2 Amuleina 14:23 - Bible azumeina

²³ Kur biza d’a dogo yam vahl hla Amasiya Jowas gorom ma amul ma Juda-na nga mi tamulid’a, Jerobowam Jowas goroma mi kak amula yam Israel-lâ avo Samari, mi tamula bizad’a dok fid’i yam tu.

2 Amuleina 14:23 Referans Kwoze

Amos 1:1

Wana ni zlad’a hi Amos ma aduk suma pol d’uwarâ avo Tekowa-nid’a. Ahlena a nde tazi woi iram yam Israel-lâ kur atchogoid’a hi Oziyas amul ma Juda-nid’a katchogoid’a hi Jerobowam Jowas goroma amul ma Israel-lîd’a mi. Ahle suma a nde tazi irama a le ni bizad’a mbà tua ba, andagad’a ti giged’a.

Wana ni mbaktumba hi Oze-d’a 1:1

Wana ni zla d’a Ma didina mi dat mi Oze Beri goroma kur atchogoid’a hi Jerobowam Jowas goroma amul ma Israel-lîd’a, ni kur atchogoid’a hi Oziyas ki Jotam ki Ahas ki Ezekiyas amulei suma Juda-nid’a mi.

2 Amuleina 14:27

Wani Ma didina mi min b’lagazi woi d’i. Kayam ndata, mi had’enga mi Jerobowam Jowas goroma mi sud’uzi woyo.

2 Amuleina 14:22

Bugol matna habuma, mi dur mi hlazì ma Elat-na, mi hulongôm mi suma Juda-na.

2 Amuleina 14:24

Mi le sun nda tchod’a avok Ma didina, mi wal nga ki tcho d’a Jerobowam Nebat goroma d’a mi lat mi zut ki Israel-lâ á le tchod’id’a woi tu d’i.

2 Amuleina 10:30

Ata yi máma Ma didina mi de mi Jehu ala: Ang le wa vama d’ingêra ma an hurun minima, ang ndak wa vun vama an ngam kurun á ngop ki suma hi Ahap-mina. Kayam ndata, andjavang mba mi kak yam zlam mba amula aduk Israel-lâ gak kur atchogoi d’a fid’id’a.

2 Amuleina 13:13

Jowas mi mit mi i azulei kä ad’u abuyom ngolo. A tozom avo Samari gen amulei suma Israel-lâ. Jerobowam mi vrak tamula blangâmu.

2 Amuleina 14:1

Kur biza d’a mbà d’a Jowas Jowahas goroma amul ma Israel-lâ nga mi tamulid’a, Amasiya Jowas goroma mi kak amula yam suma Juda-na.

2 Amuleina 14:15

Sunda hi Jowas sa ara kahle suma mi lazina kad’eng mam mba dur ayîna kayî ma mam durum ki Amasiya amul ma Juda-nina, a b’irizi nga kä kur Mbaktum mba de zlad’a yam Sunda hAmulei suma Israel-lîd’a.

2 Amuleina 14:16

Jowas mi mit mi i azulei kä ad’u abuyom ngolo. A tozom avo Samari gen amulei suma Israel-lâ. Goroma Jerobowam mi vrak tamula blangâmu.

2 Amuleina 15:1

Kur biza d’a dok mbà yam kid’iziya d’a Jerobowam amul ma Israel-lâ nga mi tamulid’a, Azariya Amasiya goroma mi kak amula yam suma Juda-na.

1 Sunda Hamuleinid’a 5:17

A b’irizi simiyêzi kä pet kur atchogoid’a hi Jotam amul ma Juda-na katchogoid’a hi Jerobowam amul ma Israel-lîd’a mi.