1 Tasaloni’â 4:9 - Bible azumeina

⁹ Wani kayam zla d’a o d’a yam b’oziyoi suma he gagazid’ina, agi nga djup sa mi lagi mbaktum kat tuo d’a, kayam Alona mi had’agi á le yam tagi da’.

1 Tasaloni’â 4:9 Referans Kwoze

1 Jean 3:11

Wana ni zla d’a agi humugizi avok dei ala: Ei lei yam teya d’a.

Romê-na 12:10

Ar agi lagi yam tagi d’igi b’oziyo tagi na. Ar agi lagi ad’u tagi mi.

1 Jean 3:23

Wana ni vun ma he mama: Ei hei gagazid’a ki simiyê Goroma Jesus Christ, ar ei lei yam tei d’igi Christ mi hei vuna na mi.

1 Jean 4:21

Wana ni vun ma he ma Christ heizina: Nala, sama nga mi le yam Alonina, djivid’a mi le yam wiyema mi.

Hebre-na 13:1

Ar agi lagi yam tagi teteu d’igi b’oziyo tagi na.

1 Tasaloni’â 5:1

Wani b’oziyomina, yam zlad’a hatchogoid’a ki burâ hi mbad’a hi Salad’id’a, an dok ni b’irigi mbaktum kat tuo d’a.

Sunda hi suma a sunuzinid’a 4:32

Ablau suma a he gagazid’ina, a tok huruzi tu ki muzugazi tu. Sama adigazi ma dala ihî ni va mama katama nga d’i, wani ahle mazina ni toka tu adigaziya.

1 Jean 2:10

Sama nga mi le yam wiyemina, mi nga ni kaka kur b’od’a, vama puk wiyema kur tchod’ina mi nga atam mbi.

2 Pierre 1:7

agi mbud’ugi tagi d’igi Christ na, agi lagi yam b’oziyogi suma kur Christ-sâ, agi lagi od’a yam suma pet mi.

1 Pierre 4:8

Kal ahlena pet, agi lagi yam tagi ki o d’a kal teglesa, kayam od’a nga d’i zlup yam tcho d’a ablaud’a.

1 Pierre 3:8

Zla d’a dabid’a ba wana: Ar agi kagagi ki djib’er ra tud’a ki vun ma tuna, ar agi lagi yam tagi d’igi b’oziyo tagi na, agi wagi hohou tagi ki lulumad’a.

Hebre-na 10:16

Ma didina mi dala: Wana ni vun ma djin ma an mba ni djinim ki sed’ezi bugol bur mámina: An mba ni tin gat manda kuruziya, an mba ni b’irit kur djib’er mazi d’a kuruzi krovod’a mi.

Jean 14:26

Wani Ma ndjunda, nala, Muzuk ma bei tchod’a ba ma Abun mba sunumï ki simiyêna, mam mba mi had’agi ahlena pet, mba mi gagi humagi yam ahlena pet suma an dagizina mi.

Sawal la giled’a 133:1

Ni sawala hi David ta suma a djak Jerusalem á lü vun tilîna a hlata. Wana ni vama djivi ma le suma tazi djivid’a heî na: Ar b’oziyod’a a kak zlapa tu.

Matiye 22:39

Ma mbà ma d’igi mam nana ba wana: Ang le yam ndrangâ d’igi ang tanga na.

Jeremi 31:34

Sa mba mi dok hat ndram mboze mba mi de wiyema ala: Ang we Ma didina na nga d’i, kayam azi pet a mba wanu, tin ad’ud’a ata suma yâna dei gak mba yam suma gangrangâ. An Ma didina ni de na. Kayam an mba ni vat hurun ndei yam tchila mazid’a, an mba ni djib’er yam tcho mazid’a d’uo d’a.

Isai 51:13

Ang mar kan an Ma didin ma ni lang ma ni b’eng akulod’a woi ni gäd’u andagad’ina. Burâ pet ang nga zlak ki mandarâ avok ma djop vun suma ata yima mam nga go á b’lagang ngeina. Wani mandar mama mi ar nga ni lara ge?

Sunda hi suma hi Levi-nid’a 19:8

Sama tuma mba mi hlaneka hi tcho mambid’a kamu, kayam mi golî vama a hum mi an Ma didinina is. Sama hina na a mba pad’am mbei aduk sum mama.

Jeremi 31:33

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kuruziya, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

2 Korente-na 9:1

Kayam zla he d’a hawa d’a á ndjun suma hAlona suma Jude-nid’a, nga djivid’a an b’irigi mbaktumba kat ti,

Filip-ma 3:15

Ei pet suma djengeî kur Muzu’îna, ar ei djib’erei hina. Le suma dingâ adigagi djib’er mazid’a ni vad’u ni, Alona mba mi tagagizi woi pid’agï.