1 Timote 2:1 - Bible azumeina

¹ Avok ahlena pet, an nga ni gigid’egiya, ar agi tchenegi Alona tchen nda irata ki hud’a yam suma pet. Ar agi lagi mersi mAlona yam suma pet,

1 Timote 2:1 Referans Kwoze

2 Tasaloni’â 1:3

B’oziyomina, ami nga lami mersi mAlona teteu kagi nata yad’u, kayam he gagazi magid’a nga d’i wul heî, o magi d’a agi nga lat yam tagid’a nga d’i zul avogovok mi.

Jacques 5:16

Ar agi dagi tcho magid’a woi aduk tagiya, ar agi tchenegi yam tagi mi, kayam agi fagi lafiya. Tchenda hi sama d’ingêrid’a ti nga kad’enga á le sunda ngola.

Efes-sâ 5:20

Ar agi lagi mersi teteu mAbui Alona yam ahlena pet ki simiyê Saleina Jesus Christ mi.

2 Timote 2:24

Ar azongâ hi Salad’ina mi yal li, wani mbeî mi ka’î sama le yam suma petna. Ni sama ndak á hat suma ki ve tad’ina,

1 Timote 2:4

ni Ma mi min ala suma pet a fe suta a we gagazid’a mi na.

Filip-ma 1:3

An nga ni le mersi mAlo mana teteu ata yima an nga ni djib’er kagina.

Hebre-na 6:11

Ami minimi ala ar nge nge pî adigagi mi kuk tam á we vama agi tinigi hurugi kama tetet gak bur ma dabid’a.

Wana ni mbaktum mba Paul mi b’irit mi Tit-ta 3:2

Ar azi de zla d’a tchod’a yam sa d’i, a hal huneîd’a d’i, wani a le ni djivid’a, a ka’î luluma ki suma pet mi.

Wana ni mbaktum mba Paul mi b’irit mi Tit-ta 2:11

Kayam Alona mi nde wa suma mam mbala ni sut ta yam ped’u d’a woi abua.

1 Timote 5:5

Atcha d’a modono d’a gagazi d’a nga kaka vata, nga d’i tin hurut ni yam Alona, nga d’i tchenem andjege ki faleya.

1 Korente-na 15:3

An hagi ni vama kal tegles ma an vuma: Christ mi mit ni kayam tcho meid’a d’igi mbaktumba hAlonid’a ti de na;

Sunda hi suma a sunuzinid’a 17:30

Kur atchogoi d’a bei wed’a, Alona mi gol suma ta, wani ki tchetchemba, mi he vuna ata yina pet ala suma a mbut huruzi yam tcho mazid’a.

1 Tasaloni’â 3:12

Ar Salad’a mi igi avogovok kur o d’a agi nga lat yam tagid’a zlapa ki suma pet, d’igi ami nga lami kagi na mi.

Romê-na 6:17

Wani an le mersi mAlona, kayam me adjeu agi ni magumeina hi tchod’ina, wani ki tchetchemba, agi gagi yagi kä ki hur ma tuna d’igi hat ta a had’agizid’a na.

Romê-na 1:8

Avok ahlena pet, an nga ni le mersi mAlo mana ki simiyê Jesus Christ kagi pet, kayam suma kur duniyad’ina pet a nga le glangâsâ yam he gagazi magid’a.

Sawal la giled’a 72:19

Ei gilei simiyêm ma subura gak didin! Ar subur mamba ti oî yam andagad’a pet! Amin! Amin!

2 Korente-na 8:6

Tit mi tin ad’ud’a á zud’ugi á he he d’a hawad’a ngola. Kayam ndata, ami tchenem ala mi i avogovok kuru, mi ndjunugi á ndak vun sun nda djivi ndata mi.

Efes-sâ 3:13

Ni kayam ndata ba, an nga ni tchenegiya, ar tagi tchuk lus yam ndak man nda an nga ni fat kagid’a tala ni subur magid’a d’a d’i.

Esdras 6:10

kayam azi hahle suma ngat buzu suma his suma afufuîna mAlo ma akulona tala azi tchen yam amulâ ki groma mi d’a.

Jeremi 29:7

Agi halagi b’leng nga halasa yam azì ma an igi magomba kuana, agi tchenegi an Ma didina kamu. Le azì máma mi kak lafiya ni, agi mba kagagi ki halasa mi.

Efes-sâ 6:18

Agi lagi ahle ndazina pet ni kur tchenda. Agi tchenegi Alona mi ndjunugiya. Agi tchenegi Alona ata yima lara ge pet yam ad’enga hi Muzuk mamid’a. Agi kagagi ki ndjola teteu ki d’engzenga. Agi tchenegi Alona yam sum mama pet mi.

Filip-ma 4:6

Ar djib’eregi ti b’lak yam va tu d’i, wani kur ahlena pet ar agi tagagi Alona vama agi kid’agagizina. Ar agi tchenegi Alona ki hud’a, agi lum mersi mi.