1 Timote 5:22 - Bible azumeina

²² Ang b’at tang á tin abong yam sama ding á tinim kur sunda avok Toka atogo zak ki. Ang le darigïd’a ki tchod’a hi sama ding nguo mi, wani ang gol tang ped’et.

1 Timote 5:22 Referans Kwoze

Efes-sâ 5:11

Agi lagi darigïd’a ki suma a nga le sun nda hawa yak ka kur nduvundina d’i, wani vama kalâ, agi ngobozi ni ngoba,

1 Timote 3:10

Djivid’a, kuguzi avok tua, bugol le fe nga zla kazi d’uo ni, tinizi á le sunda mi Toka.

1 Timote 3:6

Ni ma mbut hurum awilina d’i, dam mba mi hle yam akulo, mi nde kur sariyad’a a kat yam Diable-d’a.

1 Timote 4:14

Ang gol he d’a hawa d’a Alona hangzid’a ta d’i. Ni d’a suma djok vun Alona a dat zlat tei ata yima suma nglo suma gol Toka a tin abozi kangâ.

Sunda hi suma a sunuzinid’a 6:6

A tinizi kä avok suma a sunuzina. Ata yi máma, suma a sunuzina a tchen Alona kaziya, a tin abozi kazi mi.

2 Jean 1:11

Sama gum depina, mi ni zlapa ki sed’em kur sun mam mba tcho ndata.

2 Timote 1:6

Kayam ndata, an nga ni gang humang ala ar ang zut he d’a hawa d’a Alona hangzi d’a ang vat ata yima an tin abon kangâ akulo.

Hebre-na 6:2

yam hat ta yam batem mba tetenga kabo ma tin ma yam sanina, yam tchol la akulo aduk suma matnid’a ki sariya d’a didinda d’uo d’a.

2 Timote 2:2

Ahle suma ang humuzi avunan avok suma glangâsâ ablaud’ina, ang hahle ndazina abo suma d’engzeng suma a ndak á had’azi mi suma dingîna mi.

1 Timote 4:12

Ar sa golong is kur azong manga d’i, wani ang mbut ni vama simata mi suma a he gagazid’ina kur zla mang nga ded’a, kur tit manga, kur o manga, kur he gagazi manga, kur d’ingêr mang nga led’a mi.

Sunda hi suma a sunuzinid’a 13:3

Ata yi máma, a d’el tazi bei te tena, a tchen Alona, a tin abozi kaziya, a arazi a iya.

Vama ndum mbeina 18:4

An hum dela ti tcholï akulo ti dala: Agi sum mana, ar agi buzugugi woi kurud’u, kayam agi lagi darigïd’a ki sed’et kur tcho mata d’i, kayam tugud’ei d’a tcho d’a nga d’i tumuta ti dogi d’i.

Sunda hi suma a sunuzinid’a 20:26

Kayam ndata, an nga ni lagi glangâsâ ini, le sa adigagi ba woyo ni, zla nga kan ndi.

Sunda hi suma a sunuzinid’a 18:6

Wani Juif-fâ a nga hum zla mamba d’i, a nga ngulumu. Kayam ndata, mi gas baru mama woyo, mi dazi ala: Le agi bagi woyo ni, ni tcho magid’a; zla nga kan ndi. Ki tchetchemba, an nga ni i ata andjaf suma dingâ.

Josue 9:14

Israel-lâ a ve tena abozi bei djop Ma didina ba.

Sawal la giled’a 50:18

Le ang we sama kula ni, ang ve banad’a ki sed’emu; ang nga le darigïd’a ki suma le mizeuna mi.

1 Timote 3:2

Mbeî sama gol Toka ni ma bei zlad’a kama, ni mandjuf ma katchad’a tuna, ni sama iram si’â, ni sama ve tama, ni sama ned’a, ni sama lakoina, ni sama ndak á hat sumina.