’a 1:9

Ma didina mi de mi Oze ala: Ang yum ala Lo-Ammi (nala, Ni sum mana d’i!), kayam agi nga ni sum mana d’i, an nga ni magina d’uo mi.

Wana ni mbaktumba hi Oze-d’a 1:6

Gomer ti hulong ve wirâ, ti vut gor atchad’a. Ma didina mi de mi Oze ala: Ang yat ala Lo-Ruhama (nala, Bei we hohoud’a), kayam an mba ni we hohowa Israel-lâ á vat hurun ndei kazi gagak kuo d’a.

Daniel 5:28

PERES ad’ut nala Wala: Leu manga a walat kä mbà á he abo tu mi suma Mede-na, abo tu mi suma Perse-na mi.

2 Amuleina 19:12

Kid’a abuyon suma avorona a b’lak Gozan ki Haran ki Resef ki Telasar azì ma ngolâ hi suma Eden-na, alona handjaf sum ndazina mi sud’uzi woi zu?

Ad’u Tinda 10:2

Jafet groma ba wana: Gomer, Magok, Madai, Javan, Tubal, Mesek ki Tiras.

2 Amuleina 15:29

Kur atchogoi d’a Peka amul ma Israel-lâ nga mi tamulid’a, Tiglat-Pileser amul ma Asiri-na, mi mba mi hlazì ma Ijon-na, Abel-Bet-Mäka, Janowa, Kedes, Hasor kambas sa Galät-ta ki d’a Galile-d’a kandaga d’a Neftali-d’a pet. Mi yo suma kuruzina pet, mi izi Asiri.

1 Sunda Hamuleinid’a 5:22

A tchi suma kua ablaud’a heî, kayam ayî máma mi tcholï nata Alona. A vrak kaka blangâzi gak mba kur atchogoi d’a a yozi magombid’a.

Esdras 6:2

A fe mbaktum mba d’uta avo Ekbatane yam andaga d’a Mede d’a a b’ir kurut ala:

Isai 10:9

Azì ma Kalno-na mi ni d’igi azì ma Karkemis-sâ na d’uo zu? Azì ma Hamat-na mi ni d’igi azì ma Arpat-na na mi d’uo zu? Azì ma Samari-na mi ni d’igi azì ma Damas-sâ na mi d’uo zu?

Isai 36:19

Alo ma Hamat-na ki ma Arpat-na a nga ni lara ge? Alo ma Sefarvayim-ma mi nga ni lara ge? Azi sut Samari woi abon ndju? Nga na d’i!

Isai 37:18

Ma didina, gagazi, amulei suma Asiri-na a tchi andjaf suma dingâ woyo, a b’lagazi andaga mazid’a woi mi.

Wana ni mbaktumba hi Oze-d’a 8:8

Israel-lâ a b’lak wa woyo. Ki tchetchemba, azi nga aduk andjaf suma ni d’igi dei ma sa nga mi minim mbuo na na.

Amos 7:17

Kayam ndata, Ma didina mi dala: Amanga mba d’i le gaulangâ kur azì ma ngolâ, grong suma andjofâ ki grong suma aropma, a mba tchazi avun ayîna, a mba b’rau ir andaga manga ki ziyona. Ang mba mit ni yam andaga d’a ndjendjed’a. A mba yo Israel-lâ magomba, a mba izi woi dei kandaga mazid’a.

1 Amuleina 8:46

Fata Israel-lâ a le wa tchod’a avorong kayambala sama bei le tchod’a mi nga d’uo d’a ni, le ang hurung zal kaziya, ang hazi abo mazi suma djangûna a yozi magomba kur andaga mazi d’a deid’a, d’oze kur andaga mazi d’a god’a,

2 Amuleina 17:23

Kayam ndata, Ma didina mi digizi woi dei avoromu, mi izi magomba yam andaga d’a Asiri-d’a gak ini d’igi Ma didina mi de woi avun azungeî mam suma djok vuna pet na.

2 Amuleina 18:34

Alo ma Hamat-na ki ma Arpat-na a nga ni lara ge? Alo ma Sefarvayim-ma ki ma Hena-na ki ma Iva-na a nga ni lara ge? Azi sut Samari woi abon ndju? Nga na d’i!

2 Amuleina 21:13

An mba ni b’lak Jerusalem mbei d’igi an b’lak Samari ki suma avo hi Ahap-ma woi na, an mba ni set Jerusalem mbei d’igi sana mi set hur tazana mi hulong mi kulubum kä na mi.

Nehemi 9:32

Ki tchetchemba, ang Alo mamina, angî ma ngolâ, angî ma sib’ika, angî ma kal papana, angî ma nga ngom vun mang ma djindina, angî ma nga mi we hohowa sumina, ar ang gol ndak ka nga d’i lamid’a d’igi vama gor go hina d’i, nala, ndak mamid’a ki d’a amulei maminid’a ki d’a hi suma nglo maminid’a ki d’a hi suma ngat buzu maminid’a ki d’a hi suma djok vun maminid’a ki d’a habuyomi ki sum maminid’a pet ta ami fad’ï kur atchogoid’a hamulei suma Asiri-nid’a dei gak inid’a.

Isai 8:4

Avok ka gor máma bei mi we á yabum ala Iba d’oze yasum ala Yogo d’a, a mba hurum ndjondjoî d’a Damas-sa kahle suma a yozi avun ayîna avo Samari-na, a mba i ki sed’ezi avok amul ma Asiri-na.

Isai 17:4

Kur bur máma Israel-lâ a mba mang ngeyo, hliwizi ma d’orâ mba mi id’a.

Isai 36:17

Agi kagagi hina djang, gak an mba ni yogi ni igi kur andaga d’a d’igi magid’a na d’a, kur andaga d’a geme ma lavungôna kat heîd’a guguzlu d’a le süma a nga kuad’a.

Jeremi 50:17

Israel-lâ a ni d’igi timi d’a ti vit tei d’a azlona mi digita na. Ma mud’ut avok kikidjina namul ma Asiri-na. Ma bugol ma mi kuzut asogot tei ndjondjoma ni Nebukanezar amul ma Babilon-na.

Wana ni mbaktumba hi Oze-d’a 1:4

Ma didina mi dum ala: Ang yum ala Jisreyel, kayam ar ndjö an nga ni mba á ngop andjafâ hi Jehu-na yam mat ma mi tchum avo Jisreyel-lâ. An mba ni d’el leu d’a ted’a aduk andjafâ hi Israel-lâ.

Wana ni mbaktumba hi Oze-d’a 9:3

Suma Efraim-ma a mba kak kur ambasa hi Ma didinid’a d’i. Azi mba hulong kur ambas sa Ezipte-d’a, a mba i Asiri á te te ma ndjendjed’a.