1 Timote 5:11 - Bible azumeina

¹¹ Wani ang b’ir arop modono suma awâna simiyêzi kur mbaktumba d’i, kayam me le d’od’oka hi hliuna lazi wa ni, a ar Christ seyo, a i ve mandjuf ma dingâ.

1 Timote 5:11 Referans Kwoze

1 Timote 5:14

Kayam ndata, an min ala arop suma modono suma awâna a vik andjofâ, a vut grona, a ngom aziyazi mi, kayam a ar lovota mi mei suma djangûna á de zla d’a tchod’a kei d’i.

Wana ni mbaktumba hi Oze-d’a 13:6

Ata yima an hagi tena ndak yam mei magid’ina, agi hobogiya, agi hlagi yagi akulo. Ni kayam ndata ba, agi maragi kanu.

Jacques 5:5

Agi kagagi wa yam andagad’a ka hî ki duzîd’a ki furîd’a kur d’od’oka hi hliwigid’a, agi d’orogi wa yam bur ma ngata.

Isai 3:16

Ma didina mi dala: Arop suma Siyon-na yazi ad’enga, a nga hle irazi akulo ki tita herengêleng, a nga lop suma ki irazi d’a gola, kayam azi nga tit tit ta kidjik tad’a, a nga tchi b’alang ma asezina tchutchuî.

Vama ndum mbeina 18:7

Agi lat ndaka, agi kid’iyêt irad’u, kayam ndat subur tat kur djivi mata, ti dala: An kak ka hî d’igi amula na, an nga natcha d’a modonod’a d’i, an mba ni yor tan nduo mi.

2 Pierre 2:18

Azi nga de zla d’a subur tad’a ki zla d’a de d’a hawa yaka, azi nga tit kur d’od’oka á le mizeuna hi hliu tad’a á ve suma a ar go á prut tei aduk suma a nga tit kur batrangina ki dauna.

1 Timote 5:9

Atcha d’a modono d’a a b’irit simiyêt kä kur mbaktumbid’a, ni d’a bizat ndak dok karagayad’a, ni d’a ve mandjufâ avok tud’a,

1 Timote 4:3

Sum ndazina a nga hat suma ala nga djivid’a sa mi vatcha d’i, mi te te ma tetengâ d’uo mi. Wani Alona mi le te máma kayam suma a he gagazid’ina ki suma a we gagazid’ina a le mersi kamu, a tumu.

Gat ta a hat á mbàd’id’a 32:15

Bugola, azi te, a hopa, a d’or gugundulî. Jesurun mi ndjabom mbei aduk asuna, mi ar Alo mam ma luma woyo, mi gol ahina d’a sud’umba is.

1 Timote 5:12

Sariyad’a mba d’i vaziya, kayam azi ar vun ma hle mazi ma avo’â woyo.

Vama ndum mbeina 18:3

Kayam andjaf suma yam andagad’ina pet a tche süm mat ma tcho ma mizeuna. Amulei suma yam andagad’ina a le mizeuna ki sed’ed’u, suma mbut abozi suma yam andagad’ina a mbut suma ndjondjoîna ki djivi mata.

Vama ndum mbeina 18:9

Amulei suma yam andagad’a suma a le mizeuna ki sed’et kur djivi matina, a mba tchiya, a mba yor tazi kad’u, ata yima azi mba we andosâ haku d’a nga d’i ngalatina.