1 Tasaloni’â 5:13 - Bible azumeina

¹³ Ar agi hazi ngola, ar agi lagi od’a kazi yam sun mazi d’a azi nga lata, agi kagagi ki b’leng nga halasa aduk tagi mi.

1 Tasaloni’â 5:13 Referans Kwoze

Marik 9:50

Ndjuvuna ni vama djivina, wani le ayâm mi pat teyo ni, ni ki me ba, a mba minim ki blangâma kamas ke? Agi mbud’ugi ni d’igi ndjuvuna na, agi kagagi ki halasa aduk tagiya.

Hebre-na 12:14

Agi b’ad’agi tagi á kagagi ki b’leng nga halasa ki suma pet ki tit ta d’ingêra. Bei tit ta d’ingêra ba ni, sa mi ndak á we Salad’a d’i.

Jacques 3:18

Suma a nga min b’leng nga halasina, a nga zarî b’leng nga halasa, a mba dut ni d’ingêra mi.

Efes-sâ 4:3

Yam Muzuk mam ma mi hagizina, agi b’ad’agi tagi á kagagi zlapa tu ki b’leng nga halasa aduk tagiya.

Galat-na 5:22

Wani vuta hi Muzu’â hAlonid’a ni od’a, furîd’a, b’leng nga halasa, ve tad’a, mun kad’a, djivi d’a led’a, d’engzenga,

2 Korente-na 13:11

B’oziyona, vama arâ, ar agi kagagi lafiya. Ar agi kagagi ni suma ndak memetna, ar agi b’lengêgi hur tagiya, ar agi kagagi ki djib’er ra tud’a, ar agi kagagi ki b’leng nga halasa aduk tagi mi. Hina wani, Alo ma od’a ma b’leng nga halasa mba mi kak ki sed’egiya.

Jean 15:17

Wana ni vama an hagi vuna kama: Agi lagi yam tagiya.

Sawal la giled’a 133:1

Ni sawala hi David ta suma a djak Jerusalem á lü vun tilîna a hlata. Wana ni vama djivi ma le suma tazi djivid’a heî na: Ar b’oziyod’a a kak zlapa tu.

2 Timote 2:22

Ang wal lei ki d’od’ok ka tetenga hazungeînid’a. Ar ang hal d’ingêra ki he gagazid’a ki od’a ki b’leng nga halasa zlapa ki suma a nga yi Salad’a ki hur ma tunina.

2 Tasaloni’â 3:16

Ar Salei ma b’leng nga halasa, mi hagi b’leng nga halasa teteu ata yina pet. Ar Salad’a mi kak ki sed’egi pet mi.

Kolos-sâ 3:15

Ar b’leng nga halasa hi Christ-sa ti kak kurugiya. Ni kayam ndata ba, mi yagi kur hliu ma tuna. Ar agi lagi mersi mAlona mi.

Galat-na 6:6

Sama sana nga mi had’am zlad’a hAlonid’ina, djivid’a mi b’rau ahle mam suma djivina ki sama nga mi had’ama.

Galat-na 4:14

Tugud’ei d’a ata hliwinda ni vama kuka kagiya. Hina pî, agi golon nga is si, agi noyôn nga d’uo mi. Wani agi van atagi d’igi malaikana hAlonina na, d’igi Jesus Christ tamba na mi.

Matiye 10:40

Jesus mi had’azi kua ala: Sama vagi atama, mi van ni anu; sama van atama, mi ve ni Ma sununïna mi.

Ad’u Tinda 45:24

Bugola, mi de mi b’oziyoma ala: Ar agi yalagi tagi glovot tuö wö, mi arazi a iya.

1 Tasaloni’â 5:14

B’oziyomina, ami nga gigid’egiya, ar agi ngobogi suma azulomba, agi b’lengêgi hur suma mandarâ, agi ndjunugi suma amangeîna, agi vagi tagi yam suma pet mi.