1 Tasaloni’â 5:6 - Bible azumeina

⁶ Kayam ndata, ar ei buri sena d’igi suma hiuna na d’i, wani ei kagei irei sik ki ndjola.

1 Tasaloni’â 5:6 Referans Kwoze

1 Pierre 1:13

Kayam ndata, agi vagi tagi ad’enga á le sunda, agi kagagi ki ndjola, agi tinigi hurugi pet yam he d’a hawa d’a agi mba fat kur bur ma Jesus Christ mba mi nde woina.

Matiye 24:42

Kayam ndata, agi kagagi ki ndjola, kayam agi wagi nga bur ma mbad’a hi an Salaginina d’i.

Wana ni Zla d’a Djivi d’a Luc mi b’irita 22:46

Mi dazi ala: Ni kayam me ba, agi burugi sena ge? Agi tchologi akulo, agi tchenegi Alona, kayam agi tchugugi kur kuka d’i.

1 Pierre 5:8

Ar agi kagagi ki ndjola, agi kagagi iragi sik, kayam Diable magi ma djangûna nga mi tit d’igi azlo ma nga mi tchi á hal nge ma mam vum á mutnina na.

Vama ndum mbeina 16:15

Salad’a mi dala: Ang huma, an nga ni mba ni d’igi sama kula na. Sama nga kaka ndjola, mi ngom baru mamba tala mi tit gandilad’a ba, suma a wum zulo mama d’uo na, mi le furîd’a.

Wana ni mbaktum mba Paul mi b’irit mi Tit-ta 2:12

Suma ndata nga d’i had’ei á walei tei woi ki tchod’a ki d’od’oka hi duniyad’id’a, á kagei irei sik, á tid’i d’ingêr ki d’engzenga avok Alona kur duniya d’a wanda.

Efes-sâ 5:14

kayam b’od’a nga d’i ndahlena woi pet pid’agï. Kayam ndata, suma hiuna a dala: Ang ma bur senina, ang zlid’a, ang tchol lei aduk suma matna. Hina wani, Christ mba mi b’o woi kangû.

Vama ndum mbeina 3:2

Ang zlid’a, ang sira suma a nga lá matnina, kayam an we sun mang nga led’a nga avok Alo mana djivi tetet ti.

1 Pierre 4:7

Wani ad’u dabid’a hahlenid’a pet mba wa go. Agi kagagi ki djib’er ra irata ki ndjola á tchen Alona.

1 Korente-na 16:13

Ar agi kagagi ki ndjola, ar agi tchologi ngingring kur he gagazid’a, ar agi vagi tagi ad’enga mi.

1 Timote 2:9

Hina mi, an min ala aropma a tchu’î baru ma bei kidjik tad’a, a tit ni tit ta kukud’uk, a ge yazi kä, a ge yam mba aboina d’i, a tchuk lora atazi d’i, d’oze yeyêna, d’oze baru ma guzum kal teglesâ d’uo mi,

Zla d’a d’ogolâ 19:15

Azulomba ti burî sana sena d’ad’ak, sama mi le sunda ndjondjôna, meid’a mba d’i tchumu.

Wana ni mbaktum mba Paul mi b’irit mi Tit-ta 2:6

Hina mi, ang gat azungeîna a kak irazi sik.

1 Timote 3:2

Mbeî sama gol Toka ni ma bei zlad’a kama, ni mandjuf ma katchad’a tuna, ni sama iram si’â, ni sama ve tama, ni sama ned’a, ni sama lakoina, ni sama ndak á hat sumina.

Kolos-sâ 4:2

Agi aragi bei tchen Alona d’i, agi kagagi ki ndjola, agi lagi mersi mAlona mi.

Efes-sâ 6:18

Agi lagi ahle ndazina pet ni kur tchenda. Agi tchenegi Alona mi ndjunugiya. Agi tchenegi Alona ata yima lara ge pet yam ad’enga hi Muzuk mamid’a. Agi kagagi ki ndjola teteu ki d’engzenga. Agi tchenegi Alona yam sum mama pet mi.

Wana ni Zla d’a Djivi d’a Luc mi b’irita 21:36

Wani ar agi burugi sena d’i, ar agi tchenegi Alona kayam agi fagi ad’enga á sud’ugi woi abo ahle suma a nga mbana, á tchologi avok an Gor Sana mi.

Wana ni Zla d’a Djivi d’a Luc mi b’irita 12:39

Wani agi wagiya, le sama azina mi we yima sama kula nga mba kuana ni, mba mi aram mi kal avo hatam mbi.

Matiye 25:13

Jesus mi de kua ala: Kayam ndata, agi kagagi ki ndjola, kayam agi wagi nga burâ d’oze lera d’i.

Matiye 25:5

Kid’a sala tela yam sä d’i ve tua d’a, irazi nde d’i lazi sena, a bur sena.

Matiye 13:25

Wani ata yima suma a bur senina, mam ma djangûna mi mba, mi yak barumba aduk awu ma djivina, mi ge tam mi iya.

Jonas 1:6

Ma ngolâ hi batod’ina mi hut gevemu, mi dum ala: Ni kayam me ba, ang bur sena ge? Ang tchol akulo, ang yalo mangâ, dam mba mi wei hohoweya, mba mi arei ei boi woi d’uo kla.

2 Timote 4:5

Wani ang gol tang djivi kur ahlena pet, ang ve tang kur djop vuna, ang tchi wal Zla d’a Djivid’a, ang ndak vun sun nda Alona mi hangzid’a memet mi.

1 Timote 3:11

Hina mi, aropma a ka’î suma d’engzengâ, suma bei kad’u suma, suma a ve tazi ngingringâ, suma iratna kur ahlena pet mi.

1 Tasaloni’â 5:8

Wani ei ni suma hafatina á kagei irei sik. Ar agi tchugugi he gagazi magid’a ki o magid’a atagi d’igi sana mi tchuk kongrongâ atam na, ar agi kulubugi hur ma tin mala ni sut magid’a na kagi d’igi sana mi kulup djumba kam na mi.

Filip-ma 4:5

Ar agi tagagi luluma magid’a woi avok suma pet, kayam Salad’a mi ar go á mbad’a.

1 Korente-na 15:34

Ar agi zlid’igi akulo, ar agi tid’igi d’ingêr, ar agi lagi tchod’a d’i, kayam suma dingâ adigagi a we nga Alona d’i. An de hina ná mbud’ugi zulona.

Sunda hi suma a sunuzinid’a 20:31

Kayam ndata, ar agi kagagi ki ndjola. Agi djib’eregiya, kur bizad’a hindi, andjege ki faleya, an gat nge nge pî adigagi ki simina iranu.

Wana ni Zla d’a Djivi d’a Luc mi b’irita 12:37

Azungeî suma salazina mba mi fazi ndjola ata yima mi hulongîna, a le furîd’a. Gagazi, an nga ni dagiya, mba mi djin d’ik mama furumu, mi kagazi kä avun tena, mba mi lazi sunda.

Marik 13:37

Wani vama an nga ni dagizina, an dumî mi suma pet mi, ar agi kagagi ki ndjola.

Matiye 26:38

Ata yi máma, mi dazi ala: Hurun b’lak kakazeî á matna; agi kagagi ka hî ki ndjola zlapa ki sed’enu.

Isai 56:10

Suma ndjola hi Israel-lîna pet ni suma duka, a ni suma bei wed’a. Azi pet nadurei suma ngela, a ndak nga á bud’a d’i; azi ni suma adïd’a dazina; a burî kä, a tcho’î sena vam tu.

1 Timote 2:15

Wani le d’i nga kaka kur he gagazid’a ki od’a ki yed’eta ki ned’a ni, mba d’i fe suta yam gro suma vuta.

Efes-sâ 2:3

Ei pet adjeu ei ni d’igi azi na mi. Ei tid’i ni kur d’od’oka hi hliwid’a, ei lei ni minda hi hliunid’a kur djib’er meid’a mi. Ata vut meid’a ei ni suma Alona hurum zal kei d’igi suma hiuna na na mi.

1 Tasaloni’â 4:13

B’oziyomina, ami minimi ala agi kagagi kur vita yam suma matna d’i. Ar agi yorogi tagi kazi d’igi suma hiu suma bei hur ma tinda ba na na d’i.

1 Tasaloni’â 5:10

ma mit keina. Kayam ndata, le ei nga ki irei d’oze le ei boi pî, ei mba kagei karid’a zlapa ki mamu.