1 Timote 6:9 - Bible azumeina

⁹ Wani suma a hal ndjondjoîd’ina a nga nde kur kuka, a nga ve ki dauna, a nga ve ki d’od’ok ka lili d’a tchod’a ablaud’a yam ahle suma a sir suma kä kur b’laka ki bad’ina.

1 Timote 6:9 Referans Kwoze

Zla d’a d’ogolâ 15:27

Sama mi le d’od’oka á fe bege d’a mbut irina mi mba ni ki ndaka yam aziyamu, wani sama nga mi noî he d’a hawa d’a mbut ira woina, mba mi kak karid’a.

1 Timote 3:7

Mbeî ni sama suma bei he gagazid’ina a le glangâs ma djivina kama. Le ni hina d’uo ni, zulona mba mi lumu, Diable mba mi vum ki dauna mi.

Sunda hi suma a sunuzinid’a 8:20

Wani Pierre mi dum ala: Ang ba woi ki bege manga, kayam ang djib’er ala á fe he d’a hawad’a hAlonid’a ni ki beged’a!

Matiye 13:22

Ma mi nde aduk aweid’ina ni sama hum zlad’a, wani djib’era hi duniyad’id’a ki d’od’oka hi beged’id’a a hep zla d’a a yagat kurumba akulo ped’et bei le irâ.

Jude 1:11

Ni zla d’a hohoud’a kaziya, kayam a hle ni lovota hi Kain-nda, a he tazi yam d’od’oka hi beged’id’a d’igi Baläm na, a ba woyo, kayam azi le yam mba ad’enga d’igi Kore na.

2 Pierre 2:3

Yam d’od’ok mazi d’a fe beged’a, a mba mbut abozi ki sed’egi ki zla d’a lop ir mazid’a. Wani Ma kazi sariyad’a kazina mi min tam avok dei kaziya, Ma b’lagazina nga mi bur sen nduo mi.

Efes-sâ 4:22

Kayam ndata, ar agi fogogi sama adjeuna woi ki sun mam mba led’a. Sama nga kurugi adjeuna, ni ma nga mi lobogi á igi kur b’lakina.

Marik 4:19

wani djib’era hi duniyad’id’a ki d’od’oka hi beged’id’a ki lelemba hahle suma dingîd’a a kal kuruziya, a hep zlad’a akulo ped’et bei le irâ.

Matiye 26:15

Mi dazi ala: Le an hagi Jesus abogiya ni, agi mba han ni me ge? A hum bege d’a hapa dok hindi.

Matiye 19:22

Wani kid’a azong máma mi hum zla ndatid’a, mi i ki hur ma zala, kayam mam mi sama ndjondjoîna.

Zla d’a d’ogolâ 22:16

Sama nga mi kid’eî ir sama kid’akina, mi mbud’umî sama ndjondjoîna; sama nga mi hahlena mi ma ndjondjoînina, mi mbut ni tam houd’a.

Zla d’a d’ogolâ 21:6

Suma a nga fe ndjondjoîd’a ki mbut irina ni suma lili suma nga hal matnina.

Zla d’a d’ogolâ 20:21

Djo ma b’at ma a b’ad’am avo’â, b’e vuna nga kam bugol li.

2 Timote 2:26

Azi mba mba kur we d’a irata á buzuk kei kur dauna hi Diable ma vazina, á le minda hAlonid’a mi.

1 Timote 1:9

Ei wei ala a tin gata ni yam suma d’ingêrâ d’i, wani ni yam suma tchila yam gatina, yam suma bei ge yazi kä na, yam suma asa’atna, yam suma tchona, yam suma bei hum vun Alonina, yam suma bei djib’er yam Alonina, yam suma tchabuyozi kasuyozina, yam suma tchi matna,

Wana ni Zla d’a Djivi d’a Luc mi b’irita 21:35

Kayam bur máma mba mi mba ni d’igi dauna na yam suma yam andagad’ina pet.

Zakari 11:5

Suma a nga guzuzina, a nga ngad’azi d’igi zla nga kazi d’uo na. Suma a guzuzi woina, nge nge pî nga mi dala: Mersi mi Ma didina, kayam an mbut ma ndjondjoîna. Mazi suma pola, sa tu pî nga mi wazi hohowozi d’i.

Isai 5:8

Ni zla d’a hohoud’a yam suma a nga nga ad’u azina woi avogovok suma a nga vasinena avogovok gak sa nga mi fe yina hina nde d’uo na tala azi fe yima kaka kur ambasa ni azi go d’a.

Zla d’a d’ogolâ 23:4

Ar ang kau tang á mbut sama ndjondjoîna d’i, ar ang tin djib’er manga kat tuo mi.

Sawal la giled’a 11:6

Ma didina nga mi yagï gordjona kakud’a ki sufred’a yam suma asa’atna, nga mi gad’azi ki babar ma bibi’â; wana ni b’rau d’a mi ngazizi kazid’a.

Josue 7:11

Israel-lâ a le tchod’a, a but vun ma djin ma an hazi vuna kama woyo, a yo ahle suma an d’elezi kazi ala azi yozi d’uo na, a kuluziya, a ngeyezi nga aduk ahle mazina.

Gat ta a hat á mbàd’id’a 7:25

Agi ngalagi filei mazi ma a tched’em d’igi alona na na woyo, agi lagi d’od’oka yam kawei ma hapma ki lor ra a gulud’uzi ki d’a tala agi yozi yo ba á mbut dau ma vigigina d’a d’i. Kayam ahle ndazina nahle suma ndjendjed’a ir Ma didina Alo magina.

Ndumba 31:8

A tchi amulei suma Madiyan-na vahl, nala, Evi, Rekem, Sur, Hur ki Reba, a tchi Baläm ma Beyor goromina ki mbigeu d’a fiyaka mi.

Matiye 6:19

Jesus mi had’azi kua ala: Ar agi togogi ndjondjoî magid’a ka hî yam andagad’a d’i, kayam ni yima fotna ki tchora a b’lagazina, ni yima suma kula a hulut gonga á kuluzina mi.

Wana ni Zla d’a Djivi d’a Luc mi b’irita 12:21

Jesus mi de kua ala: Hina mi, sama nga mi tok ahlena kayam mam tambina, mi nga ki ndjondjoîd’a avok Alona d’i.

1 Timote 6:10

Le yam beged’a ni sidei tcho d’a lara ge pet. Kur bege d’a hala suma dingâ a wal lei dei ki he gagazid’a, a nga ki djib’era d’igi azi tchi tazi kat na mi.

1 Timote 6:17

Ang he vuna mi suma ndjondjoî suma kur duniya d’a wandina, ar azi subur tazi d’i. Ar azi tin huruzi yam ndjondjoî d’a mba d’i dap peid’a d’i, wani a tin huruzi ni yam Alo ma nga mi hei ahlena pet ngola kayam ei lei furîd’a kaziya na.

Wana ni mbaktum mba Paul mi b’irit mi Tit-ta 2:12

Suma ndata nga d’i had’ei á walei tei woi ki tchod’a ki d’od’oka hi duniyad’id’a, á kagei irei sik, á tid’i d’ingêr ki d’engzenga avok Alona kur duniya d’a wanda.

1 Amuleina 21:6

Mi dat ala: An de mi Nabot ma Jisreyel-lâ ala mi han asine mam ma guguzlud’a, an hum beged’a kamu, d’oze le mi mina ni, an hum asine ma dingâ. Wani mi dan ala: An hangzi d’i!