2 Amuleina 1:2 - Bible azumeina

² Bur tu amulâ Ahaziya mi nga avo Samari kur gong mam mba yam ndrata akulod’a, mi tchoï ir fenetred’a, mi nde kä, mi dak ngola. Ata yi máma mi sun suma kur azì ma Ekron-na, mi dazi ala: Agi i djobogi Bäl-Zebup alo ma Ekron-na ala na ni kur dak ndata, an mba ni tchol akulo, d’oze ni tchol luo zu?

2 Amuleina 1:2 Referans Kwoze

2 Amuleina 1:16

Elie mi de mamulâ ala: Ang gola! Ma didina mi dang ala: Kayamba ang sun suma á djop Bäl-Zebup alo ma Ekron-na d’igi Alona mi nga navo Israel á djobom zlad’a d’uo na d’a, ang mba tchol akulo woi yam azang ma ang nga burâ kuana d’i, wani gagazi, ang mba mid’a.

Marik 3:22

Suma hat gat suma Jerusalem-ma a mba, a dala: Mi nga ki Belzebul kurumu. Suma hiuna a nga dala: Ni kad’enga hamulâ hi muzuk ma tchonina ba, mi nga mi dik ki muzuk ma teteng ma tchona woi wana.

Matiye 10:25

Ma hata mi ndak á mbut d’igi sama had’ama na, azongâ mi ndak á mbut d’igi salama na mi. Le a yi samazina ala Belzebul-lu ni, a mba yi suma avo hatama tchod’a kal luo zu?

Isai 37:19

A tchuguzi alo mazina aduk akud’a, kayam mam nga nalo ma gagazina d’i, wani nahle suma a minizi kabozina, naguna kahinad’a. A b’lagazi woyo.

Wana ni Zla d’a Djivi d’a Luc mi b’irita 11:15

Wani suma adigazi a dala: Mi dik muzuk ma teteng ma tchona woi ni kad’eng nga Belzebul amulâ hi muzuk ma tchona mi humzid’a.

Isai 37:12

Kid’a abuyon suma avorona a b’lak Gozan ki Haran ki Resef ki Telasar azì ma ngolâ hi suma Eden-nid’a, alona handjaf sum ndazinina mi sud’uzi woi zu?

2 Amuleina 1:6

A dum ala: Sana tu mi ngavami glovot mi dami ala: Agi hulongôgi gen amul ma sunugïna, agi dum ala: Wana ni zla d’a Ma didina mi data: Mi dala: Na ni Alona mi nga avo Israel luo ba, ang sun á djop Bäl-Zebup alo ma Ekron-na zu? Mi dami kua ala ang mba tchol akulo woi yam azang ma ang nga burâ kama d’i, wani gagazi, ang mba mid’a!

2 Amuleina 1:3

Wani malaikana hi Ma didinina mi mba mi de mi Elie ma Tisbe-na ala: Ang i ngaf vun suma sunda hamul ma Samari-nina, ang dazi ala: Na ni Alona mi nga avo Israel luo ba, agi i djobogi Bäl-Zebup alo ma Ekron-na zu?

1 Amuleina 11:33

An nga ni le hina kayam me Israel-lâ a aran ndeyo, a i kud’or Astarte alod’a hi suma Sidon-nid’a, Kemos alona hi suma Mowap-mina ki Milkom alona hi suma Amon-nina. Azi tit nga yam lovot ta an tagazizid’a d’i, azi tit nga yam lovot ta d’ingêra avoron ndi, azi ge nga yazi kä ad’u gata ki vun ma he ma teteng ma an hazizina d’igi Salomon abum David na d’uo mi.

Sunda hi suma a sunuzinid’a 20:9

Gor azongâ, simiyêm ala Eutis, mi nga kaka ir fenetred’a akulo. Mi bur sena d’ad’ak kayam Paul mi de zla d’a fiyaka. Kur sena mi ndeï kä ir fenetred’a hi gong nga yam ndrata akulo á hindid’id’a, a hlumî matna.

Sawal la kal teglesa 2:9

Ma an le kam heîna, mi hle tamî d’igi duka na, d’igi gor gayangâ na mi. Gola! Mi tchol nga huyok gong meid’a, nga mi golî ir fenetred’a, iram nga d’i wile ir kawei ma ndjana.

Wana ni mbaktumba hi Job-pa 31:3

Hohoud’a ni yam suma asa’atna, kid’eî ira ni yam suma a nga le sun nda tchod’ina mi d’uo zu?

1 Amuleina 22:34

Wani azigar ma Siri-na mi pat yeû mamba, mi yed’et tcha hawa na. Ti ndeza ata kongrong ma didik amul ma Israel-lîna d’ad’ar. Amul ma Israel-lâ mi de mi sa mam ma djangâm pusîna ala: Ang hulong bugolo, ang ndan ndei ata yima dur ayîna! Kayam an daga!

1 Amuleina 14:3

Ndak yo avungôna abok dogo ki fangasuna ki gugur ra mbul ayuma tu, ndak i fumu. Mam mba mi dak ad’u vama mba mi le goreinina.

1 Samuel 5:10

Ata yi máma na wat, azi hle zandu’â hAlonina, a im Ekron. Wani kid’a azi mbamza Ekron-nda, suma Ekron-na a tum siwela gandjau, a dala: A mba ki zandu’â hAlona hi Israel-lîna avo hatei ka hî ná tchï woi ki sum meina!

Suma ka sariyad’a 11:24

Ang ndak á ve vama alo mangâ Kemos mi hangzina d’uo zu? Ahlena pet suma Ma didina Alo mamina mi hamizina, ami ndak á vamizi mi d’uo zu?

Suma ka sariyad’a 5:28

Sisera asum ti nga d’i gol ir fenetre d’a kaweina, ti dala: Ni kayam me ba, pus mam ma dur ayîna mi mba atogo d’uo ge? Ni kayam me ba, pus mam ma dur ayîna yam nga d’i ve na ge?

Isai 2:6

Ma didina, ang ar mang suma hi Jakob-ma woyo, kayam azi nga tuwal fileina ngola d’igi suma abo ma yorogona na, a nga djop fileina d’igi suma Filistê-na na, kayam azi zlap darigïd’a kandjaf suma dingâ mi.

Josue 15:11

Ti ndeza woi gen Ekron abo ma norâ, ti kongî abo ma Sikron-na, ti kal i yam ahina d’a Bäla-d’a, ti ndeza woi Japnel, ti dabï avun alum ma ngol ma Mediterane-na.

1 Amuleina 22:40

Ahap mi mit mi i azulei kä ad’u abuyom ngolo. Goroma Ahaziya mi vrak tamula blangâmu.

2 Amuleina 17:16

Azi ar vun ma hed’a hi Ma didina Alo mazinina woi pet, azi yor lora gro amuzleina mbà, azi min agu ma murgulina malo d’a a yat ala Asera-d’a, azi grif kä a kud’or ahle suma akulona pet, azi le sunda malo ma a yum ala Bäl-lâ mi.

Isai 19:3

Ve tad’a hi Ezipte-nid’a mba d’i dap peyo. An mba ni pleyêzi d’al mazina woyo, a mba djop alo ma ka zlad’a ki suma a djop ki suma azuleinina ki suma mbuta ki suma a nga de zlad’a yam vama nga mi mbana mi.