2 Amuleina 15:10 - Bible azumeina

¹⁰ Salum Jabes goroma mi tchol huneîd’a ki sed’emu, mi tchum avok suma pet, mi vrak tamula blangâmu.

2 Amuleina 15:10 Referans Kwoze

Amos 7:9

An mba ni b’lak yima ndingâ handjafâ hi Isa’â woyo, an mba ni b’lak gongîyo suma kud’ora hi Israel-lîna woyo, an mba ni ngop suma hi Jerobowam-ma kayî ma durâ mi.

2 Amuleina 15:30

Ose Ela goroma mi ndjak vunam yam amulâ Peka, mi tchumu, mi vrak tamula blangâmu. Ni kur biza d’a dok mbà d’a Jotam Azariya goroma amul ma Juda-na nga mi tamulid’a.

2 Amuleina 15:25

Peka Remaliya goroma, azigar mam ma ndjunuma, mi ndjak vunam ki azigar suma Galät-na dok vahl, a ngruvum kur azì ma amula, mi tchum zlapa ki Argop ki Ariye, mi vrak tamula blangâmu.

2 Amuleina 15:14

Menahem Gadi goroma mi tcholï Tirsa mba mi kal avo Samari, mi tchi Salum Jabes goroma, mi vrak tamula blangâmu.

2 Amuleina 9:31

Kid’a Jehu nga mi kal avun azinid’a, ti er ad’ut akulo ala: Ang Zimri ma tchi amul mangâ woina, ang mba ni hawa ko zu?

2 Amuleina 9:24

Wani Jehu mi ndir yeû mamba, mi yet Joram domndjolomu, ti kal kur mugulam gak ti ndeza woi vunadigamu. Joram mi puk kä kur pus mama.

1 Amuleina 15:28

Ahle ndazina a le ni kur biza d’a hindi d’a Asa nga mi tamula yam suma Juda-nid’a. Ata yi máma Bäsa mi vrak tamula balum Nadap.

2 Amuleina 15:9

Mi le sun nda tchod’a avok Ma didina d’igi abuyom ngolo na, mi wal nga ki tcho d’a Jerobowam Nebat goroma d’a mi lat mi zut ki Israel-lâ á le tchod’id’a woi d’i.

2 Amuleina 15:11

Sunda hi Zakari d’a ara a b’irit nga kä kur Mbaktum mba de zlad’a yam Sunda hAmulei suma Israel-lîd’a.

2 Amuleina 14:19

Ata yi máma suma Jerusalem-ma a ndjak vunazi yam Amasiya avo Jerusalem. Mi ring Lakis, wani a digim ad’um gak a mbaza Lakis, a tchum sä kua kolâ.

2 Amuleina 15:22

Menahem mi mit mi i azulei kä ad’u abuyom ngolo. Goroma Pekahiya mi vrak tamula blangâmu.

Wana ni mbaktumba hi Oze-d’a 7:7

Azi pet a gakud’a ni d’igi aku d’a füra na, a nga ngal mazi suma nglo suma avorozina, a nga tchamulei mazina woi mi. Wani sa adigazi tu pî, mi yan nga d’i!

Wana ni mbaktumba hi Oze-d’a 8:4

A nga tin amuleina bei vun man ma hed’a, a nga tin suma nglo suma avok sumina bei an we ba, a nga yo kawei ma hapma ki lor mazid’a á yor fileina. Ni kayam ndata ba, azi mba b’lak tazi woyo.