2 Amuleina 17:32 - Bible azumeina

³² Azi tazi a nga le mandara Ma didina, wani a man suma dingâ adigazi á mbut suma ngat buzuna kur gongîyo mazi suma ata yima ndingîna mi.

2 Amuleina 17:32 Referans Kwoze

1 Amuleina 12:31

Jerobowam mi min gong nga kud’ora ata yima ndingâ, mi man suma ngat buzuna aduk suma a nga nandjafâ hi Levi-na d’uo na.

2 Amuleina 17:29

Wani andjaf suma lara pî a min alo mazina, a tinim kur gongîyo suma a tinizi irazi vazi suma suma Samari-na a minizi adjeu yam yima ndingîna. Andjaf sum ndazina nge nge pî mi le hina kur azì ma ngol ma mam nga kaka kuana.

Sofoni 1:5

An mba ni dap suma a djak akulo yam azuweina á kud’or tchitchiud’ina, ki suma a kud’uron suma a gun tazi ki simiyên suma a i gun tazi kalo ma a yum ala Milkom-mina woyo.

2 Amuleina 23:19

Josiyas mi to gongîyo suma ata yima nding suma a minizi kur azì ma nglo ma Samari-na suma amulei suma Israel-lâ a minizi á zal hur Ma didina woi hina dedege d’igi mi to suma Betel-lâ woi na mi.

1 Amuleina 13:33

Bugol ahle ndazina hina pet pî, Jerobowam mi ar nga tcho mam mba led’a d’i, nga mi i avogovogo, mi man suma ngat buzu suma dingâ ata yima ndingâ. Le sana mi min á le sun ndata ni, mam tinim iram vamu, mi mbud’um ma ngat buzuna ata yima ndingâ.

1 Amuleina 13:31

Bugol tos mamba, ma djok vun ma mamarâ mi de mi groma ala: Fata an mita, agi tozon ni kur zula hi sana hAlona mámid’a, agi gan hliwin gen mama.

2 Amuleina 17:25

Wani ad’u tinda hi kak mazid’id’a azi le nga mandara Ma didina d’i. Kayam ndata, Ma didina mi sunï azlona taziya, mi vik suma dingâ ablaud’a adigaziya.

2 Amuleina 17:33

Azi nga le mandara Ma didina gak mi na, a nga le sunda malo mazina d’igi andjaf suma a yozï adigazina a nga le adjeu na mi.

Esdras 4:2

a mba gen Zorobabel ki suma nglo sumazina, a dazi ala: Ar ami minimi gong nga kud’ora ki sed’egiya, kayam ami nga kud’uromi Alo magina d’igi agi nga kud’urom na mi. Ami nga hum he d’a hawad’a ni kur atchogoi d’a Esar-Hadon amul ma Asiri-na mi mbami ka hid’a dei.

1 Amuleina 12:33

Kur bur ma dogo yam vahlâ hi til ma klavandi ma mam ngam mi tinim yam mam tam Jerobowam-ma, mi i Betel á le vun tilâ ki Israel-lâ. Kur bur máma mam tamba mi i á hahle suma ngat buzuna yam yima ngal ahle suma ngat buzuna mi.

2 Amuleina 17:41

Wani azi nga le mandara Ma didina gak mi na, a nga le sunda mi filei mazi ma tcheta gak mi. Grozina ki grozi ngolona a nga lahle suma abuyozi a lazina gak ini.