2 Amuleina 15:12 - Bible azumeina

¹² Zla ndata le hina á ndak vun zla d’a Ma didina mi dat mi Jehu ala: Andjavang mba mi kak yam zlam mba amula aduk Israel-lâ gak kur atchogoi d’a fid’id’a d’a.

2 Amuleina 15:12 Referans Kwoze

2 Amuleina 10:30

Ata yi máma Ma didina mi de mi Jehu ala: Ang le wa vama d’ingêra ma an hurun minima, ang ndak wa vun vama an ngam kurun á ngop ki suma hi Ahap-mina. Kayam ndata, andjavang mba mi kak yam zlam mba amula aduk Israel-lâ gak kur atchogoi d’a fid’id’a.

Sunda hi suma a sunuzinid’a 1:16

B’oziyona, mbeî zla d’a b’ir ra Muzuk ma bei tchod’a ba na mi dat avun David yam Judas ma mba mi tak lovota mi suma á ve Jesus-nid’a ti ndaga.

Jean 19:24

Kayam ndata, azigarâ a de tazi ala: Ei haweîzi woi d’i, wani ei tumi gumara kad’u, ei wei sama mba yotna. Ahle ndazina a le hina á ndak vun zla d’a a b’irit kur mbaktumba hAlonid’a ala: A b’rau baru mana aduk taziya, a tum baru man nda ngola gumara mi d’a ti ndak memet. Wana nahle suma azigarâ a lazina.

Jean 10:35

Le Alona mi yi suma zla mamba mba atazi adjeuna ala alona, le b’ira hAlonid’a ndak á mbut tuo ni,

Marik 13:31

Akulod’a kandagad’a a mba kal leyo, wani zla manda mba d’i kal lei d’i.

Zakari 1:6

Wani zla manda ki vun ma hed’a suma an hazi mazungeî man suma djok vunina, a vabuyogi ngolo ki zlad’a. Azi hulongî gevenu, a djok tit mazid’a, a dala: Ma didin ma ad’engêm kal petna mi le ki sed’ei ni ngad’a yam sun meid’a ki tit meid’a d’igi mi nga hurum na.

2 Amuleina 14:29

Jerobowam mi mit mi i azulei kä ad’u abuyom ngolo. A tozom avo Samari gen amulei suma Israel-lâ. Goroma Zakari mi vrak tamula blangâmu.

2 Amuleina 13:13

Jowas mi mit mi i azulei kä ad’u abuyom ngolo. A tozom avo Samari gen amulei suma Israel-lâ. Jerobowam mi vrak tamula blangâmu.

2 Amuleina 13:10

Kur biza d’a dok hindi yam kid’iziya d’a Jowas amul ma Juda-na nga mi tamulid’a, Jowas Jowahas goroma mi kak amula yam Israel-lâ avo Samari, mi tamula bizad’a dogo yam karagaya mi.

2 Amuleina 13:1

Kur biza d’a dok mbà yam hindi d’a Jowas Ahaziya goroma amul ma Juda-na nga mi tamulid’a, Jowahas Jehu goroma mi kak amula avo Samari, mi tamula bizad’a dogo yam kid’iziya.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

2 Amuleina 10:10

Agi wagiya, zla d’a Ma didina mi dat yam suma hi Ahap-mid’a nga d’i dap pei hawa d’i. Ma didina mi nda’î vun zla d’a mam dat avun mam ma djok vuna Elie-d’a.

2 Amuleina 15:11

Sunda hi Zakari d’a ara a b’irit nga kä kur Mbaktum mba de zlad’a yam Sunda hAmulei suma Israel-lîd’a.

1 Samuel 3:19

Samuel mi djengâ; Ma didina mi nga ki sed’emu, mi ndak vun zla mam mba Samuel mi data pet; d’a ar bei le sundid’a nga d’i.