1 Timote 1:9 - Bible azumeina

⁹ Ei wei ala a tin gata ni yam suma d’ingêrâ d’i, wani ni yam suma tchila yam gatina, yam suma bei ge yazi kä na, yam suma asa’atna, yam suma tchona, yam suma bei hum vun Alonina, yam suma bei djib’er yam Alonina, yam suma tchabuyozi kasuyozina, yam suma tchi matna,

1 Timote 1:9 Referans Kwoze

Galat-na 3:19

Ni kayam me ba, Alona mi tin gata ge? Mi tinit á tak tcho d’a led’a abua, gak andjafâ hi Abraham ma Alona hlum vunam kama mi mba. Malaikana a he gat ndata mi Moise ma aduk suma kAlonina.

1 Pierre 4:18

D’igi mbaktumba hAlonid’a ti de na ala: Le nad’enga ki suma d’ingêrâ á fe suta ni, suma bei d’ingêra ki suma tchona a mba le ni nana ge?

Romê-na 5:20

Wani ata yima gata ti mbana, tchilid’a ti zula. Wani ata yima tchod’a ti zulâ, sumad’a hAlonid’a ti zul ngola kala.

Galat-na 5:23

lulumad’a ki d’el tad’a. Gat ta kak djangûna kahle ndazinid’a nga d’i.

Wana ni mbaktum mba Paul mi b’irit mi Tit-ta 3:3

Kayam adjeu ei ni suma bei ned’a, suma bei hum vuna, suma vit teina. Ei ni suma le magomba mi d’od’oka teteng ki furîd’a hi duniyad’ina, suma asa’atna, suma yungôra. Suma a noyêya, ei noyeî suma ding mi.

Romê-na 6:14

Ar tchod’a ti te leud’a kagi d’i, kayam agi nad’u gata d’i, wani agi nad’u sumad’a hAlonid’a.

Romê-na 1:30

suma kulo’â, suma a kak djangûna kAlonina, suma asa’atna, suma yam mba ad’enga ki suma subur tad’a. Azi nga hal lovot ta awilid’a á le tchod’a, a nga hum vun simiyêzi d’uo mi.

Vama ndum mbeina 22:15

Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

Wana ni mbaktum mba Paul mi b’irit mi Tit-ta 1:16

A nga dala azi wAlona, wani kur sun mazi d’a led’a a tin vunazi kamu. Azi ni suma tchona, ni suma bei hum vuna, azi ndak á le sun nda djivid’a d’i.

1 Pierre 3:20

Azi ni muzu’â hi suma a hum nga vun Alona adjeu d’uo ata yima mi ve tam tatâ kur burâ hi Noe-na kid’a mi nga mi min batod’ina. Kur bato ndata suma tcha, nala, klavandi, a fe suta aduk mbiyo ma kus máma.

Hebre-na 11:31

Ni yam he gagazid’a ba, Rahap atcha d’a gaulangâ ti mit nga zlapa ki suma bei hum vun Alona d’i, kayam ti ve suma d’u yina atat ki djivid’a.

2 Tasaloni’â 2:8

Ata yi máma, Ma tchona mba mi nde tam mbei ir suma. Ni ma Salad’a Jesus mba mi tchum mbei ki fo d’a avunambina, mba mi b’lagam mbei ki b’o mamba fata mam mba mi mbad’a.

Romê-na 4:13

Vun ma hle ma Alona mi hle vunam mi Abraham kandjavam ala andaga d’a wanda mba d’i arî d’igi djo mazina na d’a, ni yam mba Abraham mi ge yam kä ad’u gata hi Moise-sa d’i, wani ni yam he gagazi mamba.

Matiye 10:21

Suma a mba he b’oziyozina woi á tchid’a, abuyod’a a mba he grozina woi á tchid’a mi, grod’a a mba kak djangûna ki simiyêziya, a mba hazi woi á tchid’a mi.

Ezekiyel 21:25

Ang mun lovota tu tala ar mbigeu d’a fiyaka ti kal avo Raba azì ma ngolâ hi suma Amon-na d’a, ta dingâ tu á i kur Juda avo Jerusalem azì ma ad’eng ma ngunguna mi.

Jeremi 23:11

Ma didina mi dala: Suma djok vuna ki suma ngat buzuna tazid’a a ni suma b’laka. An fe sun mazi d’a asa’at ta azi lat kur gong mandid’a.

Zla d’a d’ogolâ 30:17

Sama mi las abum mi gol asuma is mi na, gagau ma avun toliyondina mba mi pad’am iramu, agigilauna groma a mba tum mi.

Zla d’a d’ogolâ 30:11

Suma dingâ a nga yahlena yam abuyoziya, a nga de zla d’a djivi yam asuyozi d’uo mi.

Zla d’a d’ogolâ 28:24

Sama nga mi kul ahlena habum kasum ma nga mi dala ndata nga ni tchod’a d’uo na, ni sama b’lak ahlena hi sumina ndrama.

Zla d’a d’ogolâ 28:17

Sama mi tchi sana mi wala zlad’a vumu na, mi ring á tchi tamu; ar sa mi d’elem mbi!

Zla d’a d’ogolâ 20:20

Sama mi yahlena yam abum kasuma, mba mi mit tei d’igi lalamba ti mit tei aduk andjege dangâla na.

2 Sunda Hamuleinid’a 32:21

Ata yi máma Ma didina mi sunï malaikana tu, mi dap suma gangrangâ ki suma nglona ki suma avok suma woi tchid’a kur kangâ hamul ma Asiri-nina. Ata yi máma amul ma Asiri-na mi hulong yam ambas mamba ki zulona, mi kal kur gong nga kud’ora halo mamid’a. Ata yi máma grom suma vuta a tchum ki mbigeu d’a fiyaka.

2 Amuleina 19:37

Bur tu mi i kur gong nga kud’ora halo mama Nisrok-ka á tchenda. Groma mbà, ma dingâ a yum ala Adramelek, ma dingâ a yum ala Sareser, a tchum ki mbigeu d’a fiyaka, a ring kur andaga d’a Ararat-ta. Gorom ma dingâ tu a yum ala Esar-Hadon mi vrak tamula blangâmu.

2 Samuel 16:11

David mi de mi Abisai kazungeî mama pet ala: Gola! Goron ma kuruna tamba pî nga mi halan á tchid’a. Ma Benjamin máma zla mamba djivid’a kal luo zu? Agi aram mi ngula. Ma didina mi hum vuna ni mamu.

Gat ta a hat á mbàd’id’a 27:16

Sama mi gol asum azi kabum isâ, Ma didina mi gum vuna! Ablau suma petna a hulong ded’a ala: Amin!

Sunda hi suma hi Levi-nid’a 20:9

Sama lara ma yahlena yam abum azi kasuma, a tchum mbeyo. Buzuwam mba mi hulong kamu, kayam mi yahlena yam abum azi kasumu.

Buzuk ka Abud’a 21:14

Wani le sana mi tchi ndrama ni kur min mamba ki lemba ni, le mi ngei tam nata yi man ma ngal ahle suma ngat buzuna pî, agi vum tchumu.

Buzuk ka Abud’a 20:13

Ar ang tchi sa d’i.

1 Pierre 2:7

Yam agi suma hagi gagazid’a, ndat nahina d’a guzut kal teglesa iragiya, wani yam suma bei he gagazid’ina, ahina d’a suma djak gonga a gat teid’a, ni d’a mbut ta djik gong nga akulod’a.

Hebre-na 12:16

Agi gologi tagi djiviya, ar sama mizeuna d’oze sama bei le mandara Alonina kak adigagi d’igi Esau ma gus ngol mamba woi ki te ma ngiyeûnina na d’i.

Galat-na 5:21

d’od’oka, gurut ki süma, lü ma batranga kahle suma ding suma hina na mi. An nga ni gigid’egi yam ahle ndazina pet, d’igi an gigid’egi avok na: Andjaf suma a nga lahle suma hina na a mba kal kur leud’a hAlonid’a d’i.

Galat-na 5:18

Wani le agi nga tid’igi yam minda hi Muzu’â hAlonina ni, agi nga ad’u gata d’i.

1 Timote 4:7

Wani ang noî djudjun nda hawa yak ka nga ndjak ki he gagazid’a d’uo d’a woyo, ang b’at tang á tit kur lovota hAlonid’a.

1 Timote 6:20

Ang Timote, ang ngom ahle suma a hangzi abongâ. Ang hazigang mi djudjun nda hawa yak ka ndjak nga ki he gagazid’a d’uo d’a ki zla d’a tuguyo d’a azi nga yat ala ni ned’a d’a wani ni zla d’a kad’a.

2 Timote 2:16

Wani ar ang hazigang mi zla d’a de d’a hawa yak ka ndjak nga ki he gagazid’a d’uo d’a. Ni kayam zla d’a hina d’a ba, suma a mba wal lei kAlona ngola.

2 Timote 3:2

Kayam suma a mba le ni yam taziya, ni suma a le yam beged’a, ni suma subur tazina, suma yam mba ad’enga, suma a ngul Alona, suma bei hum vun simiyêzina, suma bei le mersina, suma bei le mandara Alona.

Wana ni mbaktum mba Paul mi b’irit mi Tit-ta 1:6

Mbeî ma ngol ma gol Toka ni ma bei zlad’a kama, ni ma katchad’a tuna, ni ma groma a he gagazid’ina, ni sama suma bei kal kam yam zla d’a tchod’a d’oze tchilad’a ba na.

Wana ni mbaktum mba Paul mi b’irit mi Tit-ta 1:10

Suma tchila yam gata a nga ablaud’a, ni suma bei hum vuna, ni suma lop suma ki zla mazi d’a de d’a hawa yakina. Ablawazi ni Juif suma a mbut huruzina.

Jude 1:15

á ka sariyad’a yam suma pet, á ve suma tchona ki zlad’a yam sun nda tcho d’a azi lat ata yima a le yam mba ad’enga kAlona ki zla d’a de d’a tcho d’a lara ge pet ta azi dat kamba.