2 Amuleina 12:16 - Bible azumeina

¹⁶ Wani bege d’a ding nga suma a hat he d’a hawa d’a yam tchilad’a hi sanid’a ki bege d’a a hat yam tcho d’a sana mi lata, a nga tchugut kur zandu’â d’i; bege ndata ni hi suma ngat buzunid’a.

2 Amuleina 12:16 Referans Kwoze

Sunda hi suma hi Levi-nid’a 7:7

Vama ngat buzu ma sana mi hum yam vama mi b’lagamina, ni d’igi vama ngat buzu ma a hum á zlup yam tchod’ina na mi; gat mazid’a ni tu; vama a hum vama ngat buzunina, mi mba mi arî hi ma ngat buzu ma mba mi ngad’am á zlup yam tchod’ina.

Sunda hi suma hi Levi-nid’a 4:29

Mi tin abom yam b’ë d’a mam hat á ngat buzuna á zlup yam tchod’id’a, mi i ngad’at ata yima a nga ngat ahle suma ngat buzu suma ngala kuana.

Sunda hi suma hi Levi-nid’a 4:24

Mi tin abom yam mbekmbere máma, mi i ngad’am kä avogon an Ma didina ata yima a ngat ahle suma ngala kuana. Wana ni vama ngat buzu ma zlup yam tchod’ina.

Wana ni mbaktumba hi Oze-d’a 4:8

Ahle suma ngat buzu suma sum mana a nga hazi yam tcho mazid’ina a mbut ni te mazina. Ni kayam ndata ba, a min ala sum mana a i avogovok kur tcho d’a led’a!

Ndumba 18:19

He d’a hawa d’a a tinit irat vat ta Israel-lâ a nga handjid’a, an hangzi mi ang ki grong suma andjofâ ki grong suma aropma ki irazi fafat. Ni vun ma djin ma didin ma an djinim ki ang kandjavangâ.

Nehemi 13:13

An he sun nda ngom ahlena nabo ma ngat buzuna Selemiya, Sadok ma b’ir mbaktumba ki Pedaya ma aduk suma hi Levi-nina, zlapa ki ma nga mi le sunda ki sed’ezina Hanan Zakur gorom ma Mataniya gorom ngolonina, kayam azi ni suma iratna. Ni azi ba, an tinizi á b’rau ahlena mi b’oziyozina.