1 Timote 1:5 - Bible azumeina

⁵ Vun ma he máma djivi mamba ni o d’a ndeï kur hur ma djivina ki djib’er ra krovo d’a djivid’a ki he gagazi d’a irata.

1 Timote 1:5 Referans Kwoze

1 Timote 1:19

Ar ang ngom he gagazid’a ki djib’er ra djivi d’a kurung krovod’a. Kayam suma dingâ a ar wa lovot ndata woyo, a hlup wa he gagazi mazid’a kä d’igi alumba ti hlup kä aduk mbina na.

Galat-na 5:22

Wani vuta hi Muzu’â hAlonid’a ni od’a, furîd’a, b’leng nga halasa, ve tad’a, mun kad’a, djivi d’a led’a, d’engzenga,

2 Timote 2:22

Ang wal lei ki d’od’ok ka tetenga hazungeînid’a. Ar ang hal d’ingêra ki he gagazid’a ki od’a ki b’leng nga halasa zlapa ki suma a nga yi Salad’a ki hur ma tunina.

2 Timote 1:5

An nga ni djib’er yam he gagazi d’a irat ta nga kurunga, ni d’a nga kur asung ngolo Lois kasung Eunis adjeud’a, an we gagazi ti nga kurung mi.

2 Timote 1:3

An nga ni le mersi mAlo ma an nga ni lum sunda d’igi abuyon ngolo a lumzi adjeuna ki djib’er ra krovo d’a djivid’a na na. An nga ni djib’er kang kur tchen manda andjege ki faleya.

1 Pierre 3:21

Mbiyo máma ni vama hle tam ki batem mba sud’ugi ki ka tchetchem wanda. Ni d’a pat ndjendjed’a hi hliuna woid’a d’i, wani ni ki tchen nda kuri krovo d’a irata ata Alona. Ni batem mba sud’ugi yam tchola hi Jesus Christ-sa akulo aduk suma matnid’a.

1 Pierre 3:16

wani agi dagizi ni ki lulumad’a ki ge yam mba kä d’a. Agi kagagi ki djib’er ra djivid’a kurugiya, kayam suma a nga de zla d’a tchod’a kagi yam tit magi d’a djivid’a yam Christ-sina, zulona mi laziya.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

2 Pierre 1:7

agi mbud’ugi tagi d’igi Christ na, agi lagi yam b’oziyogi suma kur Christ-sâ, agi lagi od’a yam suma pet mi.

Romê-na 10:4

Kayam Christ mi ndak vun gata hi Moise-sa memet á mbut suma pet suma a he gagazid’ina d’ingêr avok Alona.

Wana ni mbaktum mba Paul mi b’irit mi Tit-ta 1:15

Ir suma yed’etna, ahlena pet ni yed’et; wani ir suma tchona ki suma bei he gagazid’a, vama yed’etna nga d’i. Ne mazid’a ki djib’er ra kuruzi krovod’a ni ndjendjed’a.

1 Timote 3:9

Ni suma a nga ngom zla d’a muduri d’a gagazi d’a ndat tei d’a hi he gagazid’a ki djib’er ra krovo d’a djivid’ina.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

Sawal la giled’a 51:10

Ang dan zlad’a woi yam vat hurâ; an mba ni le furîd’a ki hur ma hapma, tan nda kus d’ad’ameîd’a mba d’i gra mi.

1 Pierre 4:8

Kal ahlena pet, agi lagi yam tagi ki o d’a kal teglesa, kayam od’a nga d’i zlup yam tcho d’a ablaud’a.

Jacques 4:8

Ar agi hud’ugi go gen Alona, mam mba mi hud’ï gevegi go mi. Agi suma le tchod’a, agi mbuzugi abogi woyo. Agi suma lop ira, ar agi mbuzugi hurugi woi yed’et.

Sunda hi suma a sunuzinid’a 23:1

Ata yi máma, Paul mi so iram ata suma b’ak zlad’a, mi dazi ala: B’oziyona, an nga avok Alona ki hur ma tuna gak ini.

Sawal la giled’a 24:4

Ni sama abom nga mi do vama tcho d’uo na, ni sama hurum yed’etna, ni sama nga mi he tam yam ahle suma hawa ya’â d’uo na, ni sama bei gun tam ir gurzula ba na.

1 Jean 3:3

Nge nge pî ma nga ki hur ma tin mama yam Christ-sâ, nga mi ngom tam yed’et, d’igi Christ tamba ni Ma bei tchod’a ba na mi.

Hebre-na 10:22

Kayam ndata, ei hud’i go gen Alona ki hur ma tuna ki he gagazi d’a ndak memeta ki huri ma mbusa woi yed’et yam djib’er ra tcho d’a kuri krovod’a pet ki ta d’a a mbuzut tei ki mbiyo ma hirwilingîd’a.

1 Korente-na 13:1

An le nga ni de vuna hi suma ki ma hi malaikanina pî, le an nga ni le od’a d’uo ni, zla man nda ded’a ni d’igi kawei ma a nga tumum keng kengâ na, d’oze d’igi agileng ma nga mi tchi kling klingâ na.

Romê-na 14:15

Le ang nga b’lak hur wiyengâ yam te mangâ ni, ang nga tit kur od’a d’uo d’a. Ar ang ba sama Christ mi mit kama woi yam te mangâ go d’i.

Romê-na 9:1

An sana hi Christ-sâ nga ni de zla d’a gagazid’a, bei ka zla d’a ba d’a. Djib’er man nda krovod’a nga d’i le glangâsâ kan yam ad’enga hi Muzuk ma bei tchod’a ba nid’a ala ni gagazi.

Sunda hi suma a sunuzinid’a 24:16

Kayam ndata, an nga ni b’at tan teteu á kak ki djib’er ra tchod’a kurun avok Alona d’oze avok suma d’uo mi.

Sunda hi suma a sunuzinid’a 15:9

Mi kazi nga irazi woi ki ei d’i, mi mbuzuzi huruzi woi yed’et yam he gagazi mazid’a.

Matiye 12:35

Sama djivina mi nde ni kahle suma djivi suma mi togozi kuruma woi abua, sama tchona mi nde ni kahle suma tcho suma mi togozi kuruma woi abu mi.

Matiye 5:8

Suma huruzi yed’etna a le furîd’a, kayam a mba wAlona.

1 Jean 3:23

Wana ni vun ma he mama: Ei hei gagazid’a ki simiyê Goroma Jesus Christ, ar ei lei yam tei d’igi Christ mi hei vuna na mi.

Hebre-na 13:18

Agi tchenegi kamiya, kayam ami wami tetet, djib’er mami d’a kurumid’a ni djivid’a. Ami min á lami ahlena pet ata yaziya.

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

Jeremi 4:14

Ma didina mi hulong dazi ala: Ndak Jerusalem, ndak le min á sut tak keyo ni, ndak mbus huruk ma tchona woyo. Ndak mba kak kur djib’er mak ka tcho ndata hina gagak mindja ge?

Gat ta a hat á mbàd’id’a 10:12

Moise mi de kua ala: Israel-lâ, ki tchetchemba, Ma didina Alo magina mi min ni me atagi ge? Mi min ala agi lum mandaramu, agi tid’igi kur lovot mamba, agi lum sunda, agi lagi kam ki hurugi pet ki tagi pet mi.

Sofoni 3:7

An dagi ala: Le agi landi mandaranu, le agi vagi ngop manda atagiya ni, an mba ni b’lagagi yi magi ma kaka woi d’i, an mba ni ar ngop pa an ngat kurun á ngobogi ki d’a woi pet mi. Wani agi b’ad’agi tagi á le sun nda ndjendje d’a ata yat tuo d’a.

Romê-na 12:9

Ar o magid’a ti ka’î od’a bei lop ira. Ar agi noyôgi tchod’a woyo, ar agi vagi ahle suma djivina ad’enga.

1 Timote 1:18

Ang gorona Timote, vun ma he ma an hangzina, mi ndjak ki zla d’a suma djok vun Alona a dat adjeu kanga. Ar ang deng tang kat á dur ayî ma djivina.

1 Jean 3:10

Lovot ta ei wei Alona groma ki Diable groma teteta ba wana: Nge nge pî ma nga mi le d’ingêra d’uo na, nga mi le yam wiyema d’uo mi ni, nAlona goroma d’i.