1 Timote 5:17 - Bible azumeina

¹⁷ Suma nglo suma a nga le sunda djivid’a avok Tokina, a ndak á fe wuraka yazi mbàmbà, kal pet ni suma a nga he tazi ngola yam wal la tchid’a ki hatina.

1 Timote 5:17 Referans Kwoze

Hebre-na 13:17

Agi gagi yagi kä avok suma avorogina, ar agi humuzi zla mazid’a mi, kayam azi ni suma a nga ngomogi muzugagina. Ni suma a mba i ki zla magid’a avok Alonina. Agi ndjunuzi a lat ni ki furîd’a, bei yor tad’a, kayam yor tam mazid’a mba le djivid’a ki sed’egi d’i.

Galat-na 6:6

Sama sana nga mi had’am zlad’a hAlonid’ina, djivid’a mi b’rau ahle mam suma djivina ki sama nga mi had’ama.

Wana ni Zla d’a Djivi d’a Luc mi b’irita 10:7

Agi kagagi kur azì máma, agi tagi agi tchagi vama azi hagizina, kayam sama le sunda ndak á fe wurak mamba. Ar agi igi kur azina teteng ngi.

Hebre-na 13:7

Agi djib’eregi yam suma nglo suma avorogi adjeu suma a tchagi wal zlad’a hAlonid’ina. Agi djib’eregi yam tit mazid’a ki mat mazina, ar agi hlagi balum asezi yam he gagazi mazid’a.

2 Timote 2:6

Sama nga mi le sunda kur asinena ki ndakina, ni mam ba, mi te vud’agu ma avo’â.

Filip-ma 2:29

Kayam ndata, agi vum atagi ki furîd’a yam Salad’a. Andjaf suma hina na, agi hazi ngola,

Romê-na 12:8

Le ná giget suma ni, ar mi gigid’eziya. Sama hahle mam suma djivina mi suma hiuna, ar mi hazizi ki hur ma tuna. Sama avok suma hiuna kur Tokina, ar mi le sun mamba ki zlezleûd’a. Sama ndjun suma hohoud’ina, ar mi ndjunuzi ki furîd’a mi.

Sunda hi suma a sunuzinid’a 28:10

Kid’a ami djagami kur batod’a á id’id’a, a lami ad’umi heî, a hami ahle suma kid’agamina mi.

2 Korente-na 6:1

Kayam ami nAlona ndrom suma sunda, ami nga tchenegiya: Ar agi gologi suma d’a Alona mi vagizid’a d’igi vama hawana na d’i.

Romê-na 16:12

Agi gagi Trifen ki Trifos arop suma a nga le sunda hi Salad’id’ina depa. Agi gagi banan nda an le kat heîd’a Persit ta le sunda ngola yam Salad’id’a depa mi.

Romê-na 15:27

Azi tazid’a nga huruzi á le hina. Wani gagazi, azi ndak á le ki suma hohou ndazina hina. Le kretiyê suma Jerusalem-ma a b’rau ahle mazi suma djivina hi Muzu’îna kandjaf suma dingâ ni, djivid’a andjaf suma dingâ a ndak á ndjunuzi kahle mazi suma a nga abozina mi.

Filip-ma 4:3

Ndran ma sun ma d’engzengâ, an nga ni tchenengû, ang ndjun arop ndazina. Kayam azi dur ayîna geven á b’rau Zla d’a Djivid’a zlapa ki Klemâ ki ndron suma sun suma simiyêzi nga b’ira kur mbaktum mba arid’ina mi.

1 Korente-na 16:16

Kayam ndata, an nga ni tchenegiya, ar agi gagi yagi kä ad’u suma hina na ki suma a nga le sunda zlapa ki sed’ezina pet mi.

Sunda hi suma a sunuzinid’a 11:30

Azi le hina mi, a sun ahle ndazina mi suma nglona abo Barnabas azi ki Saul.

2 Amuleina 2:9

Kid’a azi djak sä woi abo hî d’a, Elie mi de mi Elise ala: Ang tchenen vama ang min an langzina avok ka bei Ma didina mi walan ki sed’enga. Elise mi hulong dum ala: An min ala ang han ni muzuk mang ma djok vuna yang mbà.

2 Timote 4:2

Kayam ndata, ang tchi wal zlad’a hAlonid’a, ang ve tang kua kur yima djivina, d’oze ata yima tchona. Ang vazi ki zlad’a, ang ngobozi yam tcho mazid’a, ang gigid’ezi ki ve tad’a kur hata pet mi.

1 Timote 4:16

Ang gol tang djivi ki hat manga mi, ang ve tang kur ahle ndazina. Le ang le na ni, ang mba sut tang ki suma a nga hum zla mangina mi.

1 Timote 3:5

Wani sana le we nga lovota á d’op aziyam mbuo ni, ni nana ba, mba mi ngom Toka hAlonid’a ge?

Filip-ma 2:16

á tagazi zla d’a arid’a woi abua. Le agi nga lagi hina ni, an mba ni subur tan kagi kur bur ma mbad’a hi Christ-sâ, tala ring mana ki sun man nda kaud’a a ba atan nduo d’a.

Matiye 24:25

Gola! An dagi wa ahlena woi avok da’.

Hebre-na 13:24

Agi gagi suma avorogina depa pet zlapa ki suma hAlonina pet mi. B’oziyoi suma Itali-na a gagi depa mi.

1 Timote 4:10

Kayam ndata, ei nga lei sunda ki ndjigeta, kayam ei tini huri ni yam Alo ma arina, mam mi Ma sut suma petna, kal pet ni suma he gagazid’ina.

1 Korente-na 15:10

Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

Sunda hi suma a sunuzinid’a 20:35

Kur ahlena pet, an tagagi á le sun nda djivid’a, kayam agi ndjunugi suma hohoud’a. Agi djib’eregi yam zlad’a hi Salad’a Jesus d’a mam tam dat ala: Alona mba mi b’e vunam yam sama hed’a kal ma ved’a d’a.

Jean 4:38

An sunugi á fet awuna kur asine ma agi lagi nga sunda kua d’uo na. Suma dingâ a le wa sunda kua da’, agi tchugugi ni kur sun mazid’a.

Wana ni Zla d’a Djivi d’a Luc mi b’irita 12:42

Salad’a mi dum ala: Ni nge nazong ma d’engzeng ma ne ma salama mba mi tinim yam suma avo hatama á b’rawazi tena ata yama ge?

Zakari 9:12

Agi suma dangei suma nga ki hur ma tindina, agi hulongôgi kur azì ma ad’eng ma ngunguna. An nga ni dagi ini, an mba ni wuragagi yan mbà.

Jeremi 17:18

Ar suma a djobon vunana a mbut zulona, ar an mbut zulona d’i. Ar azi zlaga, ar an zlak ki. Ang mbazi bur ma ndaka kaziya, ang b’lagazi woi b’ib’lak yang mbà.

Jeremi 16:18

Avok ahle ndazina an mba ni wuragazi yan mbà yam tchila mazid’a ki tcho mazid’a, kayam azi mbut ambas manda ndjendjed’a ki har ra ahle mazi suma ndjendjed’a, a oî ambas sa ala ni djo mana d’a kahle mazi suma ndjendjed’a mi.

Isai 40:2

Agi b’lengêgi hur suma Jerusalem-ma, agi dazi zlad’a ki delegi d’a ngola ala: Sun magi d’a magomba dap da’. Alona mi vat wa hurum mbei yam tchila magid’a, mi wuragagi wa yam tcho magi d’a lara ge yam mbà mi.

1 Timote 5:3

Ang djib’er yam arop suma modono suma gagazina, ang huzi mi.

1 Timote 4:6

Le ang nga hat b’oziyoina yam ahle ndazina ni, ang mba mbut sama sun ma djivina hi Jesus Christ-sâ. Ang mba tak kei ala ang nga wul kur zlad’a hAlona d’a ang he gagazid’a kata ki hat ta gagazi d’a ang nga tit blogota mi.

1 Korente-na 3:9

Kayam ami nAlona ndrom suma sunda, agi nasinena hAlonina mi. Agi ni gong nga minda hAlonid’a mi.

1 Timote 4:14

Ang gol he d’a hawa d’a Alona hangzid’a ta d’i. Ni d’a suma djok vun Alona a dat zlat tei ata yima suma nglo suma gol Toka a tin abozi kangâ.

1 Timote 5:19

Ar ang ve kala yam ma ngol ma gol Toka bei suma glangâsâ mbà d’oze hindi d’i.

Ndumba 18:31

Ata yima lara pî agi ki sum magina, agi tagiziya, kayam ni wurak magid’a yam sunda hi zlub’u d’a ngaf tad’a d’a agi nga lata.

Gat ta a hat á mbàd’id’a 18:8

ar mi fe b’raud’a yam te mama dedege d’igi mazina na bei ndum bege d’a mi fat kahle suma mi guzuzi woi habuma ba.