1 Tasaloni’â 4:13 - Bible azumeina

¹³ B’oziyomina, ami minimi ala agi kagagi kur vita yam suma matna d’i. Ar agi yorogi tagi kazi d’igi suma hiu suma bei hur ma tinda ba na na d’i.

1 Tasaloni’â 4:13 Referans Kwoze

Daniel 12:2

Ablau suma a nga bona a mba zlit akulo. Suma dingâ a mba kak karid’a gak didin, suma dingâ a mba kak kur zulona kur gol la isa gak didin mi.

1 Tasaloni’â 5:10

ma mit keina. Kayam ndata, le ei nga ki irei d’oze le ei boi pî, ei mba kagei karid’a zlapa ki mamu.

1 Tasaloni’â 4:15

Kayam ndata, zla d’a ami nga dagizid’a ni zlad’a hi Salad’id’a. Ei suma nga ki irei tua na kur bur ma mbad’a hi Salad’ina, ei mba kalei avok suma matna d’i.

Efes-sâ 2:12

Ata yi máma, agi ni suma woi dei ki Christ-sâ, agi ni suma wala woi dei ki Israel-lîna, agi ni suma wala woi dei ki vun ma djin ma Alona mi djinim ki sum mamina mi. Hina, agi ni suma bei hur ma tinda, agi ni suma bei Alona kur duniyad’a ka hina mi.

2 Pierre 3:4

Azi mba dala: Mi hle vunam ala mam mba mba d’uo zu? Mi nga ni lara ge? Kayam kad’u tinda hi simiyeî suma a bona ei deid’a, ahlena pet a nga nata yazi d’igi a lazï adjeu dei na.

1 Korente-na 15:6

Bugola, mi nde tam mbei ir mam suma hata kal kikis vahl; ablaud’a adigazi a nga ki irazi ini, wani suma hiuna a bo wa.

Sunda hi suma a sunuzinid’a 7:60

Ata yi máma, mi grif kä, mi er ad’um akulo, mi dala: Salad’a, ang ndum tcho ndata kazi d’i. Kid’a mi de zla ndata dad’a, mi mid’a. Saul mi ndjak vunam ki sed’ezi yam tchid’a hi Etienne-nda mi.

Ezekiyel 37:11

Ma didina mi dan ala: Israel-lâ a ni d’igi asok ma wana na. Azi nga de tazi ala: Asogei mi mbut ablarid’a, hur mei ma tinda mi dap peyo, ei bei woi da’!

2 Korente-na 1:8

B’oziyomina, ami minimi ala agi wagi ndak ka ami fat kur ambas sa Asi-d’id’a. Aneka ngola kal kamiya, ti kal yam ad’engêmi gak hur mami ma tinim ala ami mba sud’umi woyo na dap da’!

1 Korente-na 10:1

B’oziyona, an nga ni gagi humagi yam vama mba yam abuyoi ngolo suma a tit ad’u Moise-sâ. Azi pet nad’u d’ugula, azi djak alum ma ngol ma Tchereuna pet mi.

Romê-na 1:13

B’oziyona, an min ala agi wagi ala an min á iza hatagi yan ablaud’a, kayam sun manda ti vut adigagi d’igi ti vut aduk andjaf suma duniya suma hiuna na mi. Wani gak ki tchetchemba, an fe nga lovota d’i.

Sunda hi suma a sunuzinid’a 13:36

Bugol la David mi le sunda kur atchogoi mamba kur minda hAlonid’a led’a, mi mid’a. A tozom gen abuyom ngolo, mi tchima.

Jean 11:24

Marta ti dum ala: An wala mba mi tchol akulo aduk suma matna kur bur ma dabid’a.

2 Pierre 3:8

Wani buniyôn suma od’a, agi maragi yam zla d’a tu d’a wanda d’i: Bur tu ir Salad’a ni d’igi bizad’a dubu na, biza d’a dubud’a ni d’igi burâ tu na mi.

Sunda hi suma a sunuzinid’a 8:2

Suma ding suma a nga le mandara Alonina a tos Etienne, a tchim ngola.

Zla d’a d’ogolâ 14:32

Tcho d’a sama asa’atna mi lata ti bamî woyo, wani ma d’ingêrâ kur mat mama pî, mba mi fe yima ngei tama.

1 Amuleina 2:10

David mi mit mi i azulei kä ad’u abuyom ngolo. A tozom kur Azì ma ngolâ hi David-na.

1 Amuleina 1:21

Le hina d’uo ni, fata ang salana amul mana, ang mit ang i azulei kä ad’u abuyong ngolod’a, ami ki gorona Salomon mba mbud’umi ni d’igi suma tchona na.

Sunda hi suma hi Levi-nid’a 19:28

Agi zagi tagi yam matna d’i, ar agi tchalagi tagi d’i, kayam an ni Ma didina.

Matiye 27:52

Vun asud’a ti mal leyo, ablau suma hAlona suma a bo adjeuna a tchol akulo.

1 Korente-na 12:1

B’oziyona, an min ala agi wagi ad’u he d’a hawa d’a Muzu’â hAlona nga mi heizid’a woi tetet.

Wana ni mbaktumba hi Job-pa 1:21

mi dala: An ndeï woi kur asun ni gandila, an mba ni hulongî gandila mi. Ma didina mi he, mi yo mi. Ar ei suburi Ma didina!

2 Samuel 18:33

Ata yi máma amulâ mi hat hurum ngola, mi djak akulo kur gong nga yam ndrat ta akulo d’a avun agre’îd’a, nga mi tchiya. Kur tita nga mi dala: Gorona Apsalom! Gorona Apsalom! An mit adjï ni an ni d’ö ge! Apsalom gorona, gorona!

Ad’u Tinda 37:35

Ata yima grom suma andjofâ ki suma aropma pet a mba á hal á b’lengêm huruma, mam min nga d’i, mi dala: An mba ni i gen gorona azulei kä ni ki yor tad’a; nga mi tchi hora goroma.

Efes-sâ 2:3

Ei pet adjeu ei ni d’igi azi na mi. Ei tid’i ni kur d’od’oka hi hliwid’a, ei lei ni minda hi hliunid’a kur djib’er meid’a mi. Ata vut meid’a ei ni suma Alona hurum zal kei d’igi suma hiuna na na mi.

1 Tasaloni’â 4:14

Le ei nga hei gagazid’a ala Jesus mi mid’a mi tchol akulo aduk suma matna miyu ni, hina mi, ei hei gagazid’a ala suma a he gagazid’a yam Jesus suma a bona, Alona mba mi hulongôzi arid’a zlapa ki Jesus mi.

1 Tasaloni’â 5:6

Kayam ndata, ar ei buri sena d’igi suma hiuna na d’i, wani ei kagei irei sik ki ndjola.

Sunda hi suma hi Levi-nid’a 21:2

Wani ni ki suma a nga go ki sed’ema hol, nala, asum mboze abumu, goroma d’oze goromba ki wiyema.