1 Timote 4:3 - Bible azumeina

³ Sum ndazina a nga hat suma ala nga djivid’a sa mi vatcha d’i, mi te te ma tetengâ d’uo mi. Wani Alona mi le te máma kayam suma a he gagazid’ina ki suma a we gagazid’ina a le mersi kamu, a tumu.

1 Timote 4:3 Referans Kwoze

1 Timote 4:4

Kayam ahle suma Alona mi lazina pet ni djivid’a, vama a noyôm mbeina nga d’i, wani sana mi vumî ki mersid’a,

Hebre-na 13:4

Ar tela ti ka’î vama hud’a avok suma pet. Ar atchad’a ki ndjuvut a ka’î suma d’engzengâ aduk taziya, kayam Alona mba mi ka sariyad’a yam suma e’eûd’a ki suma mizeuna.

Romê-na 14:6

Sama nga mi wal burâ irama, mi walamî á hu Salad’a. Sama nga mi te tena petna, mi tumî á hu Salad’a, kayam nga mi le mersi mAlona. Sama nga mi te tena pet tuo na, mi te d’uo ná hu Salad’a, kayam nga mi le mersi mAlona mi.

Kolos-sâ 2:16

Kayam ndata, ar sa mi kagi sariyad’a kagi yam tena d’oze yam tched’a d’oze yam bur ma luna d’oze yam vun tilâ d’oze yam bur ma sabatna d’i.

1 Korente-na 8:8

Ni yam tena ba, ei mba hud’i go gen Alona d’i. Le ei teya, d’oze ei tei d’uo pî, ei nga fei va kua d’i.

Ad’u Tinda 9:3

Ahlena pet suma a nga yam andagad’a karid’ina a arî te magina. D’igi an hagi ahle suma d’ufa na, an hagi ahle ndazina pet ni mi agiya.

Kolos-sâ 3:17

Kur ahlena pet suma agi lagizina, le ni zla d’a ded’a, d’oze le ni sunda, ar agi lagizi pet ni ki simiyê Salad’a Jesus. Agi lagi mersi mAbui Alona ki simiyêm mi.

1 Korente-na 7:28

Wani le ang vatchad’a ni, ang le nga tcho d’i. Le gor weid’a ti ve mandjufâ ni, ti le nga tcho d’uo mi. Wani azi mba fe ndaka kur kak mazid’a. Kayam ndata, an min hlagi aneka woi kagiya.

Romê-na 14:3

Ar sama nga mi tahlena petna, mi gol sama nga mi tahlena pet tuo na is si. Ar sama nga mi tahlena pet tuo na, mi ka sariyad’a yam sama nga mi tahlena petna d’uo mi, kayam Alona mi vum wa atamu.

Hebre-na 13:9

Ar hat ta ding nga tetenga vid’igi woi d’i. Djivid’a ei sirei ni sira kur sumad’a hAlonid’a, wani nga ni yam te ma teteng ma ndak á le va ki suma a tin huruzi kama d’uo na d’i.

1 Timote 2:4

ni Ma mi min ala suma pet a fe suta a we gagazid’a mi na.

1 Korente-na 6:13

Agi nga dagi ala: Tena ni yam haid’a, haid’a ni yam tena mi. Gagazi, wani Alona mba b’lagazi woi djak. Hliu tad’a nga ni yam mizeuna d’i, wani ni yam Salad’a. Salad’a ni yam hliu tad’a mi.

Romê-na 14:17

Kayam leud’a hAlonid’a nga ni yam vama te d’oze vama tche d’uo mi, wani ni d’ingêra, b’leng nga halasa ki furî d’a Muzuk ma bei tchod’a ba na mi heizid’a.

Matiye 15:36

Mi yo avungô ma kid’iziyana ki kulufâ. Kid’a mi le mersi mAlona kamba, mi mbrugum kä, mi he mi mam suma hata, a b’rawam mablau suma mi.

Ma tchi wala 5:18

Alona mi he ndjondjoîd’a ngola mi suma dingâ, mi arazi lovota á te kat mi. A tat mbiyod’u, a le furîd’a yam kau mazid’a. Ndata ni he d’a hawad’a hAlonid’a.

Matiye 14:19

Ata yi máma, mi he vuna mablau suma á kak kä yam asuna. Mi yo avungô ma vahlâ ki kuluf ma mbàna, mi hle iram akulo, mi le mersi mAlona kamu. Mina, mi mbruk avungôna kä, mi he mi mam suma hata; a b’rawam mi suma.

Sunda hi suma a sunuzinid’a 27:35

Kid’a mi de zla ndata dad’a, mi hlavungôna, mi le mersi mAlona avorozi pet, mi mbrugum kä, mi nde ted’a.

Jean 6:23

Wani alumei suma dingâ a tcholï Tiberiyat, a mba ata yima azi tavungô ma Salad’a mi le mersi mAlona kama.

Wana ni Zla d’a Djivi d’a Luc mi b’irita 24:30

Kid’a mi kak avun tena ki sed’ezid’a, mi hlavungôna, mi le mersi mAlona kamu, mi mbrugum kä, mi haziziya.

Daniel 11:37

Mba mi djib’er yam alo ma abuyom ngolo a kud’uroma d’oze ma aropma a le kama d’i, mba mi hle yam akulo, mba mi gol tam ala mam kalazi pet, mba mi ge yam kä avok alo tu d’i.

1 Samuel 9:13

Agi kalagi hur azina, agi mba fum avok bei mam djak akulo ata yima nding ma a tinim iram vama á te tena. Bei mam mba ba ni, sa nga mi te tena d’i, kayam ni mam ba, mi b’e vunam yam ahle suma ngat buzuna tua ba, suma a yazïna a te tua. Agi b’ad’agi atogo, agi mba fumu.

Matiye 15:11

Vama kal avun sanina nga mi mbud’um ndjendjed’a d’i, wani ni vama ndeï woi avun sanina ba, mi mbud’um ndjendjed’a.

1 Timote 5:14

Kayam ndata, an min ala arop suma modono suma awâna a vik andjofâ, a vut grona, a ngom aziyazi mi, kayam a ar lovota mi mei suma djangûna á de zla d’a tchod’a kei d’i.