2 Amuleina 10:18 - Bible azumeina

¹⁸ Jehu mi tok suma kur azinina pet, mi dazi ala: Ahap mi kud’or Bäl nakid’eid’a, wani an tan Jehu mba ni kud’urom kala.

2 Amuleina 10:18 Referans Kwoze

Filip-ma 4:8

B’oziyona, zla d’a ara: Ar agi tinigi djib’er magid’a yam ahle suma djivi suma ndak á giled’ina kahlena pet suma gagazina kahle suma a yorozina kahle suma d’ingêrâ kahle suma yed’etna kahle suma djivi suma ndak á hud’ina.

Romê-na 3:8

Ni kayam me ba, ami nga dami ala ar ei lei tchod’a, kayam djivid’a ti mba d’uo ge? Gagazi, suma dingâ a nga las zla mamid’a, a nga dala ami dami hina. Alona mba mi kazi sariyad’a kazi nata yad’u.

Wana ni mbaktumba hi Job-pa 13:7

Agi mba dagi zla d’a ata irat tuo d’a á ndjun Alona zu? Agi mba mbud’ugi ir suma á ndjunum mi zu?

2 Amuleina 3:2

Mi lahle suma tchona avok Ma didina, wani mi le nga tcho d’a abum azi kasum a lata pet ti. Kayam mi to ahina d’a tchet ta abum mi tinit á kud’or alo ma a yum ala Bäl-lâ woyo.

1 Amuleina 18:40

Elie mi dazi ala: Agi vigigi suma djok vuna hi Bäl-lâ, ar sa adigazi mi sut tu d’i. Azi vigiziya. Elie mi i ki sed’ezi kä avun toliyon nda Kison-nda, mi ngad’azi woi kua.

1 Amuleina 18:22

Ata yi máma Elie mi dazi ala: An tu ni ma djok vuna hi Ma didina ma arâ, wani suma a djok vun Bäl-lâ a ni kikis fid’i yam dok vahl.

1 Amuleina 18:19

Wani ki tchetchemba, ang tchuk sunda kur ambasa, kayam Israel-lâ pet a togï geven ka hî yam ahina d’a Karmel-la, zlapa ki suma kikis fid’i yam dok vahl suma a nga djok vun alo ma a yum ala Bäl-lâ ki suma kikis fid’i suma a nga djok vun alo d’a a yat ala Asera-d’a suma amula Jezabel nga d’i hazi tenina.

2 Amuleina 17:16

Azi ar vun ma hed’a hi Ma didina Alo mazinina woi pet, azi yor lora gro amuzleina mbà, azi min agu ma murgulina malo d’a a yat ala Asera-d’a, azi grif kä a kud’or ahle suma akulona pet, azi le sunda malo ma a yum ala Bäl-lâ mi.