2 Amuleina 15:14 - Bible azumeina

¹⁴ Menahem Gadi goroma mi tcholï Tirsa mba mi kal avo Samari, mi tchi Salum Jabes goroma, mi vrak tamula blangâmu.

2 Amuleina 15:14 Referans Kwoze

1 Amuleina 14:17

Atchad’a hi Jerobowam-mba ti iya, ti kal avo Tirsa; ata yima ti tin aset akulo yam agu ma vun gong matina, gorotna mi mid’a.

1 Amuleina 16:17

Ata yi máma Omri ki azigar mama pet a ar azì ma Gibeton-na, a i kak sä Tirsa.

1 Amuleina 16:15

Kur biza d’a dok mbà yam kid’iziya d’a Asa nga mi tamula yam suma Juda-nid’a, Zimri mi kak amula avo Tirsa, mi le burâ kid’iziya. Azigar suma Israel-lâ a ve nga anguvora á dur ayîna kazì ma Gibeton ma nga kur leud’a hi Filistê-nid’a.

1 Amuleina 15:33

Kur biza d’a hindi d’a Asa nga mi tamula yam suma Juda-nid’a, Bäsa Ahiya goroma mi kak amula yam Israel-lâ pet avo Tirsa, mi tamula bizad’a dok mbà yam fid’i.

1 Amuleina 15:21

Kid’a Bäsa mi hum zla ndatid’a, mi ar bei min azì ma Rama-na, mi hulong mi kak sä Tirsa.

2 Amuleina 15:15

Sunda hi Salum mba ara ki vun ma ndjak ma mam ndjagama, a b’irizi nga kä kur Mbaktum mba de zlad’a yam Sunda hAmulei suma Israel-lîd’a.

2 Amuleina 15:17

Kur biza d’a dok hindi yam zlengâ d’a Azariya amul ma Juda-na nga mi tamulid’a, Menahem Gadi goroma mi kak amula yam Israel-lâ, mi tamula avo Samari bizad’a dogo.

2 Amuleina 15:10

Salum Jabes goroma mi tchol huneîd’a ki sed’emu, mi tchum avok suma pet, mi vrak tamula blangâmu.