2 Amuleina 1:10 - Bible azumeina

¹⁰ Elie mi hulong de mi ma ngol máma ala: Le an ni ma djok vun Alona ni, ar akud’a ti tcholï akulo ti ngalagi woi ki mang suma dok vahlâ! Ata yi máma na wat, akud’a ti tcholï akulo, ti nde yam ma ngol máma ki mam suma dok vahlâ, ti ngalazi woyo.

2 Amuleina 1:10 Referans Kwoze

Wana ni Zla d’a Djivi d’a Luc mi b’irita 9:54

Ata yima suma hata Jacques azi ki Jean a we hina na, a dum ala: Salamina, ang min ami hami vuna makud’a ti tcholï akulo á ngalazi woi zu?

Daniel 3:25

Amulâ mi hulong dazi kua ala: Ni nana ba, an nga ni we suma fid’i a nga tit aduk akud’a bei djinda, bei vama tcho mi lazi ba ge! An we sama fid’ina iram hle tat d’igi ir gor alona na!

Hebre-na 12:29

kayam Alo meina naku d’a nga d’i ngal ahlena woid’a.

Daniel 3:22

Yam vun ma he ma ad’enga hamulîna, a hîk aku d’a füra akulo hîhîk yazi kid’iziya. Kayam ndata, ti ngal azigar suma a tchuk Sadrak, Mesak ki Aben-Nego aduk aku d’a fürina woyo.

Vama ndum mbeina 11:5

Le sana mi min á lazi tchod’a ni, akud’a mba d’i nde woi avunazi á b’lak mazi suma djangûna. Sama hal á lazi vana, a mba tchum mbei hina mi.

Sawal la giled’a 106:18

Akud’a ti fo akulo aduk tok mazid’a, ti ngal suma asa’at ndazina woyo.

Wana ni mbaktumba hi Job-pa 1:16

Kid’a sama sun ma avo’â nga mi de zlad’a tua d’a, ma sun ma dingâ mi mba, mi de mi Job ala: Akud’a ti tcholï akulo hur alona, ti nde yam tumiyôna kazungeîna, ti ngalazi woi pet. Ni an tu ba, ni sud’a, ni mba á dang wana!

Sunda hi suma a sunuzinid’a 12:19

Kid’a Herot mi halam mi fum mbuo d’a, mi djop azigar suma ndjola, mi he vuna ala a tchazi woyo. Bugola, mi tchol Jude, mi i Sesare, mi kak sä kua.

Matiye 21:41

A dum ala: Mam mba mi we hohowa suma tcho ndazina d’i, wani mba mi tchazi woyo, mba mi he asinem abo suma dingâ kayam azi hum vuta ata yima duta.

Daniel 6:24

Bugola, amulâ mi he vuna ala a mbeï ki suma a tchuk zlad’a yam Daniel-lâ, a tchuguzi kur zula hazlonid’a kamiyôzina ki grozina. Azlona mi kizagazi asogozi bei a tcha kä ad’u zula ba.

Sawal la giled’a 105:15

Mi dazi ala: Agi dogi man suma an manazina d’i, agi lagi man suma djok vuna vama tcho d’uo mi.

2 Sunda Hamuleinid’a 36:16

Wani a nga las suma Alona mi sunuzïna, a gol zla mamba is, a nga san ad’u mam suma djok vuna, gak Ma didina hurum zal ngola yam suma. Ata yi máma a fe nga lovota á sut tazi d’i.

1 Amuleina 22:28

Mise mi dum ala: Ang le hulongî avo ki halasa ni, Ma didina mi dan nga zlad’a ni mam mbuo. Mi de kua ala: Agi suma pet, agi humugiya!

Ndumba 16:35

Akud’a ti tcholï gen Ma didina, ti ngal suma kikis mbà yam dok vahl suma a mba ki dubang ma his djivid’a á ngalina woyo.

Ndumba 11:1

Israel-lâ a nga gureî gureî d’a tchod’a yam Ma didina. Ma didina mi huma, hurum zal ngola, mi sunï akud’a adigaziya. Ti ngal vun kangâ woi burut.

2 Amuleina 1:11

Amulâ Ahaziya mi sun ma ngol ma ding ma azigarâ abom dok vahlâ ki mam suma dok vahlâ ata Elie kua. Ma ngol máma mi de mi Elie ala: Ma djok vun Alona, amulâ mi dala: Ang tchugï aseng kä atogo zak.

Sunda hi suma hi Levi-nid’a 10:2

Kayam ndata, akud’a ti tcholï avok Ma didina, ti ngalazi ti tchazi woyo.